Affichage de 867 résultats

(ތާރީހެއް އިނގޭކަށް ނެތް)، 11ވަނަ ފޮޅުވަތުގާ، 'އައްސުލްތާނު އަލްގާޒީ ހަސަން އިއްޒުދީނު' މިނަން، އަދި ފަހަތުން 6 ވަނަ ފޮޅުވަތުގާ، 'އައްސުލްތާނު މުހައްމަދު'، މިނަން އަރަބިން ލިޔެފާވާ، ދިވެސްއަކުރު ފަތެއް.(Size:23.05" x 14.5")

1215ހ(1800މ)ގާ، އައްއްސުލްތާނު ހަސަން ނޫރައްދީނު އިސްކަންދަރު، މިނަން، 2ވަނަ ފޮޅުވަތުގާ، އަދި، ފަހު ފޮޅުވަތުގާ، އަލްހާޒިނު އަލްކަބީރު މުހައްމަދު، މިނަން، އަރަބިން ލިޔެފާވާ، ދިވެސްއަކުރު ފަތެއް.
(Size:14.85" x 12.2")

1332ހ ސަފަރު 24(1914މ ޖަނަވަރީ 21)ގާ، އައްސުލްތާނު އިބްރާހީމް ނޫރައްދީނު ގެދަރި އައްސުލްތާނު މުހައްމަދު ޝަމްސުއްދީނުގެ ރަސްކަމުގެ 12ވަނަ އަހަރުގާ، އެރަދުންގެ ދަރުބާރުގާ، އދ.ފެންފުށި ރައްޔިތުން، ބ.ހިބަޅިދޫ އެއީ، އެމީހުންގެ ރަށުގެ 2 މިސްކިތުގެ ބޯގައެއް ކަމާ، އެކަމަކު، ބ.މާޅޮހު މީހުން އެރަށް ގެންގުޅޭތާ އެތައް އަހަރެއް ވެއްޖެކަމުގާ ބުނެ، އެކަން ބައްލަވާދެއްވުމަށް އެދުމުން؛ ފެންފުށި 2 މިސްކިތުގެ އަދި މާޅޮހު މިސްކިތުގެ ބޯގަ ފަތް ގެންނަވާ ބެއްލެވިއިރު، އެ ދެ ބޯގައިގާވެސް އެރަށް ހިމެނޭކަމާއި، މާތުރަ(ނަމަވެސް) ފެންފުށި ދެ މިސްކިތަށް ބޯގަ ލެއްވީ، އައްސުލްތާނު އަލްގާޒީ މުހައްމަދުލް އުތީމީ ބޮޑުތަކުރުފާނު ކަމާ، މާޅޮހު މިސްކިތަށް އެރަށް ބޯގަޔަށް ލަށްވާފާވާ ކަމުގާ އޮތީ، އިސްކަންދަރު ޝާހު މަހާރަދުން އެމިސްކިތަށް ދެއްވި ފަތް، އެތާ ފަރަންޖީން އުޅުނުއިރު، އެމީހުން ގެންގޮސްގެން، އެރަށު ރައްޔިތުން އައިސް އައްސުލްތާނު އަލްގާޒީ މުހައްމަދު އިމާދުއްދީނު(ދިޔަމިގިލީ ރަދުން)އާކޮށްފާވާ ފަތެއްގާ ކަމާއި، އެހެންވެ، އެދަރުބާރުގެ ބޮޑުންނާއި، ޝަރީއަތު މަޖިލީހުގެ ބޭފުޅުންނާއި މަޝްވަރާކުރައްވާ، ފެންފުށީ ބޯގަޔަށް އިސްކަން ދެއްވާ، ހިބަޅިދޫ، މާޅޮސް މިސްކިތު ބޯގައިން ކަނޑުއްވާ، މާޅޮސް މިސްކިތު ބޯގަ ފަތުގާވާ، ހިބަޅިދޫ ނޫން، އެންމެހާ ތަކެއްޗެއް އެއީ މާޅޮހު ގޮއިފާލައްބަ އާއި ....(ވީދިގޮސްފާ)..މެކުރެއްޖާއި ލަށްވާ، އެބޯގައިގެ ހަވާލުވެރިކަން އެރަށުގެ ރައްޔިތުންނަށް ލެއްވި ކަމާ، މިއެންމެހާ ކަންކަމަށް އަމުރުނެރުއްވުމުން؛ އެރަދުންގެ ސިއްކަ ޖަހާ، މާލެ މާކޮށާރު ބަނޑޭރި ބޮޑުގަލު މޫސާ ގެދަރި އައްނައިބު ހުސެއިން ސަލާހުއްދީނު ލިޔެފާވާ ފަތެއް.(Size: 18.05" × 12")
A.Dh.Fenfushi - A.Dh.Fenfushi 2 Miskiiy (Mosque) - Endowment for Shrine (ziyaaraiy)

1310ހ ރަބީލްއާހިރު 24(1892މ ނޮވެންބަރު 14)ގާ، އަބްދުލް ގާދިރު އަލްނަސްކީ އަލް ގާހިރިއްޔާ ގެދަރި އަލްގާޒީ އަލީ ހިސާމުއްދީނު އުއްތަމަ ފަނޑިޔާރު ތަކުރުފާނުގެ ޝަރީޔަތު މަޖިލީހުގާ، ހެވިގޭ ހުސެއިން މަނިކުފާނު ގެދަރި މީރުބަހުރު މުހައްމަދު މަނިކުފާނު ގެދަރީން، އެމީހުންގެ ކާފަ، ފެންފުށި މަލިން ތަކުރުފާނުގެ ދަރި މަލިން އެދުރު ހަސަން ތަކުރުފާނު އަށް ހަވާލުވެރިކަން ދީފާވާ .....(ވީދިގޮސްފާ)ކުޑަފަރީ މުދިން ތަކުރުފާނުގެ ދަރި މަރިޔަމް ފާނު ވަގުފްކޮށްދީފާވާ .....(ވީދިގޮސްފާ)މައިޒާނުގެ ވަރިންމަ(އުތުރާއި ހުޅަނގާ ބެދުނުކަން)އިން، ކޮލިހިނގާ މަގާ އިންވެ އުތުރުން .....(ވީދިގޮސްފަ)... ދާންނަގެޔާ އިންވެ ދެކުނުން އޮތް ގޯތި ބަށްސަވާ، އެމީހުންނަށް ވީތަން ވަކިކޮށް، އެތަނުގެ މިން ހިމަނާ ފަތެއް ދެއްވުމަށްއެދުމުން، އެގޯތި ބައްސަވާ، އެގޯތީގެ ހުޅަގުން ....(ވީދިގޮސްފަ)، އެ މުހައްމަދު މަނިކުފާނު ބައްލަވައިގަތްފާވާ ތަންކޮޅަކާ އެކު އެއީ، އޭނާގެ ދަރިންގެ މިލްކެއްކަމުގާ، ބަޔާންކޮށް، އެތާގެ އިމާއި މިން ހިމަނާ ފަތެއް ލިޔުމުގެ އަމުރުނެރުއްވުމުން؛ ހަސަންލް މުލައްގަބް މާރާދަލް މުލަކީ ގެދަރި އައްނައިބުލް ކަބީރު މުހައްމަދު މިން ނަވާއިބުލް މަހްލީ ލިޔެފާވާ ފަތެއް.
(Size: 8.89" × 7.3")
K.Male' - A.Dh.Fenfushi Malin Thakurufaanu Goathi (Housing Plot) - Housing plot (Endowed)

1335ހ ޒުލްހައްޖު 24(1917މ އޮކްޓޯބަރު 11)ގާ، އައްސުލްތާނު އިބްރާހީމް ނޫރައްދީނު ގެދަރި އައްސުލްތާނު މުހައްމަދު ޝަމްސުއްދީނުގެ ރަސްކަމުގެ 14ވަނަ އަހަރު، އެރަދުންގެ ހިރިޔާފާތުރާ(ދަރުބާރު)ގާ، މާލެ ހުކުރު މިސްކިތުގެ، ހަވާލުވެރިކަން ދެއްވާފާވާ، ދޮށުންގެ 8 މީހުން، އެ މިސްކިތުގެ ގޮއިފާލައްބަ ހުރިރަށާ ގުޅިގެން ކުރީގެ ރަސްރަސްކަލުން ދެއްވާފާވާ ފަތް ބާވެގެން، އެފަތް އާކޮށްދެއްވުމަށް އެދުމުން، އިހުފަތް ބައްލަވާ އޭގާވާ ގޮތަށް، ހުކުރު މިސްކިތަށް އެއްޗެތި ލައްވާފާވާ ކޮންމެ ރަށެއްގެ، މުދިން، ކަތީބު އަދި އަތޮޅުވެރިންނަށް އަމުރުކުރަށްވާ؛ އެދޮށުން ދިޔަހާ ރަށަކުން، އެމިސްކިތް މައްޗަށް އޮތް ހުރިހާ ތަކެއްޗެއް، އެމީހުންނަށް ދައްކަން ޖެހޭނެ ކަމާ، އެހެން ހަވާލުވެރިޔެއްގެ ނުވަތަ އެހެން ފަތެއްގާވާ ދަނޑަކުން އަދި ރުކަކުން ވިޔަސް، އެދޮށުންނަށް، ގޮއިފާލައްބަ ދޭންޖެހޭނެ ކަމާ، އެމީހުން ރަށެއްގާ ތިބިހާދުވަހަކު، މިސްކިތް ހުރި ރަށަކުން ވިއްޔާ، އެމީހުންނަށް ދަނޑިމަހާއި، އެރަށު ރައްޔިތުންގެ ފަރާތާތުން، ކޮންމެ ދުވަހު ރާބައްޖަކާ، އަދި ހުކުރުމިސްކިތުގެ ގޮއިފާލައްބަ ހުރި ކޮންމެ ރަށަކުން ގޮއި މަސް، ދޭން ޖެހޭނެ ކަމާއި، އަތޮޅަކުން އެމީހުން ފުރަން ބޭނުންވެއްޖެ ހިނދެއްގާ، ފަޅުވެރިންލާފާ އޮޑިއެއް ދޭން ޖެހޭނެ ކަމާ، އަދި ފުރަން އުޅޭވަގުތު އެރަށަކުން އޮޑިޔެއް ދަތުރަށް ވެފަވާނަމަ، އެމީހުން، އެއޮޑިއަކުން ގެންދަން ޖެހޭނެ ކަމާ، އޮޑިޔެއްނެތް ރަށެއްނަމަ، އަތޮޅުވެރިޔަކާ އެމީހުން ހަވާލުކޮށް އެއަތޮޅުވެރިޔެއް، އެމީހުން މާލެ ގެންނެސްދޭން ޖެހޭނެ ކަމާ، މި އެންމެހާ ކަންކަމުގެ މައްޗަށް ފަތެއް ލިއުމުގެ އަމުރުނެރުއްވުމުން، އެރަދުންގެ ސިއްކަ ޖަހާ، މާލެ މާކޮށާރު ބަނޑޭރި ބޮޑުގަލު މޫސާ ގެދަރި އައްނައިބު ހުސެއިން ސަލާހުއްދީނު ލިޔެފާވާ، ފަތެއް. A royal decree written in thaanascript empowering the need to pay the return of any use of any land/assets endowed to Malé Hukurur Miskiyy (Size:18.9" × 10.55")
K.Male' - Hukuru Miskiiy (Mosque) - Order (gift)

1342ހ މުހައްރަމް 29(1930މ ޖޫނު 27)ގާ، އަސުލްތާނު މުހައްމަދު ޝަމްސުއްދީނު 3ގެ ރަސްކަމުގެ 21ވަނަ އަހަރުގާ، އެރަދުންގެ ދަރުބާރުގާ، ފާދިއްޕޮޅު ނައިފަރު މީހުން، އެ ރަށުގެ ކުޑަ މިސްކިތަށް، އިހުއްސުރެ އޮންނަ ބޯގަޔަކީ، ރ.ފަސްމަންދޫގެ 2/1 ކަމުގަޔާ، އެކަމަކު، އެއިރަކު އެކަމުގެ މައްޗަށް ފަތެއް ނެތް ކަމުގާ ބުނެ، އެމިސްކިތަށް ބޯގައަކަށް އެދުމުން؛ އއެ ފަސްމަންދޫގެ އަނެއް 2/1 އޮންނަނީ ކިހިނެތްތޯ ބެއްލެވިއިރު، އެތަން އޮންނަނީ މާޅޮސްމަޑުލު އުތުރުބުރި ކޮތައިފަރު ހޮޅި ކަތީބުގ ތަކުރުފާނުގެ ދަރިކޮޅުގެ ވަގުފެއް ގޮތުގާ ކަމުގާ، އަލްގާޒީ އިބްރާހީމް ސިރާޖުއްދީނު ލިޔެފާވާ ފަތް، އައްޑުއަތޮޅު ހިތަދޫ، މުހައްމަދު ދޮށިމޭނާ ތަކުރުފާނުގެ ދަރި ހުސެއިން ވެލާނާ މަނިކުފާނު، އަތުލާ ނަގާލާ، އޭނަގެ ދަރިކޮޅު އެތަން އެމީހުންނަށް ނުދީ އުޅޭތީވެ، އެކަމާ އެތަނުގެ ވަގުފްވެރިން ޝަރީއަތަށް ގޮސް، އެރަށަކީ، ފަސްމަންދޫ ދޮންކަމަނަގެ ވަގުފެއްކަމާ، އޭނާގެ ދަރިކޮޅު މީހުންނަކީ، ފަސްމަންދޫ ހަކުރާތަކުރުފާނު ދަރިކޮޅާއި އަދި ކޮތައިފަރު ހޮޅި ކަތީބު ދަރިކޮޅު ކަމުގާ ނިޔާކޮށް، ލިޔެފާވާ ޝަރީއަތު ފަތަކުން ސާބިތުވުމުންނާއި، އަދި ދުވަސްވީ މީހުންގެ ފަރާތުން، އެމިސްކިތުގެ ވަގުފް ބޯގަޔަކަށް ޒަމާނުއްސުރެ އޮންނަ އެފަސްމަންދޫގެ 2/1، ހަކުރާ ތަކުރުފާނުގެ ދަރިކޮޅު، އެމިސްކިތް މައްޗަށް ލާފާ ކަމުގާ ބުނެ، އަދި އެދެދަރިކޮޅު މީހުން ގިނަވެ، އެރަށުން ލިބެ މަންފާ، ހަމަގޮތުގާ ނުބެހޭ ކަމުގާ، އެދަރިކޮޅު މީހުން އެއްބަސްވުމުން، ރ.ފަސްމަންދޫ އެއްކޮށް، އެމިސްކިތުގެ ބޯގައަށް ލަށްވާ، އެކަމުގެ ހަވާލުވެރިކަން، ނައިފަރު ރައްޔިތުންނަށް މަތިކޮށްފިކަމުގެ އަމުރުނެރުއްވުމުން؛ އަލްގާޒީ ހުސެއިން ސަލާހުއްދީނު ފަނޑިޔާރު މަނިކުފާނު ލިޔެފާވާ ފަތެއް. (F6-22އަކީ މިފަތުގެ ނަކަލެއް)(Size:17.8" × 10.6")
Lh.Naifaru - Kuda Miskiiy (Mosque) - Endowment for Shrine (ziyaaraiy)

(Size: 5.6" × 6.75") -- 1344ހ ޒުލްގައިދު 28(1926މ ޖޫނު 9)ގާ، މާކަނާ މަނިކުގެ ދޮންތުއްތު ދީދީ ނިޔާވުމުން، ކިނބިގަސްދޮށުކޮށިން އޭނާއަށް ވީތަނުން، ވަލުގަނޑުވަރު ތުއްތުދީދީއަށް ވާރުތަވީ ބައިގެ 2/1، ކުއްޅަވަށް އަލީ ދީދީ އާއި ތަކަންދޫ މުހައްމަދު ކަލޭފާނު ހެކިކޮށް، އެދުރު ހުސެއިން ދީދީގެ މުހައްމަދު ދީދީއަށް، ރިޔަނަކަށް -/3ރުފިޔާގެ މަގުން، -/16ރުފިޔާއަށް، އޭނާ ވިއްކިކަމުގާ ލިޔެފާވާ(ދިންވަކިފަރާތެއް ނެތް) ލިޔުމެއް.
K.Male' - Kin'bigasdhashu Koshi (A plot of land in Male)

A royal decree commissioning the buidling of a boat (Furedhdhi Odi)(Size: 6" × 4.7") -- 1213ހ(1798މ)ގާ، އައްސުލްތާނު ހަސަން ނޫރައްދީނު، ހުވަދުންމަތި(ގއ/ގދ) ކުރަމަތިން؟؟ ރުއްކަނޑާ، ފަގީރުން ގެންގޮސް ފުރެއްދި އޮޑި ބަނދެ، ހަރުގެ އަޅާ، މިއެންމެހާ ކަންތައްތައް ކުރުމަށް އަތޮޅުވެރިޔާ ވިޔަސް، އެހެން ގަދަ މީހަކުވިޔަސް، އެރަދުންގެ އަމުރަކާ ނުލާ، ނުބެހެވޭނެ ކަމުގާ ލިޔެފާވާ ފަތެއް.
G.Kuramathi - Order

(ތާރީހެއް އިނގޭކަށް ނެތް) 12ވަނަ ފޮޅުވަތުގާ 'އައްސުލްތާނު އިބްރާހީމް އިސްކަންދަރު' މިހެން އަރަބިއަކުރުން ޖަހާފާވާ، ދިވެސްއަކުރު ފަތެއް.(Size: 28.7" × 14.4")

(ތާރީހެއް އިނގޭކަށް ނެތް)، ދިވެސްއަކުރު ފަތެއް.(Size: 28.8" × 10.6")