Mostrar 867 resultados

(ތާރީހެއް އިނގޭކަށް ނެތް)، 13ވަނަ ފޮޅުވަތުގާ، 'އައްސުލްތާނު މުހައްމަދު މުއީނުއްދީނު އިސްކަންދަރު' މިނަން، 15ވަނަ ފޮޅުވަތުގާ ނަސްރަތު އާއި ކަބާއާއިޝަތު އަދި ފަހަތުން 6ވަނަ ފޮޅުވަތުގާ، 'އައްސުލްތާނު މުހައްމަދު' މިނަން، އަދި އެންމެ ފަހުފޮޅުވަތުގާ ހަސަން، މިނަން އަރަބިން ލިޔެފާވާ، ދިވެސްއަކުރު ފަތެއް.

(Size:14.85" x 12.2")

(ތާރީހެއް އިނގޭކަށް ނެތް)، ފަހަތުން 14ވަނަ ފޮޅުވަތުގާ، 'އައްސުލްތާނު އިސްކަންދަރު އިބްރާހީމް' މިނަން، އަދި އެންމެ ފަހު ފޮޅުވަތުގާ، މުހައްމަދު ހަތީބު، އަލް ވަޒީރު ހާޖީ މުހައްމަދު، މިދެނަން އަރަބިން ލިޔެފާވާ، ދިވެސްއަކުރު ފަތެއް.(Size:20.3" x 13")

1235ހ ޖުމާދިލްއާހިރު(1820މ މާޗް)ގާ، އަލްގާޒީ އިބަރާހީމް ސިރާޖުއްދީނު އުއްތަމަ ފަނޑިޔާރު މަނިކުފާނުގެ ދަރުބާރަށް، ކުޑަދަހަރާ ތަކުރުފާނުގެ ވަގުފް އާއި ދީދީ ފަޑިޔަތް ތަކުރުފާނު؟؟؟ގެދަރި ދީދީ ތަކުރުފާނު؟؟؟ގެ ވަގުފާއި، އެދެވަގުފްގެ ހަވާލުވެރިޔާ އައިސް، އެމީހުންނަށް އަލްގާޒީ ހަސަން ތާޖުއްދީނު އުއްތަމަ ފަނޑިޔާރު ލިޔެދެއްވި ފަތް ބާވެގެން އެފަތް އާކޮށްދެއްވުމަށް އެދުމުން؛ އެ ފަތް ބެއްލެވިއިރު، އެއީ؛ އެދެ ވަގުފްގެ އިހުގެ ހުރިހާ ފަތެއް، މުލަކަށް ދިޔަ ކިލެގެފާނުންނާ އެކީގާ އައި އިނގިރޭސި؟؟(މިތަންކޮޅު ހަލާކުވެފަ)ން ގެންގޮސް އަންދާ، ނަގައިލައިފި ކަމުގާ، ކުޑަދަހަރާ ތަކުރުފާނު ގެދަރި ކަދީދާ ފާނު ގެދަރި ތުއްބީފާނު، އަލްގާޒީ ހަސަން ތާޖުއްދީނު އުއްތަމަ ފަނޑިޔާރު ކަލޭފާނުގެ ދަރުބާރުގާ ބުނުމުން، އެކަން ބައްލަވާ، އެ ކުޑަދަހަރާ ތަކުރުފާނު ވަގުފްކުރިކަމުގާ ސާބިތުވީ، ހުވަދޫއަތޮޅު(ގއ.) މަދިރި ވިލިނގިލި އާއި ޖެހިގެން އޮތް ފޭދޫ؟؟؟ އާއި، ގދ. ކާޑެއްދޫ އާއި ޖެހިގެން އޮތް ރަހަދޫ، ދެއްވަދޫ ރަސްގެފާނުން ނަންގަވާފާ، ދެއްވި، މާޅޮސްމަޑުލު ދެކުނުބުރި(ބ.) ހިރުއްދޫ(ހިރުންދޫ) އާއި، މިލަދުންމަޑުލު(ށ.)ފޯކައިދޫ ގަޔާ މާޅޮސްމަޑުލު(ބ.)ކަމަދޫގާ ހުރި، އެ ތަކުރުފާނުގެ މިލްކު ރުއްގަހާއި، ދަނޑުފަގަ(ގަސްގަހާގެހި ހައްދާ ދަނޑާއި އާމްދަނީ ލިބޭ، ހިންނަފަދަ ތަންތަން) އާއި، ފޭދޫގާ އޮތް ރައްކާފުތު ހިންނައާއި، އަރިއަތޮޅު(އދ.)އޮމަދޫ އާއި މިތަންތަން ކަމާއި، އަދި ދީދީ ފަޑިއްތަކުރުފާނުގެ ދަރި ދީދީ ތަކުރުފާނު ވަގުފްކުރިކަމުގާ ސާބިތު ވި އެ ކުޑަދަހަރާ ތަކުރުފާނުގެ...(ވީދި ކިޔަން ނޭނގެ)..ރުއްގަހާއި ދަނޑުފަގާއި، އެ އެންމެހާ ތަކެތި އެ ދެވަގުފަށް ލަށްވާ، އެ ވަގުފްގެ ހަވާލުވެރިކަން ކުޑަދަހަރާ ތަކުރުފާނު އާއި، ދީދީ ފަޑިޔަތްތަކުރުފާނުގެ ގެދަރި ކަދީދާ ފާނު ގެދަރި ތުއްބީފާނައި އެ ދަރިކޮޅަށް ލަށްވާ، އަލްގާޒީ ހަސަން ތާޖުއްދީނު ލިޔެދެއްވި ފަތް ކަމުގާ ސާބިތުވުމުން، އާކޮށް، އެފަތުގެ މައްޗަށް، ލިޔެދެއްވި ފަތެއް. (F0-98އަކީ މީގެ އިހުފަތް)(Size:15" × 10")Al Ghaazee Ibrahim Sirajuddin
K.Male' - Endowment for property

(ތާރީހެއް އިނގޭކަށް ނެތް)، އައްނައިބު ހުސެއިން އަފީފުއްދީނު ގެދަރި އަލްގާޒީ މުހައްމަދު މުހިބުއްދީނުގެ ޝަރީޔަތު މަޖިލީހުގާ، އައްޑޫ ހިތަދޫ، ހާޖީ މޫސާ ކުޑަބނޑޭރި ތަކުރުފާނުގެ ދަރި އުމަރު ފަޑިއަތްތަކުރުގެ ދަރި ބަބުރު ހަސަން ތަކުރުފާނުގެ ދަރި ހައްވާފާނުގެ ދަރި މޫސާ ކުޑަބަނޑޭރި ތަކުރުފާނު، އޭނާގެ ކާފަ ކުޑަބަނޑޭރި ތަކުރުފާނު، އައްޑޫ ހިތަދޫ ކޮރުވަލު ކިޔާތާގާ އެޅި މިސްކިތް މައްޗަށް ދެއްވި ވަގުފް ފަތް، އޭނާ އަތުގާ އޮއްވާ، ހޮޅިން އަރާ މާލެ އަންދާލިއިރު، އެފަތް ނެތިގޮސްފާ ވާތީ، އެ ވަގުފް އޮތްގޮތް ބައްލަވާދެއްވުމަށް އެދުމުން، މީސްމީހުން ކާރިން އެ ވަގުފްގެ އަސްލު އޮތްގޮތް އައްސަވާ، ހެކިހޯއްދަވާ، އަދި ފަތްލިޔާ އުމަރު ގަދަހަމާތިކަލޭފާނު އެ މަޖިލީހަށް ހާޒިކުރަށްވާ، އެކަން ބެއްލެވިއިރު، އެފަތަކީ، އައްޑޫ ހިތަދޫ ހާޖީ މޫސާ ކޮރުވަލު ކިޔާތާގާ އެޅި މިސްކިތައް ދެއްވި ފަތް ބާވެގެން، ދެއްވަދޫ ރަސްގެފާނު އާކޮށްދެއްވާފާވާ ފަތެއް ކަމާ، އެފަތުގާ ވަނީ، ސ.ފޭދޫ ކައިރީގާ އޮންނަ ދިގުހަރުހެރާ(ދިގިހެރާ)، ހިތަދޫ ކައިރީގާ އޮންނަ މާހުރާ(މާހެރަ)، ފޭދޫ އާއި ހިތަދޫ އަދި ފުވައްމުލަކުގާވާ، އެ ހާޖީގެ އެންމެހާ މިލްކު ތަކެއްޗެއް، ކޮޅުމަޑުލު ބަދިފުށި، މާލެގެ ގަލޮޅު ދޮންތުއްކަލާ މަގުގާ އޮތް އޭނާގެ މިލްކުވެ އޮތް ހިންނަ، ކޮންމެ ތަނެއްގާ އޮތަސް އޭނާގެ މިލްކުގާވާހާ އެންމެ ތަކެއްޗާއި، އޭނާގެ ނޯކަރުންނާއި، ރުއްގަހާ، ދަނޑުފަގާ، އޭނާގެ އެއްބަނޑުއެއްބަފާ 4 ފިރިހެން ބެއިންގެ މިލްކުގާވާހާ ރުއްގަހާ، ދަނޑުފަގާ، ނޯކަރުންނާ، އަޅުންނާއި، އަދި އެ މީސްމީހުން މިމިސްކިތަށް ނޫން އެހެން ތާކަށް ހިދުމަތް ނުކުރުމުގެ ޝަރުތު އާއި، އެތަނުން އަންހެން ނޯކަރަކާ، ރާއަރާ ނޯކަރަކާ، މަސްވެރި ނޯކަރަކާ، މި 3 މީހުން ވާރުންކެނޑޭނެ(ޓެކްސް ދައްކަންނުޖެހޭ)ކަމާ، މިތަކެތީގެ މަންފާއިން، އެމިސްކިތް ބަލާ، މަރާމާތުކުރުމަށާ، އަދި އެ ހަރަދުކޮށް ބާކީއޮތް އެއްޗެއްގެ ހަވާލުވެރިކަމާއި، އެ މިސްކިތް ބެލެހެއްޓުން އެ މޫސާ ކުޑަބަނޑޭރި އާއި އޭނާގެ ދަރިކޮޅަށް ލައްވާ، އެރަދުންގެ ސިއްކަ ޖަހާ، އެ އުމަރު ގަދަހަމާތި ލިޔެފާވާ ވަގުފް ފަތެއް ކަމުގާ ސާބިތުވުމުން، އެފަތް އޮތް މަގަށް، އެމަޖިލީހުން ލިޔެދިފާވާ ފަތެއް. (Size: 19.1" × 16.15")
S.Hithadhoo - Koruvalu Miskiiy (Mosque) - Endowment for Mosque

1344ހ(1926މ)ގާ، އައްސުލްތާނު އިބްރާހީމް ނޫރައްދީނު ގެދަރި އައްސުލްތާނު މުހައްމަދު ޝަމްސުއްދީނުގެ ރަސްކަމުގެ 25ވަނަ އަހަރު، ރާއްޖޭގެ ހުރިހާ ރަށްރަށަކަށް، އައްސުލްތާނު މުހައްމަދު އިމާދުއްދީނު ގެދަރި އައްސުލްތާނު އިބްރާހީމް ނޫރައްދީނު، ދެއްވި ވާރު(ޓެކްސް) ފަތްކޮޅުތަކުގާ ހިމަނާފާވާ ބޮލުގެ އަދަދު، ބަޔެއް ރަށްރަށުގާ ތަފާތުވެ، ވާރު އަދި ވާރުދުރޯ(ވާރުނެގި ޒަމާނުގައި ވާރުނުދައްކާމީހާ އަތުންނަގާ ޖޫރިމަނާ)ގެ ކަންކަން އޮޅުންބޮޅުން ވުމުން، އެ ރަށްރަށް އަލުން ބޯހިމަނާ، ނިލަންދެ އަތޮޅު ދެކުނުބުރި(ދ.)ކުޑަހުވަދޫގާ ވާރު ދޭން ޖެހެނީ، ޖުމްލަ ޑމމ(119)މީހުން ކަމުގާ ގާއިމުކޮށް، ވެދުން ބަރުތީލައަށާ މާލޫދު ފަދަ ކަންކަމަށް، ބޮލި ކޮއްޓޭއިން، ދޭން ޖެހޭނެ ވާރު އާއި އަދި، ރޯނުގެ ބާވަތްތަކުން، މަސްވެރިކަމުން، ރުކުގެ ބާވަތް ތަކުން، ކުކުޅުން، ކާށިން، ފަނުގެ އެކިއެކި ބާވަތުން، މަދަން(ފުނަ ނުވަތަ ކަނދުއޮށް މަދު ދަވައިގެން ފުނޑައިގެން އޮޑިދޯނި ފަހަރުގެ ހިންމި ބެލުމަށް ހަދާފުޓުންޏެއް)ން، ފަލިތަންޑު(ފަލީގެ ދޫ ހަރުކޮށްފައި އޮންނަ ދަނޑި)ން، މިތަކެތިން ނަގާނެ ވާރާއި، އަދި މުޅި އަތޮޅަށާއި، ވަކިން މިރަށަށް ނިސްބަތްކޮށް، އެކި އެކި އޮޑި ފަހަރުގެ(ވާރުއޮޑި، ކަފުއޮޑި، އދވސ)އާއި، އެ އެއްޗެތީގެ ފަޅުވެރިންގެ ކަންކަން އޮންނަންވާނެ ގޮތާއި، އަތޮޅުގެ، ވާރުގެ، މިފަދަ ތަންތަނުގެ ކަންކަމާއި، އެކަންކަމުގާ ވާރު ނެގޭނޭ ގޮތާއި، ވާރު ނުދެއްކިއްޖެއްޔާ ކުރާނެ ޖޫރިމަނާ އާއި، ވާރު ނަގޭނީ، އުމުރުން 15 އަހަރު ވެފާވާ ކޮންމެ ފިރިހެނަކުން ކަމާ، ވާރުން އިސްތިސްނާވާ މީހުންނާއި، ރަށްރަށުން ހިޖްރަކުރުމުން ވާރު ދައްކަންޖެހޭނީ ކޮންގޮތްގޮތަކަށް ކަމާއި، ވާރުނެގުމުގެ އުސޫލުތަށް ވަރަށް ތަފްސީލުކޮށް ލިޔެފާވާ ވާރު ފަތެއް.
މިފަތުގާ ހިސާބުއަކުރު ޖަހާފާވަނީ ތާނަ އަކުރުން(މ-1، ފ-2، ދ-3، ތ-4، ލ-5، ގ-6، ޖ-7، ސ-8، ޑ-9، 0-0)ނެ.
(Size:22.1" x 15")
Dh.Kudahuvadhoo - Tax

(Size: 15" × 10") -- (ތާރީހު ޔަގީނެއް ނޫން)،1356ހ(1937މ)ގާ، މަހްކަމަތުލް ޝަރީޔާގެ އަލްގާޒީ ހުސެއިން ސަލާހުއްދީނުގެ ޝަރީޔަތު މަޖިލީހުގާ، މަލިންގޭ ހަސަން ވެލާނާ މަނިކުފާނުގެ ދަރި ވެލާނާގެ މުހައްމަދު ދީދީ، އޭނާގެ ބައްޕަގެ ހުރި ގޯތިގޯތި، ޝަރީއަތުގެ މަގުން، އޭނާޔަށާ އޭނާގެ އެއްބަފާ ދެ އަންހެނުންނަށް، ބަށްސަވާ ދެއްވުމަށް އެދުމުން، އެކަން ބެއްލެވިއިރު، އެ ވެލާނާ މަނިކުފާނުގެ މިލްކު ގޯއްޗަކީ، ވެލާނަގެއާ އެއްވެގެންވާ ތިން ގޯއްޗާ، އޭނާގެ ދަރި، މެދުގަނޑުވަރު ތުއްތު ދީދީ ދިރުއުޅޭ މާފަންނު މުރީދުގެ ކިޔާ ގޯއްޗާ، މައްޗަންގޯޅި ބަސީރުގެ ކިޔާ ގޯއްޗާ، ހެންވޭރު އަތިރީ ދޮށިމޭނާގޭގެ ތެރޭގާ ހުރި ދެ ފިހާރަޔާ، އެއެންމެހާ ތަންތަނުގެ ތެރެއިން، އެ ދެފިހާރަ ނޫން ތަންތަން، ރިޔަނެއް -/3ރުފިޔާގެ މަގުން އަގުކޮށް، އެތަރިކަ ބެހުމުން، މެދުގަނޑުވަރު ތުއްތު ދީދީއަށް އޭނާ އުޅޭ މ.މުރީދުގެ، ބަސީރުގެ، ވެލާނާގެ ދީދިއަށް ދޫކޮށް، އޭގެ ފަހުން މުހައްމަދު ދީދީ އަތުގާ އިތުރަށް ވީ ފައިސާއިން އެ ދެބެއިންނަށް ދިންވަރާއި... (މިހިސާބުން މިފަތް ވީދި ކިޔަން އިނގޭވަރެއް ނޫން.)، މި އެންމެހާ ކަންތައްތައް ބަޔާންކޮށް ލިޔެ، އެމަހްކަމާގެ ތައްގަނޑު ޖހަފާވާ ފަތެއް.
H.Velaanaage - M.Mureedhuge - Ma.Baseeruge - Housing Plot - Private Property

1302ހ؟؟؟(ލިޔެފާވާ އެއްޗެއް ރަނގަޅަށް އޮޅުމެއް ނުފިލާ..1885މ)ގާ، އައްސުލްތާނު މުހައްމަދު އިމާދުއްދީނުގެ ރަސްކަމުގެ 17 ވަނަ އަހަރު؟؟(ތާރީހުތަށް ދިމާނުވޭ)ގާ، އެރަދުންގެ ދަރުބާރުން؛ އަރިއަދު އަތޮޅު (އދ.)ދަނގެތިގެ މިސްކިތުގާ ވޮށެއް(ތަންތާ އަޅުވާ، ފީތާލާ، ތެލުން ދިއްލާ، ބައްތިއެއް) ބަހަށްޓަވާ، ކޮންމެ ރަބީލްއައްވަލް 12ދުވަހު، ސޮލަވާތް ކިޔެވުމަށް ސިރާޖުލް އާލިމް، ކަނބާ އައިމިނާރަނި ކިލެގެފާނުން، ވިދާޅުވި ނަދުރެއް ފުއްދުމަށްޓަކާ، އަރިދުއޮތޮޅު މައްމޮފުށި؟؟(މައްޗަފުށި؟؟)ގެ އުތުރުން އޮތް މާފުށިފަރު؟؟(މާފުށިވަރު؟؟)ކިޔާ ރަށް އެމިސްކިތަށް ވަގުފްކުރަށްވާ، ދަނގެތީގާ ހުންނަ، އއ.މާޅޮސް ހަސަން އަށާ އަދި އޭނާ ނެތުމުން އޭނާގެ ދަރިކޮޅަށް، އެ ވަގުފްގެ ހަވާލުވެރިކަން ލަށްވާ، އަދި އެމީހުންނެތްނަމަ... (ދެންއޮތް ލިޔުންކޮޅު އޮތީ ފޮހެވިފަ).. އޭނާގެ މިލްކުން އެ ނަދުރު ފުއްދަންޖެހޭނެ ކަމަށް، އެރަނިކިލެގެފާނުން ވިދާޅުވެފާވާ ވިދާޅުވުން، އެގޮތަށް ކުރުމަށް އަމުރުކުރެއްވުމުން؛ ލިޔުނު ދިވެސްއަކުރު ފަތުގެ، 34..1ހ(އެއްއަކުރު މަދު) ޝައުބާން 25ގާ ކޮށްފާވާ ތާނަ ތަރުޖަމާ.
A.Dh.Dhan'gethi - Dhan'gethi Mosque - Endowment for Shrine (ziyaaraiy)
(Size:14.85" x 12.2")

A royal decree investing ownership of the island Anhenfushi to the people of Hithadhoo, with stipulations that the people of Kinolhas may not land there without their permission(Size: 6.2" × 3.75") -- 1299ހ(1882މ)ގާ، (ފަތުގެ ފެށޭބައި ހަލާކުވެ ގޮސްފާ) ކިނޮޅަހު މީހުންނާއި ހިތާދޫ މީހުން، ރަދުންގެ ދަރުބާރަށް ގެނައި ފަތްފަތް ބަލާ، އަންހެންފުށި ކިޔާ ރަށް އެއީ، އެކިނޮޅަސް މީހުންނާ ބެހޭ ތަނެއް ނޫންކަމާއި، އަދި ކިނޮޅަސް މީހުންއަތުގާ އެ ފުއްޓާއި ބެހޭ ފަތެއް އޮތް ނަމަ އެ ފަތް މާލެ ގެނެސް އެފުށިން އެމީހުންނަށް އޮތް ކަންކަން ސާބިތުވުމުން ނޫނީ، ހިތާދޫ މީހުންގެ ރުހުމަކާ ނުލާ އެރަށަށް އަރައިފިނަމަ، އެކުރެވުނީ ޝަރީއަތާ ހިލާފުކަމެއްކަމުގާ ބަލާ އެކަމަށް އޮތް އަދަބު ދެވޭނެ ކަމުގާ އަންގާފާވާ ފަތެއް.
R.Kinolhas - Hithaadhoo - B.Anhenunfushi - Order

(ތާރީހެއް އިނގޭކަށް ނެތް) މައިގަނޑުގާ، ކަނބާ އައިޝާ އަދި އައްސުލްތާނު މުހައްމަދު ޝަމްސުއްދީނު އާއި ދެބޭފުޅުންގެ ނަން ލިޔެފާވާ، ތާނަ އަކުރުން އެހެނަސް މާނަކުރަން އުނދަގޫ ބަހުރުވަޔަކުން(ހީވާ ގޮތުގާ، ޝަމްސުއްދީނު ރަދުންނަށް ރަސްކަންލިބުމުން) ލިޔެ، ކާރިކުރަހާފާވާ(ބޯޑަރު އަޅާފާވާ) ފަތެއް.
އަދި ބޯޑަރުގެ ތިރީގާ، ތަފާތު ލިޔުމަކުން، ފަންސުރުން ' މުހައްމަދު ޝަމްސުއްދީނު އިސްކަންދަރު (އަހަރު އޮތް ތަންކޮޅު ވީދި ގޮސްފާ.... ޖުމާދިލް އައްވަލު މަހު 3 ވީ ބުރާސްފަތި ދުވަހު' މިހެން ޖަހާފާވެއެ.
(Size: 17.25" × 6.65")
K.Male'

(Size: 15.3" × 11.85") -- (ތާރީހެއް އިނގޭކަށް ނެތް) ދިވެސްއަކުރު ފަތެއް.