Showing 867 results

(ތާރީހެއް ނެތް) 'ދިވެހިރާއްޖޭ ރައްތަކުގެ ވެރި އައްސުލްތާނު މުހައްމަދު ޝަމްސުއްދީނު އިސްކަންދަރު މާތް ރަދުންނަށް އެރަދުންގެ ދަރިކަލުން ކޮޅުބަށް ބޭސްކޮޅުކުރެއްވުމަށް ފޮނުއްވަވާން އުޅުއްވާ ދަތުރުފުޅާ ދޭތެރޭ އިބްރާހީމް ދީދީގެ ދަރި އަބްދުލް މަޖީދު ފޮނުވިސިޓީގެ އިނގިރޭސި ނަކަލް' މިހެން ލިޔެފާވާ، ސްޓޭންޕް ނުޖަހާ އޮތް، ސިޓީއުރައެއް.
(Size: 9" x 3.95")
Envelope

(ތާރީހެއް ނެތް) 'ދިވަހިރާއްޖޭ ރައްތަކުގެ ވެރި އައްސުލްތާނު މުހައްމަދު ޝަމްސުއްދީނު އިސްކަންދަރު މާތްރަދުންނަށް އެރަދުންގެ ދަރިކަލުން ކޮޅުބަށް ބޭސްކޮޅުކުރެއްވުމަށް ފޮނުއްވާން އުޅުއްވާ ދަތުރުފުޅާ ދޭތެރޭ އިބްރާހީމްދީދީގެ ދަރި އަބްދުލް މަޖީދު ފޮނުވި ސިޓީގެ ނަކަލު' މިހެން ލިޔެފާވާ، ސްޓޭންޕް ނުޖަހާ އޮތް، (N-49ގާ އެވާ ސިޓީ ލާފާވާ) އޮތް ސިޓީއުރައެއް.
(Size: 3.55" x 6")
Envelope

މަތީގާ އިނގިރޭސިން ބޮޑެތި އަކުރުން 'އޮން ހިޒް ހައިނެސަޒް ސާވިސް' މިހެން ޗާޕުކޮށްފާވާ، 'އެޗް.އީ. އަބްދުލް މަޖީދު ދީދީ، ރަންނަބަނޑޭރި ކިލެގެފާނު' މިހެން އިނގިރޭސިން ޓައިޕްކޮށް، އެޑްރެސްކޮށް، ތާނައިން އަރިމަތީގާ، ރަސްކަމަށް ކޮލިލާދުވަހަށް މާލެ އައުމަށް ވަޒީރުންގެ މަޖިލީހުން ފޮނުއްވި ސިޓީ، މިހެން ނޯޓެއްކޮށްލާ، ތިރީގާ، 57/2/18(ހިޖްރީ.. އަރަބިން) އަދި 38/6/17(މީލާދީ)، މިދެތާރީހުކޮށްފާވާ، ސްޓޭންޕް ނުޖަހާ އޮތް، (10N- އޮތް ސިޓީ ލާފާވާ)ސިޓީއުރައެއް.(Size: 9.1" x 4")
Envelope

1962މ ސެޕްޓެންބަރު 16)1382ހ ރަބީލްއާހިރު 16)ގާ، މާލެ އައިސްފާވާ ކަމުގެ ޕޯސްޓު ތައްގަނޑުޖަހާ، އައްސުލްތާނު މުހައްމަދު ދީދީ މޯލްޑިވް އައިލަންޑްޒް، ޓައިޕްކޮށް، އެޑްރެސްކޮށް، އެމެރިކާގެ 1 ސެންޓް އިސްޓޭންޕެއް ޖަހާފާވާ ސިޓީއުރައެއް.(Size: 9.45" x 4.25")
America - Envelope

1345ހ މުހައްރަމް 29(1926މ އޯގަސްޓް 8)ގާ ލިބިފާވާ، 1926މ ޖޫނު 28(1344ހ ޒުލްހައްޖު 17)ގާ ޕޯސްޓު ތައްގަނޑު ޖަހާ، ޝްރީލަންކާގާ ހުންނަ ދިވެހި ސަފީރު، އަބްދުލް ހަމީދު ދީދގެ ފަރާތުން، ބޮޑުބަނޑޭރިގޭ 'ޗީފް ޓްރެޝަރާ(ދައުލަތުގެ ހަޒާންދާރު)، މާލެ މޯލްޑިވް އައިލަންޑްޒް' އަށް އެޑްރެސްކޮށް، އަނެއްފަރާތުގާ، 6 ސެންޓުގެ 2 ސްޓޭންޕް ޖަހާ، ރެޖިސްޓްރީކޮށް ފޮނުވާފާވާ ސިޓީއެއްގެ(N-57) އުރައެއް. (Size: 9.35" x 4.25")
Sri Lanka - Maldivian Embassy - Envelope

1926މ ޖޫނު 16(1344ހ ޒުލްހައްޖު 5)ގެ، 'ޓައިމްޒް އޮފް ސިލޯނު' ނޫހުގާ، 'ނޯވީޖިއަން ޔޮޓް އެޓް ދަ މޯލްޑިވްޒް'(ނޯވޭގެ ނަވެއް ދިވެހިރާއްޖޭގާ)، މި ސުރުހީގެ ދަށުގާ ލިޔެފާވާ ލިޔުންކޮޅެއް އޮތް ނޫސްކެފުމެއް.(N-56ގާވާ އުރައިގާ އޮތް)(Size: 6.75" x 2.55")
Sri Lanka - News Cuttings (Foriegn)

1926މ ޖޫނު 16(1344ހ ޒުލްހައްޖު 5)ގެ، ދަ ސިލޯނު އޮބްޒާވާ ނޫހުގާ، 'ވާލްޑް ޓުވާ އިން 28ޓަން ޔޮޓް'(28ޓަނު ނަވެއްގާ މުޅިދުނިޔޭގެ ދަތުރެއް) މިޝުރުހީ ދަށުގާ ލިޔެފާވާ ލިޔުންކޮޅެއް އޮތް ނޫސްކެފުމެއް.(N-56ގާވާ އުރައިގާ އޮތް)(Size: 22.45" x 4.5")
Sri Lanka - News Cuttings (Foriegn)

1908މ މޭ 24(1326ހ ރަބީލްއާހިރު 23)ގާ، ޝްރީލަންކާގާ ހުންނަ ދިވެހި ސަފީރު، އަބްދުލް ހަމީދު ދީދީ، މާލެ ބޮޑުބަނޑޭރިގޭ ބޭފުޅުންނަށް؛ މަތީގާ '-އީ.ޖީގެ ދީނުގަންޖާއިން-'، މިހެންލިޔެ، ޝްރީލަންކާއަށް ރާއްޖޭން ގެންދާ މަސް ހުންނަނީ، މަސްގަނޑު މާބޮޑަށް ކަނޑާ، ރަނގަޅަށް ނުހިއްކާ، ކަށިވެސް ނުފިލުވާ ކަމުން، އެ މަހުގެ 'އިއްޒަތް' ދެރަވެ، ރަނގަޅު އަގު ނުލިބޭތީވެ، މަސް ގެންދާ ހުރިހާ ސޭޓުންނާ އަދި އެރަށުގެ މަސްގަންނަ 'ސަންމާންކާރު'ންނާ އޭނާ އެވާހަކަ ދެއްކުމުން، އެމީހުންވެސް އެކަން ވަނީ އެހެން ކަމުގާ ބުނާ ކަމާ، ރާއްޖޭން ބޭރުވާ މަހަކީ، އޭގެ ބޮޑުބައެއް ޝްރީލަންކާޔަށް ގެންދާ މަސް ކަމުގަޔާ، އަދި ޝްރީލަންކާ ސަރުކާރުން، ބޭރު އެހެން ގައުމުތަކުން ދިރޭ މަސް ގެނެސް، އެތާގެ ކޯރުކޯރަށާ ފެންފެންގަނޑަށް ލާ އެ އާލާކުރަން ވާހަކދަށްކަމުން ގެންދާ ކަމާ، ރާއްޖޭގެ މަހުގެ ފެންވަރު ދައްވަންޏާ، އާހިރުގާ ރާއްޖެޔަށް ވެދާނެ ގެއްލުމާ، ރާއްޖޭގެ މަސްވެރިންނަށް އެކަން ނުވިސްނޭތީވެ، ސަރުކާރުން، ކަމާބެހޭ އަމުރެއް ނެރުއްވުމަކީ ރަނގަޅުވާނެ ކަމެއްކަމުގާ ދެކޭ ކަމާ، އަދި މޫސާ ބަހީގެ ހައިދަރީން، ތިރިނާކޮޅަށް ސާމާނުލީ ދުވަހު ހަލާކުވީ ހެންވޭރު ގަނޑުވަރުގެ ހަތަބުކޮޅުގެ ބޮލާ، އާ ގޮނޑިޔަކާ، އަދި އިތުރު ފޮށިގަނޑެއް ފޮނުވި ކަމާ، ބަންގާޅުގަޔާ އަދި ސިލޯނުގާ ކާށްޓާ ކާށިތެލުގެ އަގު ދަށްވެއްޖެ ކަމާ، = ކުރިޔަށް އޮތް އަހަރު ބަންގާޅުގާ ހަނޑޫ ހަށްދާލޭ ގިނަވާނެ ކަމުގެ ވާހަކަ އިވޭ ކަމާ، ސުތުލިން ލިބުނު ގެއްލުން ބޮޑުކަމުން، ސުތުލި ހެއްދި މީހުންވެސް އެއަހަރު ހަށްދާނީ ހަނޑޫކަމުގަޔާ، ބަންގާޅު ސަރުކާރުންވެސް އެކަމާ އުޅޭކަމާ، އަދި ކަރާޗީގާ ހަނޑުލުގެ އަގު، 44-45ށް ކަނޑިއެއް(3 ނާޅި/3ކިލޯ) އަރައިފިކަމާ، އަދި ބަންގާޅުގާ ގަޑުބަޑު ވަރަށް ބޮޑުކަމާ މިއެންމެހާ ކަންކަން ބަޔާންކޮށް؛ ލިޔެފާވާ ސިޓީއެއް.(Size: 10.15" x 7.9")
Sri Lanka - Maldivian Embassy - letter(Official)

1908 އޭޕްރިލް 30(1326ހ ރަބީލްއައްވަލް 28)ގާ، ޝްރީލަންކާގާ ހުންނަ ދިވެހި ސަފީރު، އަބްދުލް ހަމީދު ދީދީ، އޭނާގެ ރަސްމީ 'ލެޓާހެޑް'ގާ، މާލެ ބޮޑުބަނޑޭރިގޭ ބޭފުޅުންނަށް؛ މަތީގާ '-ޔޫސުފް ބަހީގެ ސަފްދަރީން-'، މިހެން މަތީގާ ލިޔެ، މިލަދޫގޭ އަލިމަނިކު އަތުގާ ފޮނުއްވި، އެ އޭޕްރިލް މަހު 10ގާ ލިޔުއްވާފާ ވާ ސިޓީޔާ އަދި ސަރުކާރުގެ -/3000 ރުފިޔާ ހަމަޔަށް ލިބުނު ކަމާ، އަދި 'ވާކަރާ'(ވޯކާ) ވާހަކަދަށްކައިގެން، އެ އަލިމަނިކު އާއި ހަސަނާ، އެތާގެ ކޮންނަބޯޓަކަށް، އެއެތިފަހަރު ހިންގާ، ގެންގުޅެން ދަސްކުރުމަށްޓަކާ ފޮނުވުމުން، އެމީހުން ގޮސް އެއީ މާލޭގާ އޮތް އެއްޗާ މުޅިން ތަފާތު އެއްޗެއް ކަމުގަޔާ، އެވަށްތަރުގެ އެއްޗެއް ދަސްކުރުމުގެ އެއްވެސް ބޭނުމެއް ނެތް ކަމާ، ޝްރީލަންކާ ސަރުކާރުން އެތަމްރީނު ދިނުމަށް ތައްޔާރަށް ތިބިކަމުގާ ވިޔަސް، އެތާގާ، މާލޭގާ އޮތްކަހަލަ ކޮންނައެތިގަނޑެއް ނެތްކަމުގަޔާ، އަދި މާލޭގާ އޮތް ކޮންނައެތި ވަކިވަރަކަށް ވުރެން ގިނައިން، އަދި އެކި ބާރުމިނުގާ ހިންގައިފިއްޔާ، އޭތި އަވަހަށް ހަލާކުވާނެކަމުގާ ވާކަރު(ވޯކާ) ލަފާދިންކަމާ، އަދި އޭގެ އިތުރުން، ގަންނަން އަންގާފާވާ ސާމާނު، އަލިމަނިކުމެން ދެމީހުންގެ ހަވާލުގާ، ސަފްދަރީން ފޮނުވާ ކަމާ، މިސިޓީއާއެކު، އެތަކެތީގެ ހިސާބު ފޮނުވާކަމާ، އަދި، ފޮނުވި، މާލޭ ކޮނުނުއިރު ފެނުނު ހިލަގާކޮޅުތައްވެސް ލިބި، އަދި އެގާތަކުތެރޭގާ، ވަރަށް ހުދުކޮށް، އޮތް ގާކޮޅު އެތާ މީހުންނަށް ދެއްކުމުން، އެކަހަލަ ގާ ހުރިތާކު ޖަވާހިރު ހުންނާނެކަމުގާ، ސިލޯނުގެ މީހުން ބުނިކަމާ، އެހެންކަމުން، ނެގޭ، އެޒާތުގެ ގާ ވަކިން ބެހެއްޓުމަށް ފެންނަކަމުގަޔާ، އަދިވެސް އެ ހިލަގާ ބަލާ، ފައިދާއެއް ހުރިއްޔާ، އަންގާނެ ކަމުގަޔާ، އަދި، އޭގެ އިތުރުން، ސަރުކާރުން، އާގުބޯޓެއް ދުއްވައިފިއްޔާ ފައިދާވާނެ ކަމުގާ ފެންނަކަމާ، އަދި އެވާހަކަ ވާކަރާ ދެއްކުމުން، އެމީހުންގެ 'ލޭޑީ ގޯޑަން' ކިޔާ ބޯޓު، އަހަރުދުވަހުގެ ޗާޓާރަށް، މަހަކު -/7500 ރުފިޔާއަށް ދީފާނެކަމުގާ ބުނިކަމާއި، ދެއްޔާ، ބަނދަރު-ހަރަދު ސަރުކާރުން ދެއްވާ، އެހެން ހުރިހާ ހަރަދަކާ 'ނޮކުސާނު'(ނުކުސާން/އުނދަގޫ؟؟) އެމީހުން އުފުލާނެކަމުގަޔާ، އެހެންވިއްޔާ އަހަރަކު ގިނަވެގެން ދާނީ 1ލައްކަ ކަމާ، އޭރުން -/70،000 ސަލާމަތް ކުރެވޭނެ ކަމާ، ބޯޓެއް ބަނދެއްޖެއްޔާ، އާހިރުގާ ހަރަދު ކުޑަވާނެކަމުގަޔާ، އެކަމަކު، ފުރަތަމަ ފަށައިގަނެ، އަހަރެއްހާދުވަސްވަންދެން، އަޖުމަބަލައިލަން ދުއްވަން، ރަންގަޅުވާނީ ކުއްޔަށް ހިފުންކަމުގާ ކަމާ، އަދި ޖޫނު 10ގެ ކުރީ ޖަވާބެއް ދިނުމަށާ، ކުއްޔަށް ހިފާނަމަ، ރަނގަޅަށް މަރާމާތުކޮށް، އޯގަސްޓް 1ގާ ހަވާލުކުރާނެ ކަމުގާ، ވާކަރުމެން ބުނިކަމާ، ބަރާކުރާނެ މުދާވެސް ލިބޭނެކަމުގަޔާ، އެހެން އެކަން ކުރުމުން، އެބަޔަކަށް އެކަނި މުދާ ބަރާކުރުމުގެ ކަންތައް ދިނުމުން، ސަރުކާރަށް އެތައް ހާސް ރުފިޔާއެއް ދީފާނެކަމުގާ ބުނެ، އެކަމުން ކުދި ވިޔަފާރިވެރިން ނައްތާލުމަށް އުޅޭ ބުންބާ މީހުން ކިބައިން ސަލާމަތް ވާނެކަމުގަޔާ، އިތުރު ފައިސާ ދެން ފޮނުވާނީ، އެންގުމުން ކަމާ، މި ހުރިހާ ކަންކަމެއް ބަޔާންކޮށް؛ ލިޔެފާވާ ސިޓީއެއް.
(Size: 10.1" x 7.85")
Sri Lanka - Maldivian Embassy - letter(Official)

1908 އޭޕްރިލް 30(1326ހ ރަބީލްއައްވަލް 28)ގާ، ޝްރީލަންކާގާ ހުންނަ، ދިވެހި އެންބަސީއިން، ރާއްޖޭގެ ސަފީރު، އަބްދުލް ހަމީދު ދީދީ، އޭނާގެ ރަސްމީ 'ލެޓާހެޑް'ގާ، މާލެ ބޮޑުބަނޑޭރިގޭ ބޭފުޅުންނަށް؛ މަތީގާ 'މިދާ ޔޫސުފް ބަހީގެ ސަފްދަރީން ސަރުކާރަށް ފޮނުވާ ތަކެތީގެ ހިސާބު-'، މިހެން ސުރުހީކޮށް، އެ އުޅަދުން ފޮނުވާފާވާ ތަކެތީގެ ލިސްޓެއް.(N-59ގާ، ބުނެފާވާ)
(Size: 10.1" x 7.85")
Sri Lanka - Maldivian Embassy - list(Package)