Showing 13 results

1147ހ ރަމްލޯނު 24(1735މ ފެބްރުވަރީ 17)ގާ، އައްސުލްތާނު އިބްރާހީމް އިސްކަންދަރު، ރަންނަވަ ލޯކަ މަހާރަދުން، ގެ ދަރުބާރުގާ، ފީވަކު މުހައްމަދުގެ ދަރި އައިސަ، ގޮލޮޅުގާ އޮތް، އޭނާ ބައްޕަގެ ގޯތި، އޭނާގެ ފިރިމީހާ ހުސެއިން، އޭނާޔަށް ނުދޭންއުޅޭ ކަމުގާ ބުނެ، އެގޯތި އޭނާޔަށް ހޯދާދެއްވުމަށް އެދުމުން، އެގޯތި އޭނާޔަށް ހޯދާދެއްވާ، އެކަމުގ މައްޗަށް، ލިޔެފާވާ ފަތެއް.
މި ކަރުދާސް ލިޔެފާވަނީ، ފިލިނުޖަހާ ތާނައިން.
(Size: 7.85" × 5")
K.Male' - G.Feevaku Mohamed ge Goathi - gift(Housing Plot)

1318ހ ޒުލގައިދު 18(1901މ މާޗް 9)ގާ، މާންދޫގޭ ތުއްތު މަނިއްޕުޅު، ބާޒާރުގާ ހުންނަ، ބަނޑަހަ(ވިޔަފާރިކުރާން ވަގުތީ ގޮތުން ހަދައިފައި ހުންނަ ތަންތަން)ތަކުގާ އުޅޭ ބުންބާ އަދި ސޯޅިޔާ(ޝްރީލަންކާގެ މުސްލިމުން)މީހުން، ބަނޑޭރިގެޔަށް ގެންނަވާ، އެމީހުން ކައިރީގާ، ދޮށިމޭނާކިލެގެފާނުންގެ ގެދޮރަކަށް ވަދެ، މުދަލެއް ފޭރި، އެކިލެގެފާނުންގެ ބޭފުޅަކަށް އުނދަގޫކޮށް، އޭނާގެ އެއްވެސް މިލްކެއް އަތުލައިގަނެ، އަރައިގަނެ ނުވަތަ އެފަދަ އެއްވެސް ކަމެއް، އެމަނިއްޕުޅު ކުރެއްވިކަން، އެއިން އެއްވެސް މީހަކު ދެނެތިބިއްޔާ ދެނެތިބިކަމުގާ، ނުދެނެތިބިއްޔާ، ނުދެނެތިބިކަމުގާ ބުނެ ސޮއިކުރުމަށް އަމުރުކުރެއްވިކަން ބަޔާންކޮށް، އަދި އެމީހުން އެކަހަލަ އެއްވެސް ކަމެއް ނުދެނެތިބީމޭ ބުނެ، އަލީ ބަހީ އީސާ؟؟ޖީ ބަނޑަހަލުން، ޖީވަންޖީ ބަނޑަހަލުން، މޫސާ ބަހީ މުހައްމަދު އަލީ ބަނޑަހަލުން، ޔޫސުފް ބަހީ ތޮއްޔިބު ބަހީ ބަނޑަހަލުން، ކާދީ ބަހީ ތާޖް ބަހީ ފިހާރައިން، އދވސ، އެތައް ބަނޑަހަލަކާއި ފިހާރައަކުން، 42 މީހެއްގެ ނަން ލިސްޓުކޮށް، 4 މީހުންގެ ނޫން އެހެން އެންމެގެ ނަމާއި ދިމާލުގާ ސޮއިކޮށްފާވާ ލިޔުމެއް.
K.Male' -Order
(Size:16.3" x 13.01")

(ތާރީހެތް ނެތް..ރަދުންގެ ކޮލިނަން އަދި ވެރިކަމުގެ އަހަރަށް ބަލާފާ)1140ހ ޒުލްގައިދު(1728މ ޖޫނު 23)ގާ، އައްސުލްތާނު އިބްރާހީމް އިސްކަންދަރު(ސުވަސްތިސިރީ، މަތަމަހާސިރީ ރަންނަވަލޯކަ އަބާރަނަ ސިޔާކަ ސާސްތުރަ އައުދަކީރިތި ކައްތިރި ބަވަނަ މަހާރަދުން)ގެ ރަސްކަމުގެ 7ވަނަ އަހަރު، އެރަދުންގެ ދަރުބާރުގާ، މުލަކުއަތޮޅު ވާރިޔާފުށި(ކޮޅުވާރިޔާފުށީ/ކޮޅުފުށި)ރައްޔިތުން، އެމީހުން ފަރުހިލާ ފަޅުގެ މައްޗަށް ފަތްކޮޅަކަށް އެދުމުން؛ އެ ވާރިޔަފުށީގެ ގޮނިނެރުން(މޫދުން ރަށުގެ ތެރެއަށް ވަދެފައިވާތަން) ރަށުދެކުނުގާ އޮތް ހާފުށީ ދެކުނުކޮޅު މާބަދީ(އުސް ފަސްގަނޑެއް)އިމުގެ ފަޅުން ފަށައިގެން، އެރަށުގެ އުތުރުގާ އޮތް ދޫނިފުށި އާ ހަމަޔަށް އޮތް ފަޅާއި، އެ ދެ ރަށާއި، އަދި އެދިމާލުން ތޮވަރުފަޅު އުތުރުކޮޅުން ފަށައިގެން އެފަޅުގެ ދެކުނުކޮޅަށް ދާންދެން އޮތް ފަޅާ، އެފަޅުގާވާހާ ރަށްތަކާއި، އެ އެންމެހާ ތަންތަން، ވާރިޔާފުށި ރައްޔިތުންނަށް ދެއްވިކަމާ، އަދި ތޮވަރު ފަޅު ދެކުނުން އޮތް ކުރެލި އާއި، އެދެމެދު އޮތް ކުޑަހިނި ފަޅު، މާހިނި ފަޅު، ފުށިގާފަޅު، އަދި ބޯމާ ފަޅު އާއި މި ފަޅުތަކަށް، ވާރިޔާފުއްޓާ، މިދެ؟؟ރަށުގެ އަޅުތަކުންގެ އަމުރުނެތި، އެއްވެސް އެހެން މީހަކަށް ނުވަދެވޭނޭ ކަމާ، މިހުރިހާ ކަމެއްގެ އަމުރަށް، އެރަދުންގެ ސިއްކަ ޖަހާ، ފެންފުށީ އަހުމަދު ލިޔުނު ދިވެސްއަކުރު ފަތުގެ، 1979މ މާޗް 6(1399ހ ރަބީލްއާހިރު 7)ގާ، ހުސެއިން ފަހުމީ ކުރެއްވި ތާނަ ތަރުޖަމާ.
(Size: 8.9" x 7.3")
M - Vaareyaafushi - gift

1062ހ ޖުމާދިލްއައްވަލް 10(1652މ އޭޕްރިލް 19)ގާ، އައްސުލްތާނު އިބްރާހީމް އިސްކަންދަރު 1ގެ ރަސްކަމުގެ 4ވަނަ އަހަރު، އެރަދުންގެ ދަރުބާރުން، ދޮންއަލީ އޮޅުގިނާގެ ދަރި ހަސަން މޭނާ ކަލޯއަށް، ކަދީދާ ބިބީގެ ބަޑަށް ލިބިފާވާ، އަލީ ފަޑިއަތް ކަލޯ، އޭނާގެ ބައްޕަ އާއި މަންމައާއި، އައްސުލްތާނު މުހައްމަދު ބޮޑުތަކުރުފާނާ، އައްސުލްތާނު އިބްރާހީމް ފާށަނާކިލެގެފާނާ، އޭނާގެ ކާފާ ދޮންއަލީ އޮޅުގިނާ ކަލޯ އާއި އޭނާގެ އަނބިމީހާ އާއި، އޭނާ އާއި، މި މީސްމީހުން ނަރަކައިން ސަލާމަތްކުރެއްވާ ސުވަރުގެ ދެއްވުމަށް އެދި، ހެންވޭރު ވެވުގެ ދެކުނުން މިސްކިތެއް އަޅާ، އެމީހުންގެ މަތިފުށުގެ ތަކެތި އެ މިސްކިތައް ލަށްވާދެއްވުމަށް އެދުމުން، އެއާއިލާޔަށް މިލްކުވެފާވާ، މާލޭގެ އިރުމަތީގާ ވާ ހަދި ހަސަންރަސްގެ ކިޔާ ހިންނައާއި އިންވެ ދެކުނުން ދާވޫދުރަސްގެ މިސްކިތާ އިންވެ ހުޅަނގުން ކޮލިހިނގާ މަގާ އިންވެ އުތުރުން ވެއުފަތާ އިންވެ އޮތް ހިޔަ(96)ބަމަ ހުރި ހިންނަ ބިންގަޑާ، އެ ބިމުގާ ވާހާ އެއްޗަކާ، އަދި އެހިންނައިން ބޭރުގާ ހުރި، ހަސަން މޭނާ ކަލޯގެ މިލްކުގާ ވާހާ ރުކަކާ، މާލެއަތޮޅު ގާދޫއޭ ކިޔާ ރަށްގަނޑާ، ވިލިނގިލިގާވާ، އަލީ ފަޑިއަތް ކަލޯގެ މިލްކުގާވާހާ ރުކަކާ، ކުޑަބަނޑޮސްއާއި، މާހިތާ؟؟ ފުށްޓާއި، މިލަދުންމަޑުލު(ނ.) މާފުނަފަރުއާ، މުލަކުއަތޮޅު(މ.) މެދުފުއްށިއާ، ނިލަންދެއަތޮޅު(ދ.) ދެބައިދޫ އާއި، މާލެއަތޮޅު އޮޅުވެއްޔާ، (ދ.)ކުޑަހުވަދޫގާ ވާހާ، ހަސަން މޭނާ ކަލޯގެ މިލްކު ރުކާއި، އެ ހުރިހާ ރަށްރަށުގެ ގޮއިފާލައްބަ އާއި، އެތަންތާގާ ހުރި ހުރިހާ ކޭލާ ފަލަމަޑިއާ މިއެންމެހާ ތަކެތީން އެ މިސްކިތުގެ ހުރިހާ ކަމެއް ބެލެހެއްޓުމާ، މަރާމާތްކުރުމާ، ބަންގި ސޮލަވާތް ކިޔުމާ، އަދި ކޮންމެ ރަބީލްއައްވަލް މަހެއްގެ ފުރަތަމަ ހުކުރުދުވަހު ސޮލަވާތު ކެއިމެއް މިސްކިތުގަ ބެހެއްޓުމާ، އިސްވެ ބުނެވިފާވާ ހުރިހަ ބޭބޭފުޅުންނަށް ކޮންމެ އަހަރަކު، 3 ކެއިން ކައްކާގެން އެމިސްކިތުގާ، އަދި މިސްކިތުގަ ނުކުރެވިއްޖެއްޔާ، ކުރެވުނު ތަނަކު، ފާތިހަ ކިޔެވުމަށާ، އެއެންމެ ކަންކަން ޝަރުތުކޮށް، އެތަނުގެ ހަވާލުވެރިން ކަމުގާވާ ހަސަން މޭނާކަލޯގެ ދަރިކޮޅަށް، އެކަންކަން ކޮށްފާ ބާކީހުރި އެއްޗެތި ލަށްވާ، މިއެންމެ ކަންކަން ބަޔާންކޮށް ފަތެއް ލިޔުމުގެ އަމުރުނެރުއްވުމުން، އެރަދުންގެ ސިއްކަ ޖަހާ، ބަނޑޭރި ފަޑިއަތް ތަކުރު ކިއުމުން، މަހްމޫދު ނައިބު އަޅާ، ދިވެސްއަކުރުން ލިޔުނު ފަތުގެ، 1324ހ ޒުލްގައިދު 26(1907މ ޖަނަވަރީ 11)ގާ ކޮށްފާވާ ތާނަ ތަރުޖަމާއެއް.
ފަތުގެ ނުފުށުގާ، ފަހުގެ ތާރީހެއްގާ، 'ހެންވޭރު ބޮޑުގަލު މިސްކިތް' އަދި 'ހެންވޭރު ބޮޑުކާށި މިސްކިތު ބޯގަ ފަތުގެ ނަކަލެއް' މިހެން ޖަހާފާ ވެއެ. ބޮޑުގަލު މިސްކިތް އެއީ އޮޅުމެއް.
Size: 16.5" X 13.1"
K.Male' - H.Bodukaashi Miskiiy (Mosque) - Endowment for Shrine (ziyaaraiy)

1140ހ ޖުމާދިލްއައްވަލް(1727މ ޑިސެންބަރު)ގާ، އައްސުލްތާނު އިބްރާހީމް އިސްކަންދަރު ރަދުންގެ ދަރުބާރުން، ހަންދުންމަތީ ގަމު .... ހުސެއިން(ވީދިފާވާތީ ކިޔަންނޭގެ) އެ ދަރުބާރަށް ގޮސް، އެރަށުގާ، ރަދުންނާއި ރަންދިޔާފާނު(ރަދުންގެ ދަރިކަނބަލުން) ވިދާޅުވި ބަސްފުޅަށް، މިސްކިތެއް އަޅައިފީމޭ ބުނެ، އެމިސްކިތަށް ބޯގައެއް ލަށްވާދެއްވުމަށް އެދުމުން، އެމިސްކިތުގެ އުތުރުން އޮތް 'ކީރިއަފައްނާ'އި އިންވެގެން ދެކުނުން އޮތް 'ކަބޯގެފައްނާ'އި އިންވެގެން، އެދެތާނގެ މެދުގާ އޮތް މާހިންނަ އާއި، ރަދުންނާ، ރަދުންގެ އެއްބަނޑު ހަތީބު މޫސާ، (ކިޔަންނޭގޭ.....)އާއި، ތިން މީހުންނަށް؟؟؟ މިލްކުވެފާވާ ހުރިހާ ރުއްގަސް އަދި ދަނޑުފަގުގެ، ގޮއިފާލައްބަ ކަނޑާ، އެ މިސްކިތަސް ބޯގަޔަށް ލަށްވާ، އެ މިސްކިތުގެ މުދިމަކަށް ވާރު އިސްތިސްނާ ވެގެންވާނެ ކަމާ، އަދި އޭނާޔާ ނުލާ، އެރަށުގާ އެއްވެސް ޖަމާއަތެއް ނުކުރެވޭނޭ ކަމާއި، އަދި އެރަށު ބަންޑާރަ މުދިމުންނަށް އޮންނަ ކޮންމެ ކަމެއް އޭނާޔަށް އޮންނަންވާނެ ކަމާއި. (ފަތުގެ ފަހަތްކޮޅު ކިޔަން ނޭނގެ....ވަގުފްގެ ހަވާލުވެރިން އެއީ ކޮންބަޔެއް ކަމެއްވެސް ނޭނގެ).....މިކަންކަން ލިޔެފާވާ ފަތެއް. Size; 13" X 12.5"
L.Gan - Gan Miskiiy (Mosque) - Endowment for Shrine (ziyaaraiy)

1148ހރަބީލްއައްވަލް(1735މ އޯގަސްޓް)ގާ، އައްސުލްތާނު އިބްރާހީމް އިސްކަންދަރު 2ގެ 15ވަނަ އަހަރު، މިރަދުންގެ މަންމަ ބޮޑުމަނިކުފާނާއި، އެ ކަނބަލުންގެ ހުރިހާ ދަރިން، އެ ކަނބަލުންގެ މާމަ، ކަނބާ މަރިޔަމް ރަނިކިލަގެ، މާލޭގެ ގަލޮޅު އާމިސްކިތުގެ ދެކުނު ފާރާ އިންވެ އޮތް، ދޭވާނީ އަލީގެ އަންހެން ދަރީގެ އަތުން ގަނެ، އެގޯއްޗާ، އެތާގަ ވާހާ ތަކެއްޗެއް، ފެންފުށީ ހަސަން ހަތީބުގެ ދަރި އައިޝާބީއަށް ހަވާލުވެރިކަން ލަށްވާ ވަގުފްކޮށްފާވާ ގޯތީގެ ވަގުފްގެ ހަވާލުވެރިކަން، އަހަރުން އަހަރަށް، އެކަނބާފާނާއި، އޭނަގެ މަންމަގެ ފާތިހާދުވަހު، ޔާސީން ކިޔަވާ، ކޮންމެ ހުކުރުވިއްލޭރެއަކު ފާތިހާފަރިއްކޮޅު ކިޔެވުމަށް ޝަރުތުކޮށް، އެ އައިސާބީގެ ދަރި ދޮންއަލީ އާއި، އޭނަގެ ދަރިކޮޅަށް ލަށްވާފި ކަމުގާ އިގުރާރުވެ، އެކަމުގެ މައްޗަށް ފަތްލިއުމުގެ އަމުރުނެރުއްވުމުން، އެރަދުންގެ ސިއްކަ ޖަހާ، ލިޔެފާވާ ދިވެސްއަކުރު ފަތުގެ، 1378ހ ޝައުބާން 12(1959 ފެބްރުވަރީ 20)ގާ، ހުސެއިން ފަހުމީ ކޮށްފާވާ ތާނަ ތަރުޖަމާއެއް. Size: 23.8" X 8"
F0-113 ( K.Male' - Kakaage (Housing Plot) - Deed for housing plot - Thaana - 1 Page

1077ހ(1667މ)ގާ، (ރަދުންގެ ނަމެއް ނެތް، ތާރީހަށް ބަލާފާ)އައްސުލްތާނު އިބްރާހީމް އިސްކަންދަރު 1ގެ ރަސްކަމުގެ 19ވަނަ އަހަރު، އައްޑު އަތޮޅު ހިތަދޫ އަށް ވަޑައިގަތުމުން، އެރަށު މީހުން، މިސްކިތަކަށް އެދުމުން، އެތަނުގެ މާމިސްކިތް އަލުން އަޅުއްވާ، އެރަދުންގެ ބައްޕަގެ ދަރުބާރަށް، ރަންދިޔާފާނަށް(ރަދުނެއްގެ ފުރަތަމަ ލިބޭ އަންހެން ދަރިކަނބަލުން) މުދި(ގަހަނާ) ގެންދިޔަ، އައްޑޫ މީދޫ ވަތަބަނޑޭރިގެ ދަރި އަދަރަހަން ދިއުމުން، އެރަށު މީހުންނަށް ލެއްވި، ހިތަދޫ ކޮރުވެލެ ކިޔާތަން، އެމިސްކިތު ބޯގައަށް ލަށްވާ، އެ އަދަރަހަން އާއި އޭނާގެ ދެ ދަރިންނާއި، އެމީހުންގެ އެއްބަނޑު މޫސާ ކުޑަބަނޑޭރިއާ، ދަލޭކައާ، މިފަސް މީހުންނަށާއި އެމީހުންގެ ދަރިކޮޅަށް، އެތަނުގެ ހަވާލުވެރިކަން ލަށްވާ، އެ ރަދުންނާއި، އެރަދުންގެ ބައްޕާފުޅާއި، މަންމާފުޅަށް ކޮންމެ ރަބީލްއައްވަލް މަހު 4 ދުވަހު، ފަސް މީހުން ލަށްވާ ބާރަ ދުއާ ކިއުމަށް ޝަރުތުކުރަށްވައިފި ކަމުގެ އަމުރުނެރުއްވުމުން، އެރަދުންގެ ސިއްކަ ޖަހާ، ބަނޑޭރި ހުސެއިން ހަނދޭގިރި ކިޔުމުން އަލީ މާމުދިން ދިވެސްއަކުރުން ލިއެފާވާ ފަތުގެ(F0-103)ގެ، 1378ހ ޒުލްގައިދު 11(1959މ މޭ 19)ގާ، ހުސެއިން ފަހުމީ ކޮށްފާވާ ތާނަ ތަރުޖަމާއެއް. Size: 13" X 7.9"
S.Hithadhoo - Maa Miskiiy (Mosque) - Endowment for Shrine (ziyaaraiy)

1086ހ(1675މ)ގާ، (ނަމެއްނެތް... ތާރީހަށް ބަލާފާ) އައްސުލްތާނު އިބްރާހީމް އިސްކަންދަރު 1ގެ 28ވަނަ އަހަރު، އެރަދުންގެ ދަރުބާރުގާ، މަހަމޫދު ފަނޑިޔާރު، އޭނާއާއި ރަންދިޔަގެފާނާއި، އައްޑޫ މީދޫ ލެޑިކޮޅު ކިޔާތަނުގާ ބިނާކުރި މިސްކިތް ބެލެހެއްޓޭނެ ގޮތެއް ހައްދަވާދެއްވުމަށް އެދުމުން، އެމިސްކިތުގެ ބޯގަޔަށް، އައްޑޫ މީދޫ އުތުރުން އޮތް ހިކަހެރަ އާއި، ހިރިއަދާހުރާ؟ އާއި، މީދޫ ހުޅަނގު ފަރާތު އުތުރުން ގައްލަނޑު ދޮންއައިހާ ބިބީގެ ފަންނުން(ގޮނޑުދޮށަށް އަރާފައިބާ އޮންނަ ހާއްސަ ދިމަދިމާ)އިރަށް ގޮސް މެދުމަގުން ދެކުނަށް، ވާދީ އަހައްމަދުގެ ފަންނުން ހުޅަނގަށް ދާއިރު، މިދެމެދުގާ އޮންނަ އުރައިލައިކާ ދަނޑުބިން ނޫން އަތިރިމަތީ އަތިރިމަތީ ރުއް އިންދާފާވާހާ ބިންބަޔާ، ގަމުގާ ހުރި، ބަންޑާރަ ބިން ނޫން އެހެން ބިންތަކުގެ ރަސްބަޔަށް ވާ 10ބައި ތެރެއިން ބަންޑާރަޔަށް އޮންނަ 250 ބޮނޑި ދީފާ، ދެން ބާކީ އޮތްބަޔާއި، މިރަށު ފަރަކު.... (ލިޔެފައެއްނެތް)...... ފެމުސެއްރި(އަޅުމީހާ، ނޯކަރު)އަކާއި، މިއަޅުން(ރަސްގެފާނުގެ ބޭބޭފުޅުން؟؟؟) އިންދާފާވާ ރުއްހުރި ބިންތަކާއި، އަދި އެ ތަކެތިން ލިބޭ ފައިދާއަކުން، އެމިސްކިތުގެ ހުރިހާ ކަންކަމެއް ކޮށްފާ ބާކީވާ އެއްޗަކުން، ރަދުންނާއި، ރަދުންގެ މަންމާފުޅު، އައިޝާކނަބާ އާއި ބައްޕާފުޅާއި، އޭރުގާ ހުންނެވި އަނބިކަނބަލުން، ސިރާޖުލް އާލަމް އައިމިނާ ރަނި ކިލެގެފާނުންނާއި، މި އެންމެހާ ބޭބޭފުޅުންނަށް، ކޮންމެ ރޯދަމަހަކު ހަތިމެއްކޮށް، ކޮންމެ ރަބީލްއައްވަލް މަހަކު، ދިހަ މީހުންލަށްވާ ބާރަދުއާ ކިއުމަށާ، މިއެންމެހާ ކަންކަމުގެ އަމަރުނެރުއްވުމުން، އެރަދުންގެ ސިއްކަ ޖަހާ، ބަނޑޭރި ހުސެއިން ހަނދޭގިރިން ކިއުމުން، މާމުދިން އިބްރާހީމް، ލިޔެފާވާ، ދިވެސްއަކުރުގެ ފަތު(F0-99)ގެ، 1378ހ ރަމްލޯނު 6(1959މ މާޗް 16)ގާ، ހުސެއިން ފަހުމީ ކޮށްފާވާ ތާނަ ތަރުޖަމާއެއް. Size; 13" X 7.9"
S.Meedhoo - Mahumoodhu Ghaazee Miskiiy (Mosque)- Endowment for Shrine (ziyaaraiy)

(ތާރީހެއް ނެތް) އައްސުލްތާނު އިބްރާހީމް އިސްކަންދަރު(ފަތަކުނެތް... ހުކުރުމިސްކިތް ބިނާކުރެއްވީ އެރަދުން ކަމުން) އެމިސްކިތް(ހުކުރު މިސްކިތް) ބިނާކުރަށްވާފާ، މިހުރާބުގޭ ފަސް މުދިމުން، ކޮންމެ ހުކުރު ދުވަހަކު ބަންގީ ސޮލަވާތް ގޮވާ، މާމުދިމަކު މަހާ ވޮޑިގަތުމަށް އެދި(މާނަ ނޭނގޭ.... ހީވަނީ ރަސްގެފާނުން ވަޑައިގަތުމަށް އެހުން ހެން)، ކޮއިލު ސޮލަވާތް ގޮވާ، ސުއްޖާދު(ރަދުންގެ މުސައްލަ)އުފުލާ، ހުތުބާ ކިޔާ، އައުދަ(ކަނޑި)ނަގާދީފާ، ދެންތިބި މުދިމުން، ކަތީބަކު ބަލާދިއުމާ، ސޮލަވާތް ފޮތާއި ފޭލި ގެނެސް ރަދުންނަށް ދިނުމަށާއި، އަދި ކޮންމެ ހުކުރު ދުވަހަކު ޒިޔާރަތްކައިރީގާ ޔާސީން ކިޔެވުމަށާއި، އަދި ކޮންމެ ދުވަހަކު 3 ފަހަރު އިހްލާސް ސޫރަތް ކިޔެވުމަށް އަންގަވާފަޔާ، އަދި، ދޮށުން ދޭ 18ލާރިއާ، ތުލުސްދޫއިން 136ބަމަ ހިންނައަކާ، މާލޭ މައްޗަންގޯޅިން 136ބަމަ ހިންނައަކާ، 'މަލަގުރައިދޫ'؟(އ.ނަލަގުރައިދޫ؟/މާލެއަތޮޅު ގުރައިދޫ؟)ގެ ދެބައިކުޅައެއްބަޔާ، 'ކުނާމީދޫ'؟ (ރ/ދ/ސ؟)އާއި، ދ.ވެލަވަރު؟ ރަސްބޮއްޔާ، ގަމުއަތޮޅު ގަމުން(ލ.ގަން؟؟) 100ބަމަ ހިންނައަކާ، 'މަގަތައްލާބަދުވާ'؟؟އާއި މިހުރިހާއެއްޗެތީން، މިކަންތައް(ހުކުރުމިސްކިތް ބެލުން؟؟؟) ކުރުމަށް ލެއްވި ކަމުގާ ހުކުރުމިސްކިތުގެ މެދު މިސްކިތުގެ ދެކުނުއިރުމަތީ ތަނބުގާ ހުރި ދިވެސްއަކުރު ލިޔުމެއްގެ ތާނަ ތަރުޖަމާއެއް. Size: 10.2" X 8.3"
K.Male' - Hukuru Miskiiy (Mosque) - Order

1161ހ(1748މ)މިތާރީހު، ފަތުގެ 13ވަނަ ފޮޅުވަތުގާ އަރަބި ހިސާބުއަކުރުން ލިޔެފާ، އަދި 2ވަނަ ފޮޅުވަތުގާ، އައްސުލްތާނު އިބްރާހީމް އިސްކަންދަރު އަރަބިން ލިޔެފާވާ، ދިވެސްއަކުރު ފަތެއް.
އަދި ފަތުގެ ނުފުށުގާ، 'އޮޅުވެލިފުށި މިސްކިތު ބޯގަ' މިހެން ތާނައިން ލިޔެފާވޭ.
Size: 12.5" X 11.4"
Lh.Olhuvelifushi - Lh. Olhuvelifushi Miskiiy (Mosque) - Endowment for Shrine (ziyaaraiy)