Showing 867 results

1339ހ މުހައްރަމް 17(1920މ ސެޕްޓެންބަރު 30)ގާ، އައްސުލްތާނު މުހައްމަދު ޝަމްސުއްދީނުގެ ދަރުބާރުގާ، ފާދިއްޕޮޅު ނައިފަރު މީހުން، އެރަށުގެ ހުކުރު މިސްކިތް އަދި ކުޑަ މިސްކިތް، އެރަދުންގެ އަމުރުފުޅަށް، ހަދާ، އާކޮށްފިކަމުގަ ބުނެ، އެދެތަން ބެލެހެއްޓޭނެ ފަދައެއް ހަމަޖަށްސަވާދެއްވުމަށް އެދުމުން؛ އެދެތަނުގެ އިހުފަތް ބަށްލަވާ، 1266ހ(1850މ)ގާ، އޭރުގެ ރަދުންގެ، އަލްގާޒީ މުހިއްބުއްދީނުގެ ޝަރީއަތު މަޖިލީހުން، އެރަށުގެ ގޮއެފާލަށްބައަށް، އެދެމިސްކިތުގެ ހަވާލުވެރިން އަރާރުންވާތީވެ، އެތަން ބަންޑާރަޔަށް ލަށްވާފާވާކަން ސާބިތުވެ، އަދި، 1197ހ(1783މ)ގާ، މުހައްމަދު މުހިއްބުއްދީނުގެ ލިޔެފާވާ ފަތުން، އަލްވަޒީރު ހަސަން ދަހަރާދަ، އެކުޑަމިސްކިތް މައްޗަށް، ނ.ރާފުށި ވަގުފްކޮށްފާވާ ކަމުގާ ސާބިތުވެ، ހުކުރު މިސްކިތު ބޯގައަށް، ނައިފަރު ގޮއިފާލަށްބަ ލަށްވާ، އަދި ކުޑަ މިސްކިތަށް ވަގުފްވެ އޮތް ނ.ރާފުށި، އެގޮތަށް ބޭއްވުމަށާ، އެދެތަނުގެ ހަވާލުވެރިން އެނގި ނެތުމުން، ވަގުތީގޮތުން، ނައިފަރު ރައްޔިތުންގެ މައްޗަށް އެކަން ލަށްވާ، އަމުރުނެރުއްވުމުން، އެރަދުންގެ ސިއްކަ ޖަހާ، ބޮޑުގަލު މޫސާ ދީދީގެ އަބްދުއްލޯ ދީދީ(އަބްދުއްލާ ކަމާލުއްދީނު)، ލިޔެދީފާވާ ފަތުގެ ނަކަލެއް. Size: 8.8" X 5.5"
Lh.Naifaru - Hukuru Miskiiy (Mosque), Kuda Miskiiy (Mosque) - Endowment for Shrine (ziyaaraiy), Endowment for Mosque

1108ހ(1697މ)ގާ، އައްސުލްތާނު އިސްކަންދަރު އިބްރާހީމް(ކަލާފާނު)ގެ ރަސްކަމުގާ، އެރަދުންގެ ރަސްކަމުގެ 4ވަނަ އަހަރު، 997ހ(1589މ)ގާ، ހައްދުންމަތީ ގަމުގެ ހުކުރު މިސްކިތް ބާވެގެން، އެރަށު ރައްޔިތުން، އާ މިސްކިތަކަށް އެދި، އެރަދުންގެ އަމުރު ލިބި، އެޅި މިސްކިތް، ނިމިއްޖެ ކަމުގާ ބުނެ، އިހު މިސްކިތުގެ ލޯމާފާނުގާ، އެތަނުގެ ބޯގަޔަށް ލަށްވާފާހުރި އެއްޗެތި، އަލަށް އެޅި އެ މިސްކިތަށް ލަށްވާދެއްވުމަށް އެދުމުން؛ އެކަން އެގޮތަށް އޮންނަންވާނެ ކަމުގަޔާ، އެރަށު ގޮއިފާލަށްބާ ނޫން އެހެން ހުރިހާ އެއްޗެއް، އެމިސްކިތު ބޯގަޔަށް ލަށްވާ، އަދި، އިސްކަންދަރު ރަދުންގެ ބައްޕާ އައްސުލްތާނު މުހައްމަދު(ބޮޑުތަކުރުފާނު)، ލ.ގަމަށް ވަޑައިގެތް ފަހަރު، އެރަށު ރައްޔިތުން، އެރަދުންނަށް ދީފާވާ، 400ބަމަ ހިންނައާ، އިސްކަންދަރު ރަދުންނަށް، އެރަށު މީހުން ދީފާވާ ހިންނައާވެސް، ގޮއި(ސަރުކާރަށް އެތަނަކުން ދޭންޖެހޭ ތަކެތި)ކަނޑުއްވާ، އެމިސްކިތަށް ބޯގައަށް ދެއްވާ، އެތަނުގެ ހަވާލުވެރިކަން، އެރަށު ރައްޔިތުނަށް ލަށްވާފި ކަމުގެ އަމުރުނެރުއްވުމުން، އަލްވަޒީރު ހާޖީ މުހައްމަދު ފާށަނާ ކިއުމުން، މުހައްމަދު ހަތީބު ލިޔުނު (ދިވެސްއަކުރުން) ފަތުގެ، 1962ހ މޭ 14(1381ހ ޒުލްހައްޖު 9)ގާ، ގަމު ނައިބު ހަސަން އިބްރާހީމް ދީދީ ކުރަށްވައިފާވާ ތާނަ ތަރުޖަމާ.Size: 10" X 8"
L.Gan - Hukuru Miskiiy (Mosque) - Endowment for Shrine (ziyaaraiy)

(R-14-P11 އެއީ، މީގެ އަސްލު ފަތެ. ސުރުހީ ވާނީ އެ ކަރުދާހާ އެކުއެ.)Size: 8.8" X 5.5"
Lh.Naifaru - Kuda Miskiiy (Mosque) - Endowment for Shrine (ziyaaraiy)

1302ހ ޖުމާދިލްއާހިރު(1885މ އޭޕްރިލް)ގާ، އައްސުލްތާނު އިބްރާހީމް ނޫރައްދީނުގެ ދަރުބާރަށް، ފާދިއްޕޮޅު ހިންނަވަރު މީހުން އައިސް، އެރަށުގެ ހުކުރުމިސްކިތް ބަލަހަށްޓާނެ ފަދަ ނެތިގެން އެ ރަސްގެފާނުންގެ އަރިހުގައި ދެންނެވުމުން؛ އެއަތޮޅު ފެލިވަރު އަދި ހިންނަވަރު، އެމިސްކިތުގެ ބޯގަޔަށްލެއްވި ކަމުގެ އަމުރަށް، މާލެ، ފަތްލިޔާ އުމަރު ލިޔެފާވާ ފަތުގެ، ހިންނަވަރު އޮފީހުން ފޮނުވާފާވާ، ނަކަލެއް. Size: 10" X 8"
Lh.Hinnavaru - Hukuru Miskiiy (Mosque) - Endowment for Shrine (ziyaaraiy)

1962މ އޭޕްރިލް 22(1381ހ ޒުލްގައިދު 17)ގާ، ތިލަދުންމަތި ނޮޅިވަރަންފަރުގާ ހުންނަ ހދ.އަތޮޅުއޮފީސް(ހ)އިން، އެ ވުޒާރާގެ، 3-62/59ނަންބަރު ސިޓީގެ ޖަވާބުގާ؛ އެ އަތޮޅު ނޭކުރެންދޫގާ ދިވެހި ރުކާ ކަށިކެޔޮ ހަށްދާފާވާ، ނޭކުރެންދޫ ނަސީބުކަލޭގެ ވަގުފް ރުއްގަނޑު ކިޔާ ރުއްގަނޑެއް އޮތްކަމާ، ވަގުފްކޮށްފާވަނީ، ބިން ނުލާ، އެތާގާ ހުރި ރުއްގަސް އެކަނި ކަމާ، އެރުއްގަނޑުގާ ހުރީ އެ ނަސީބުކަލޭގެ އިންދާ ތައްޖަށްސާ، އޭގެ ތެރެއިން އޭނާއަށް އަމިއްލަވީ ބައި، އޭނާގެ ދަރިންނަށް ހަވާލުވެރިކަންދީ، ވަގުފްކޮށްފާވާ ކަމާ، އަދި އެރަށު މީހުން ބުނާގޮތުގާ، އެތަނުގެ ފަތެއް އޮށްވާ، ޔޫސުފް ކަތީބުގެ ވެރިކަމުގާ، އެފަތް މަހްކަމަތުލް ޝަރިއްޔާއަށް ގެންގޮސްފާވާކަމާ، އޭރު އެވަގުފްގެ ހަވާލުވެރިއެއް ނެތުމުން، އެދަރިކޮޅުގެ ބައިވެސް ބަންޑާރަވެ، އޭގެ ކުޑަދުވަސްކޮޅެއްކުރިޔާ ޖެހެންދޭ ވަރުވާޔަށް، ވުޒާރަތުލް ދާހިލިއްޔާއިން، އެކިމީސްމީހުންނަށް ދީފާވާ ކަމާއި، އަދި އޭގެ ކުޑަދުވަސްކޮޅެއް ކުރިން، މަގުކޮށާ، ބިންވަކިކުރުމުން އެރި އޮޅުމަކުން، އެތާގާވާ ބަންޑާރަ އަދި އަމިއްލަ(ވަގުފް)ބައި، ވުޒާރަތުލް އައުގާފުގާ ލިޔެގެން މީހަކު އުޅޭކަމާ، އަދި އެރަށުގާ އޭގެ އިތުރަށް، ވަގުފް އެއްވެސް އެއްޗެއް، އަމިއްލަ ބިމެއް، އޮތްކަމެއް ނޭނގޭކަމުގާ ބަޔާންކޮށް، އަތޮޅުވެރިޔާ އިސްމާއިލް ނަސީރު، ސޮއިކޮށްފާވާ ސިޓީ/ނަކަލު؟  Size: 8.2" X 6.5"
H.Dh.Neykurendhoo - letter(Endowment for property)

1284ހ ރަބީލްއާހިރު 4(1867މ އޯގަސްޓް 5)ގާ، އަލްގާޒީ މުހައްމަދު މުހީބުއްދީނު އުއްތަމަ ފަނޑިޔާރުގެ މަޖިލީހަށް، ނޮޅިވަރަމު ހަސަން ހަތީބު ތަކުރުފާނުގެ ދަރި އުމަރު ކަލޭގެ އައިސް؛ އޭނާގެ މިލްކުގާ، ނޮޅިވަރަމު ގާވާހާ، ގެވެހި، ރަންރިހި، ލޯ އަދި ސީނު ކަންވާރު އާއި ގުޅިރުނބާ، ނިދަނިވި ތަންމަތި، ރުއްގަސް، ދަނޑުފަގު، ކޭލަދަބިންފަލަމަޑި، މިއެންމެހާ އެއްޗެތި، އޭނާގެ މިލްކުން ކަނޑާ، ވަގުފްކޮށްފި ކަމުގަޔާ، އަދި އެވަގުފް ފުއްދާ، އިތުރަށް ހުރި ނަފާ 'ކެއުމުގެ' ހަވާލުވެރިކަން، އޭނާގެ ދަރިކޮޅަށް ލަށްވައިފިން ކަމުގާ ބުނެ، އެކަމުގެ މައްޗަށް ފަތަކަށް އެދުމުން؛ އެ މަޖިލީހުން ލިޔެފާވާ ފަތުގެ ނަކަލެއް.
 
(Size: 11" X 8.5") Chief Justices - Al Ghaazee Mohamed Muhibbuddin
H.Dh.Nolhivaram - Deed for housing plot, Endowment for property

(ތާރީހެއް ނެތް)'ހދ. އަތޮޅުއޮފީސް، ނޮޅިވަރަމްފަރު'(ލިޔުނު ފަރާތު އެޑްރެސް ޖަހާގޮތަށް ޖަހާ)، 'ނަންބަރު ހ3-62/16 ސިޓީއާ ގުޅޭ' މިހެން ސުރުހީކޮށް، ރުކާ، އެކިވަށްތަރުގެ ގަސް، އަދަދާއެކީ ޖަހާ، އަދި، ބޮޑުމިނާއެކު، ގެއެއް، ބަދިގެއެއް ބަނޑަހަގެއެއް ޖަހާފާވާ ލިސްޓެއް.(F6-26Aއާއިމި ކަރުދާހާ އެއްކޮށް ހީރަސްކޮށްފާ އޮތީތީވެ، މިއީ އޭގާ އެބުނާ ވަގުފްގެ ލިސްޓެއް ކަމުގާ ބެލެވޭ)
 
List of palm trees and the measurments of household plot (Size: 9.1" X 4.2")
H.Dh.Nolhivaranfaru - list(Endowment for property)

1363ހ ރަބީލްއާހިރު 22(1944މ އޭޕްރިލް 16)ގާ؛ މަހްކަމަތުލް ޝަރީއްޔާގެ ޝަރީއަތު މަޖިލީހުގާ، އެމަހު 19ގާ، ތިލަދުންމަތީ ނޮޅިވަރަމު މާލިމީ މުހައްމަދުގެ މޫސާ، އޭނާ އާއި އޭނާގެ އަންހެނުން، ދޮންހަސަންގެ އައިސަ އާއި ދެމީހުންގެ މިލްކިއްޔާތުގެ ތެރެއިން ވަގުފް ސައްހަވާ އެންމެހާ މުދަލެއް، އެދެމަފިރިންގެ އަލީ، އުސްމާނު، މަރިޔަމް އަދި ސިއްތި، މި 4 ދަރިންނަށާ، އެދަރިން ނެތްނަމަ، އެދަރިންގެ ދަރިކޮޅަށް، އެވަފްގެ ހަވާލުވެރިކަން ލަށްވާފި ކަމުގާ ބުނެ، އެކަމުގެ މައްޗަށް ފަތެއް ލިޔެދިނުމަށް އެދުމުން، އެ އައިސަ، އެރަށުގެ ނައިބުގޭގާ، އެކަމަށް އެދިފާވާކަން ސާބިތުވެ، އެ މަހްކަމާއިން ލިޔެދީފާވާ ފަތުގެ ނަކަލެއް.List of palm trees, tools, boxes, wood, gold and silver (Size: 11" X 8.5")
H.Dh.Nolhivaranfaru - Endowment for property

(ތާރީހެއް ނެތް)'ހދ. އަތޮޅުއޮފީސް، ނޮޅިވަރަންފަރު'(ލިޔުނުފަރާތު އެޑްރެސް ޖަހާގޮތަށް ޖަހާފާ)، 'ނަންބަރު ހ3-62/13 ސިޓީއާ ގުޅޭ' މިހެން ސުރުހީކޮށް، ރުކާ، އެކިވަށްތަރުގެ ގަސް، ހިފާގެންގުޅޭ ސާމާނު، ފޮށި، ފިލާ، ރަން އަދި ރިހި ގަހަނާ، އަދަދާއެކީ ޖަހާ، އަދި، ބޮޑުމިނާއެކު 1ގެ، ޖަހާފާވާ ލިސްޓެއް.(F6-27Aއާއިމި ކަރުދާހާ އެއްކޮށް ހީރަސްކޮށްފާ އޮތީތީވެ، މިއީ އޭގާ އެބުނާ ވަގުފްގެ ލިސްޓެއް ކަމުގާ ބެލެވޭ)Size: 9.1" X 4.2"

1341ހ ސަފަރު 17(1922މ އޮކްޓޯބަރު 9)ގާ، އައްނައިބު ހުސެއިން ސަލާހުއްދީނު ބަންޑާރަނައިބުގެ މަޖިލީހުގާ، ނޮޅިވަރަމު މުދިން ބޮޑުމުހައްމަދު ކަލޭގެ ދަރި އިބްރާހީމް، އޭނާގެ މިލްކުގާ ވާހާ، ވަގުފްސައްހަވާ މުދަލެއް، ކޮންމެ ރަބީލްއައްވަލް 12 ދުވަހު، މެންދުރު، ކުކުޅުލީ ކެއުމެއް ކަށްކާ، ފަނިގިރާ، އެތަކެތިން، ރަސޫލާއަށް ސޮލަވާތެއް ކިޔެވުމަށް ޝަރުތުކޮށް، ވަގުފްކޮށްފި ކަމާ، އެތަނުގެ ހަވާލުވެރިކަން، އޭނާ ނެތުމުން، އޭނާގެ ދަރި މަރިޔަމް އަދި، އެދަރި ނެތުމުން، އެދަރީގެ ދަރިކޮޅަށް ލަށްވައިފި ކަމުގާ ބުނެ، އެކަމުގެ މައްޗަށް ފަތަކަށް އެދުމުން؛ އެކަން ބަށްލަވާ، އެވަގުފް ސައްހަކަމުގާ ނިޔާކުރެއްވުމުން، އެތެރެކޮއިލުމިސްކިތު މަލިން މޫސާ ލިޔެދީފާވާ ފަތުގެ ނަކަލެއް.(Size: 11" X 8.5") Chief Justices - Al Naaibu Hussain Salahuddin
H.Dh.Nolhivaram - Endowment for property