Showing 867 results

1908މ އޭޕްރިލް 6(1326ހ ރަބީލްއައްވަލް 4)ގާ، ސުތުލި، ރަނާއި ރިހީގެ ގަހަނާ އަދި ސީނުކަރާގެ 'އާޓްސް' އެއްޗެތީގެ ވިޔަފާރިކުރާ، އިންޑިޔާގެ ސާދާގަރުންގެ ކުންފުންޏެއް ކަމުގާވާ ދަޔަރާމް ބްރޯޒްގެ ޝްރީލަންކާގާ ހުންނަ ގޮފިން، ދިވެހި ސަފީރުގެ ނަމުގާ ހަދާފާއޮތް ފައިސާދެއްކި ކަމުގާ ޖަހާ، ޝްރީލަންކާގެ 5 ސެންޓު އިސްޓޭންޕެއް ޖަހާފާވާ، -/141 ރުޕީޒް ގެ އިންވޮއިސް އެއް.(Size: 10.2" x 7.8")
Sri Lanka - Account

1908މ ސެޕްޓެންބަރު 3(1326ހ ޝައުބާން 7)ގާ، ދިވެހި ސަފީރު، އަބްދުލް ހަމީދު ދީދީގެ 'ލެޓާހެޑް'ގާ، ބޮޑުބަނޑޭރިގެޔަށް؛ ރަޖަބް 19 އަދި 22ގާ ލިޔެ، ތިރިނާކޮޅުން ފޮނުއްވި، ސިޓީ ލިބި، އެ ނާކޮޅުން ފޮނުވުމަށް އެދުނު، ބެންތެކި ފިލާ ނޫން، ހުރިހާ އެއްޗެތި ފޮނުވިކަމާ، އަދި އެ ނާކޮޅުގެ މާލިމީ، ދޮންކޮއިފުޅުގެ އަތުގާ، ފޮނުވި ތަކެތީގެ ހިސާބުކިތާބު ފޮނުވި ކަމާއި، އަދި މާލެއަށް، ހަމައެކަނި އެ ތިރިނާކޮޅުން ހަނޑޫ ގެންގޮސް ވިޔަފާރި ކޮށްފިއްޔާ، ވިއްސަކަށް ހާހުގެ ފައިދާ ވާނެކަމާއި، މިކަންކން ލިޔެ އޭނާ ސޮއިކޮށް؛ ފޮނުވާފާވާ ސިޓީއެއް.(Size: 8.2" x 5.25"
Sri Lanka - Maldivian Embassy - letter(Official)

1325ހ ޖުމާދިލްއާހިރު 7(1907މ ޖުލައި 18)ގާ، އަބްދުލް ހަމީދު ދީދީ(ރާއްޖޭގެ ސަފީރު)، މާލެ ބޮޑުބަނޑޭރިގެއަށް ފޮނުވާފާވާ، ތިރިނާކޮޅަށް ލީ ފައްޗީއަށް ވީ ތަކެތި ލިސްޓުކޮށް، އެޔަށް އެކޮޅުން ނާލު ދެއްކިކަމާ، އަދި ބިއްލަޑީ ލިބުމުން، އެތަކެތި އެތާނާ ހަވަލުކުރުމަށް އެދިފަޔާ، ލިޔެފާވާ ސިޓީއެއް.
(Size: 8" x 5")
Sri Lanka - Maldivian Embassy - letter(Official)

1908މ ޑިސެންބަރު 28(1326ހ ޒުލްހައްޖު 4)ގާ، ރާއްޖޭގެ ސަފީރު، އަބްދުލް ހަމީދު ދީދީގެ 'ލެޓާހެޑް'ގާ، ބޮޑުބަނޑޭރިގެޔަށް، އެދުވަހު ތިރިނާކޮޅަށް ލީ، ގާލީ ފައްޗީ(ޝްރީލަންކާގެ ގޯލް ބަޔެއްގެ ފިހާރަ؟؟)ޔަށްވީ އެއްޗެތި ލިސްޓުކޮށް، އެތަކެއްޗަށްވީ ނާލު އެފިހާރައިގެ މިސްކީނު އަތުން ނެގުމަށް ބުނެ، އެ ސަފީރު ސޮއިކޮށް، ފޮނުވާފާވާ ސިޓީއެއް.(Size: 9" x 9.9")
Sri Lanka - Maldivian Embassy - letter(Official)

1908މ ޑިސެންބަރު 22(1326ހ ޒުލްގައިދު 28)ގާ، ދިވެހިރާއްޖޭގެ ސަފީރު، އަބްދުލް ހަމީދު ދީދީގެ 'ލެޓާހެޑް'ގާ، ބޮޑުބަނޑޭރިގެޔަށް؛ އީޖީ އާދަމް އަލީ ކުންފުނީގެ ދީނުގަންޖާއިން، ޒުލގައިދު 12ގާ ފޮނުވާފާ ސިޓީއާ، ދަނގަޑު ނަމޫނާ ލިބި، އަދި އެ ސިޓީގާ ވީފަދައިން ކަންތައްތައް ކުރެވޭތޯ ބަށްލަވާނެ ކަމާ، މޭރީ ކިޔާ ނާ ޝްރީލަންކާޔަށް އެމަހު 4ގާ ގޮސް، 19ގާ އެއިން ވެދުން ބޭލިކަމާ، ބަންދުދުވަސް ގިނަކަމުން، އެކޮޅުން ފަތްކޮޅު 30ވަނަ ދުވަހު ލިބިއްޖެއްޔާ 31ވަނަ ދުވަހު ފުރުވާލެވޭނެކަމާ، ސްޓޭންޕް ހަދާ ނިމިފާވާ ކަމުގަޔާ އަދި ޑިލާރޫ ކިޔާ ކުންފުންނަކަށް ލިޔުއްވަނިކޮށް ބޭނުން ވަރަކަށް ސްޓޭންމްޕް ލިބޭނޭ ކަމުގާ، އެސަފީރަށް ޝްރީލަންކާ ސަރުކާރުން އަންގާފާވާތީ، ލަސްނުކޮށް އެކުންފުންޏަށް، އޭނާ އެކަން އަންގާނެ ކަމާ، މާލެ ސަރުކާރަށް ފޮނުވުމަށް ބޭނުންވާ، ވައްތަރަކުން 3 ލައްކަ، މުޅިއަކު 12 ލައްކަ ސްޓޭންޕްއަށް ޖުމްލަ 60 ހާސް ރުފިޔާ އަރާކަމާ، ކުރީގެ އަގަށް ބަލައިފިއްޔާ، އެހުރިހާ އިސްޓޭންޕަކަށް އަރާނީ 9 ސަތޭކަ ރުފިޔާ ކަމާ، އެހެންވީމާ އެކަން ރަނގަޅަށް ބަލާފާ އަންގާނެކަމާ، އެ ސްޓޭންޕްތައް ލާން ދަގަނޑު އަލިމާރިޔެއްވެސް ގަތުން ފެންނާތީ، އެކަމުގާ ފެނިވަޑައިގަންނަވާ ގޮތެއް އެންގެވުމަށާ، އޭރުގާ އެތާސަރުކާރުގާ ބާއްވާ ރާއްޖޭގެ ހިސާބުގެ ބާކީޔާ، އެހެނިހެން ވާހަކަ ލިޔެ، އެސަފީރު ސޮއިކޮށް، ފޮނުވާފާވާ ސިޓީއެއް.(Size: 7.95" x 9.9")
Sri Lanka - Maldivian Embassy - letter(Official)

1908މ އޭޕްރިލް 7ގާ، ކޮޅުނބުން، ވޯކާ ސަންޒް އެންޑް ކޮންޕެނީ ލިމިޓަޑް އިން، މޭރީ ކިޔާ ބޯޓަކުން، އަބްދުލް ހަމީދު ދީދީގެ ނަމުގާ، ރާއްޖެޔަށް ފޮނުވި މުދަލެއްގެ އެކްސްޕޯޓް ފޯމެއްގެ، އެޒަމާނުގެ ކޮޕީއެއް. އަދި ނުފުށުގާ، އެ ކުންފުނި ގެ އިޝްތިހާރެއް ވެއެ.(Size: 8.45" x 5.56")
Sri Lanka - Walker Sons & Co. Ltd - Form(Package)

(ތާރީހެއް، ލިޔުނު ފަރާތެއް ނެތް... ބެލެވެނީ، 'ސަރުކާރުގެ ހަބަރު' ނޫސް މަޖައްލާއިން، ބޭރުދަތުރަކުން އައި މީހަކަ ކޮށްފާވާ ބަސްދީ ގަތުމެއް ކަމުގާ) 'މުހައްމަދު އަމީނު އާއި ބައްދަލުވުމެއް'، 'ރަންނަބަނޑޭރި ކިލެގެފާނު ހެޔޮހާލުކޮޅުގާ' އަދި 'މަހުގެ އަގުބޮޑުވުމުގެ އުއްމީދެއް'، މަތީގާ ވަކިވަކިން ސުރުހީކޮށް، ފުރަތަމަ ސުރުހީގެ ދަށުން، 'އެމީހުންގެގެ' އެހެން ކޮލަމެއްގާ، އަލްފާލިލް މުހައްމަދު އަމީނު ދީދީ މާލޭ ބަނދަރުގާ ކަރަންޓީނު ދުވަސް ހަމަވަންދެން ހުންނަވާތާ ތިންހަތަރު ދުވަސް ވެއްޖެ ކަމާ، އެމީހުންގެ ހަބަރު ހޯދާ މީހަކަށް، އަމީނު ދީދީ އަތުލައިގަންނާނެ ފުރަސަތެއް ލިބި، ' އަޅުގަނޑުމެންގެ ވެރިޔާ ހެޔޮ ހާލު ކޮޅުގައި، މިސުރުގެ ގާހިރާގާ އެބަހުންނެވި.' މިހެން ލިޔެ، އަދި ދެވަނަ ސުރުހީގެ ދަށުން، 'ސަރުކާރުގެ ހަބަރު'ގާ ބަޔާންވެފާވާ ފަދައިން ސުއްމުލް އަމީރު ރަންނަބަނޑޭރި ކިލެގެފާނުއާއި، އޭނާގެ ދަރިކަލުން، އައްނަބީލް އިބްރާހީމް ފަރީދު ދީދީއާއި، އަރިހުގާ ދިޔަ ދިވެހި ބޭކަލުން، އޭގެ ކުރީ އަހަރު ހައްޖަށް ވަޑައިގަތީ މަތިންދަ ބޯޓުން ކަމާ، މިހާރު އެ ކިލެގެފާނު މިސުރުގާ ހެޔޮހާލުކޮޅުގާ ހުންނެވި ކަމާ، އޭނާ މާލެ ވަޑައިގަންނަވާނޭ އިރެއްގެ ސުވާލަށް ތަފްސީލު ޖަވާބެއް ދެވޭނީ، ދައުލަތު ހިންގާ މަޖިލީސް މެންބަރުންނާ ސުވާލުކޮށްލާނޭ ފުރުސަތެއް ލިބުމުން ކަމާ، އަދި އެވަގުތު ބުނެވޭނެހާވެސް އެއްޗަކީ، މިސުރުގާ ކޮންމެހެން ހަމަޖައްސާލަށްވަން ހުރި ކަންކަން ނިންމަވާފާ ލަސްތަކެއް ނުވެ ވަޑައިގަންނަވާނޭ ކަމުގަޔާ، ސިލޯނުގާ ހިނގަމުންދާ ދައުލަތުގެ ކަންތައް ހިނގަމުންދާގޮތުގެ ސުވާލުގާ، ބުނަންއޮތް އެއްޗަކީ، އާންމުކޮށް ދުނިޔެއަށް، ހާއްސަކޮށް ސިލޯނަށް މެދުވެރިވެފާވާ ދަތިތަކާ ނިސްބަތްކޮށް ބަލާއިރު، ދިވެހިންގެ ކަންކަން ހިނގަމުންދަނީ އެންމެ ރަނގަޅަށް ކަމާ، ކިޔަވަން ތިބި ދިވެހި ކުދިންގެ ކިޔެވުން ދަނީވެސް ރަނގަޅުވަމުން ކަމާ، ކާބޯތަކެތި ލިބުމުގާ ދައްޗެއްނެތް ކަމާ، އަގުގެ ސުވާލުގާ، އަގުބޮޑުކަން އޮތްގޮތަށް އޮތީ ނުވަތަ ކުރިޔަށް ވުރެވެސް ބޮޑުކަމާ، އަދި އަގު ހެޔޮވާން ފަށާނީ އޭރަށްވުރެވެސް ބޮޑުވެފާ ކަމާ، ކާބޯތަކެއްޗަށްވުރެ އަގު ބޮޑީ ފޭރާން ކަމާ، ފޭރާން ލިބުން ތަނަވަސްވިޔަސްވެސް، ލިބޭނީ އަގުހުރި ފޭރާންކަމާ، އަގުހެޔޮވުމުގެ ދުވަސް އޮތީ ހުވެފެނުގާ ކަމުގަޔާ، އަދި ބާޒާރުގެ ބިސްކޯދު، ސެންޓު، ފަށުވިފޮތި، ކެހެރިފޮތި، ކުޅިވަރުގެ ސާމާނު ފަދަ އެހެން ތަކެތި، އަޖާއިބުވާ މިންވަރަށް ގިނަކަމާ، އަޖާއިބު ވާން މިޖެހެނީ ހަނގުރައިމާގެ ދުވަސްކޮޅު ކަމުން ކަމުގާ ބުނެ، އަދި ތިންވަނަ ސުރުހީގެ ދަށުން، މަހުގެ އަގުގެ ސުވާލުގާ، އެކަމުގެ ރަނގަޅު ޖަވާބު ދެވުނީހީ، މާލެފޭބުމުގެ ދެތިންދުވަސް ފަހުން ކަމުގަޔާ، އެއީ ދައްލަތު ހިންގާ މަޖިލީހުގެ ޖަލްސާއަކަށް ފަހުގާ، އެސުވާލު ކުރިނަމަ ކަމުގާ ބުނެ، އެ ޑިސެންބަރުން ފެށިގެން ހަންދަރަކުން -/2ރުފިޔާ ބޮޑުވެފާވާކަން އާންމުންނަށް އިނގިފާވާނެ ކަމާއި، އެކަމުގާވެސް ކުރަންވީ ޝުކުރު ކަމާއި، އަދި ފެބްރުވަރީހާތާނގާ، ހަންދަރަކުން އަދި -/5ރުފިޔާ ބޮޑުވިޔަސް، ހައިރާންނުވާނެ ކަމާ، ސިލޯނާބެހޭ، ރާއްޖޭގެ ހުރިހާ ކަމެއް ވަރަށް ރަނގަޅުކަމުގާ ބުނެ، އެކަމުގެ ތައުރީފުގެ ހައްގުވެރިޔަކީ، ރާއްޖޭގެ، ކެއްތެރި ސަފީރު، އަލްއަމީރު އިބްރާހީމް ފާމުލަދޭރި ކިލެގެފާނު ކަމާ، އަދި ބަންގާޅު ނާކޮޅުން، ލިބާހާ، ގުޑާކު ގެނައުމުގެ ސުވާލުގާ، 'ސަރުކާރު ހަބަރު'ގެ އަހުލުވެރިންގެ ހިތަށް ފިނިކަން ލިބޭފަދަ ގޮތަކަށް ޖަވާބުދެވެން ނެތީތީވެ ހިތާމަކުރާ ކަމާ، އަންހެނުންގެ ލިބާސް ގެނެވޭތޯ، އޭނާޔާ، ހަސަން ކަލޭފާނު އާ، ދެމީހުންނަށް ވީވަރަކުން މަސައްކަތް ކޮށް، އެހާތަނަށް ނަތީޖާއެއް ނުލިބޭ ކަމާ، ބަންގާޅުގާ އުއި ނެތް ކަމާ، ބޭރުންގެނެސް ލިބާސް ވިޔެފިއްޔާ، އެ ގަތުމަސް ކުޅަދާނަ ނުވާނެ ކަމާ، މަސައްކަތް ހުއްޓާނުލާނެ ކަމާ، ރިޔާކަނޑާފޮއްޗާ، ދޮށި ކަހަލަ އެއްޗެތި ގެންނާނެ ކަމާ، އެފަހަރު ކާށި ވިކިފާވަނީ، ދުވަހަކުވެސް ނިވިކޭހާ ބޮޑު އަގު، -/130ރުފިޔާއަށް ހާހެއް ކަމުގަޔާ، އަދި ގުޑާކާ ބެހޭގޮތުން އެއްޗެއް ވިދާޅުނުވާ ކަމުގެ ސުވާލުގާ، ފައިބަންވީ މާލެޔަށް ކަން ހަނދާންކޮށްލުމުން، އެސުވާލަށް ޖަވާބުދޭން މާކަފަސޭހަ ނުވާނެކަމާ، ދުންފަތު ވިހަޔަކީ ބާރުގަދައެއްޗެއް ކަމުގާ ބުނެ، ނަމަވެސް، މާތްކަލާންގެޔާ ވަކީލުކޮށް ވީގޮތް އެ ބުނަނީ ކަމުގާ ބުނެ، ބަންގާޅުގާ، އަގުބޮޑު ނަމަވެސް ދުންފަތް ލިބެން ހުރިކަމާ، މާލޭގާ އެދުވަސްކޮޅު ކަންތައް ހުރިގޮތުން، ގުޑާކުގެންނަށް އޭނާޔަށް ނުފެންނާތީ ނުގެނައީ ކަމުގަޔާ، އެކަމުގާ ކުއްވެރިޔަކީ، އޭނާ ކަމާ، ހަސަން ކަލޭފާނު ނޫން ކަމުގަޔާ، ކޮޅުނބަށް ދިޔަ ދެކުނު އޮޑިފަހަރުގެ ވާހަކައިގެ ސުވާލުގާ، އެފަހަރު ދޮޅަހަކަށް(ބާރަ) އޮޑި ދިޔަކަމާ، ކޮޅުނބުގާ ތަކެތީގެ އަގުބޮޑުކަމުން، އޮޑިފަހަރުގެ މީހުންނަށް މާކަ ފައިދާ ނުވާނެ ކަމުގާ އޭނާ ދެކޭ ކަމާ، ވުޒާރަތުލް ދާހިލިއްޔާގެ 'ގާއިގާމު'؟ގެ އެންގެވުމުގެ މަތިން، ބައެއް އޮޑި ސީދާ އަތޮޅުތަކަށް ދާން، އޭނާ ބުނެފާ އައި ކަމާ، ސިލޯނުގާ 'އެމީހުންގެ' އުޅުން ހުރިގޮތުގެ ސުވާލުގާ، އެއަހަރު އެމީހުންގެ އުޅުމާދޭތެރޭ، އެއްވެސް ޝަކުވާއެއް ނެތް ކަމުގާ ބުނެ، އަދި މުހައްމަދު ހާޝިމްގެ ކުލަގަދަ އިބާރާތުން ނަމަ، 'ހުވަދޫ މީހުން މުޅިން އެހެން ފުށެއްޖެހިފާ މިފަހަރު ތިބީ'، ކަމުގަޔާ، ހުރިހާ އޮޑިފަހަރެއްގެ މީހުންނަށް އޭނާ ޝުކުރުކުރާކަމާ، މާލޭގެ ކަންތައްތައް ހިނގަމުންދިޔަ ގޮތާ މެދު އޭނާ ހިތްހަމަޖެހުމުގެ ސުވާލުގާ، އޭނާގެ ހިތްވަނީ ޝުކުރުގެ ހައްގުވެރިންނަށް ޝުކުރުން ފުރިފާ ކަމާ، ދައުލަތުގެ މަހްކަމާތަކުގެ ވެރިންނަށް އޭނާ، އަދަބުވެރިކަމާއެކު ދަންނަވާނީ ސާބަސް ކަމާ، އަލްއަމީރު އިބްރާހީމް ފާމުލަދޭރި ކިލެގެފާނަށް، އަލްފާލިލް އިބްރާހީމް މުހައްމަދު ދީދީ އަށް، އަލްފާލިލް މުހައްމަދު އިސްމާއީލް ދީދީ އަށް، އައްނަބީލަ ފާތުމަތު އިބްރާހީމް ދީދީ އަށް، ވަކިން ހާއްސަ ގޮތެއްގާ ލޯތްބާއެކީ ޝުކުރުދަންނަވަމުން ނިންމާލާފާވާ، ބަސްދީގަތުމެއް.
(Size: 10" x 8")
K - Male' - News (Interviews)

1343ހ ޒުލްހައްޖު 10(1925މ ޖުލައި 2)ގާ، ކޮޅުނބުން، 'އީ.އޭ.އެޗް ޑީޑީ' ގެ ފޯން ނަންބަރު(2304)ޖެހި 'ލެޓާހެޑް އެއްގާ'، ބޮޑުބަނޑޭރި މަނިކުފާނަށް؛ ރޯދަމަހު 23ގާ ލިޔުއްވާފާވާ ސިޓީއާ، -/2550 ރުފިޔާ އުންބުޗީ އަތުން ނެގުމަށް ލިޔެ ފޮނުވި ސިޓީއާ ލިބި އަދި އެފައިސާ ނަގައިފި ކަމާ، ޝައްވާލް 26ގާ ލިޔުއްވާފާވާ ސިޓީޔާ އެ ސިޓީގާ ބުނެފާވާ ކަރުދާހު ފޮށިގަނޑާ، އަދި ދެން ފޮނުއްވި ސިޓީޔާ އެސިޓީތެރޭގާވާ -/2550 ރުފިޔާގެ، އީ.ޖީ ފިހާރައިން ދީފާވާ ހުންޑީ ލިބި، އެފައިސާވެސް އޭރު ލިބިއްޖެ ކަމާ، އަދި އެމަހު 30ގާ ލިޔުއްވާފާވާ ސިޓީޔާ އޭގެތެރޭގާ ފޮނުއްވި، ކަރުދާހުފޮށިގެ ބިއްލަޑީ ލިބުނު ކަމާ، ނޯވޭގެ 5 މީހުން ތިބި، ކޮރްލެއިފް ކިޔާ މީހެއްގެ ކެޕްޓަނުކަމުގާވާ، ޔޮޓެއް އެމަހުގެ 25 ހެދުނު މާލެ ދިޔަކަމާއި، އެޔަށް ކާބޯތަކެއްޗާ އޭގެ އިތުރުން، ވެރިންގެ ފަރާތުން ހަދިޔާ ފޮނުއްވިކަން، ޒުލގައިދު 26ގާ ފޮނުއްވި ސިޓީން އިނގުން ކަމާ، އެ ޔޮޓުން، ރާއްޖެޔަށް ވަރަށް ތައުރީފުކޮށް ނޫސްވެރިންނަށް ދިން ބަޔާނާ، އަދި އަބްދުލް ހަމީދު އެކަމާ ބެހޭގޮތުން 'ޓައިމްޒް' އަށް ދެއްވި ހަބަރުކޮޅާ، އެދެހަބަރު ޖަހާފާވާ ނޫސް-ކެނޑުން(N-57) ފޮނުއްވި ކަމާ، އެޔޮޓުގެ ދުވެއްޔާ ބެހޭ މައުލޫމާތު ކޮޅަކާ، އަދި މައްކާޔަށް ކޮންމެ އަހަރަކު ސަރުކާރުން ފޮނުވާ މަހުމަލްކޮޅު ކޮޅުނބު މަގުން މަދީނާޔަށް ގެންދަނިކޮށް، ވައްހާބީ ރަސްގެފާނުންގެ ޖަންގަލީ ސިފައިންގެ ހަމަނުޖެހުމެއްގާ، މިސުރު ސިފައިން ބަޑިޖަހާ ގިނަ ވައްހާބިން މަރާލާ، މިކަންތައްގަނޑާ ހެދި، ޖިއްދާ މަގުން އެ އުރަފުޅު ގެންދިޔުމަށް ގަސްތުކުރި ކަމާ، ހައްޖާޖީންނަށް ވަރަށް އަނިޔާކުރާ ވާހަކަޔާ، ޔަމަނު ރަސްގެފާނު ވައްހާބީ ރަސްގެފާނާ ހަނގުރާމަފަށްޓަން އުޅޭ ވާހަކަ އިވެމުންދާ ކަމާ، ތުރުކީންނާ އިނގިރޭސިން އިރާގުގެ ސަރަހަށްދާ މެދެ ސުލްހަވެރި ގިރުމޭޓެއް(އެގްރީމެންޓް/އެއްބަސްވުން)ގާ ސޮއިކޮށް، އެކަމުން ތުރުކީޔަށް ވަރަށް ފައިދާވާނެ ކަމުގާ ދެކޭ ކަމާ، މޫސާ ބަހީގެ ހުސެއިނީ އަށް އަރައިގެން އެމަހު 18ގާ ދިޔަ 3 ކަލުން(މީހުން؟؟) ފަތުހުލް މަޖީދު ބޯޓުގާ ދާންގޮސް، އެމަހު 25ގާ އަނެއްކާ އެބޯޓުވެސް ކޮޅުބަށް ވަދެ، ތަންކޮޅެއް މަޑުވަންދެން އެބޯޓުވެސް މަޑުކޮށްލައިގެން އޮތް ކަމާ، ހައްޖު އީދަށް، ނާކޮޅުގާ ސޮލަވާތްފުޅު ކިޔާ ހުރިހާ އެންމެންނަށާ، އެ 3 ފަސިންޖަރުންނަށްވެސް ހެދުން ދެއްވި ކަމާ، އެ 3 މީހުން ތެރެއިން، ތުއްތު، ކަނޑުމައްޗަށް ދެރަކަމުން، އޭނާގެ ހާލުދެރަކަމާ، އޭނާ މާލެދާން އެދޭކަމާ އެކަމަކު ފުރުވާލައިފިއްޔާ، ފުރާނަޔަށް ގެއްލުންވެދާނެކަމާ، މިހުރިހާ ހަބަރެއް ލިޔެ، އަބްދުލް ހަމީދު ސޮއިކޮށް، ފޮނުވާފާވާ ސިޓީއެއް.
(Size: 8.2" x 5.15")
Sri Lanka - Maldivian Embassy - letter(Official)

1908މ ޑިސެންބަރު 10(1326ހ ޒުލްގައިދު 16)ގާ، ، ރާއްޖޭގެ ސަފީރު، އީ. އަބްދުލް ހަމީދު ދީދީ، ބޮޑުބަނޑޭރިގެޔަށް؛ ޒުލްގައިދަ 9ގާ، ތިރިނާކޮޅު، ވެދުން ހިފައިގެން، ކޮޅުނަބަށް ގޮސް، އެއިން ފޮނުވި، ޝައްވާލް 21ގާ ލިޔެފާވާ ސިޓީ، -/4500ރުފިޔާ، ވެދުމުގެ ސާމާނު، ސަރުކާރުގެ މަސް، ކޮފުރާ އަދި ލޮނުމަސްވެސް ހަމަޔަށް ލިބުނު ކަމާ، އެއެއްޗެތި ވިއްކާ، އެއިރު ހުރި ހިސާބު، އެ ނާކޮޅުން ފޮނުވާނެ ކަމާ، އަދި އެނަވުން ފާމުދޭރި ކިލެގެފާނުގެ ދަރިކަލުން، އަބްދުލް މަޖީދު ދީދީ އަދި ކަކާގޭ އިސްމާއީލް ދީދީގެ ދެބަފައިން ވެސް ކޮޅުބަށް ދިޔަކަމާ، އަދި ހައްދުންމަތީގާ ބައިތް އޮޑިޔާ، ފަތުހުލް ރަހްމާނު ނާކޮޅާ ބަންގާޅަށް ދިޔަކަމާ ދެން ފުރި ނާކޮޅު އަދި ނުދާ ކަމުގެ ހަބަރު، މުހައްމަދު ކަލޭފާނު، ތެލިގިރާފުން25، ޑިސެންބަރުގާ، އެންގި ކަމާ، ވެލާނާގޭ މުހައްމަދު ދީދީ މެން އުޅޭނޫޅޭގޮތް ބަލާކަމުގާ އަންގާ ޝްރީލަންކާ ސަރުކާރުން ފޮނުވާފާވާ ސިޓީއެއްގެ ކޮޕީއެއް ފޮނުވިކަމާ، މިސިޓީ ލިޔެނިކޮށް ބަންގާޅުން ލިބުނު މުހައްމަދު ކަލޭފާނުގެ ސިޓީއެއްގާ، ނުގޮސްގެން އުޅުނު އޮޑިޔަށް ދެވުނީ ބައެއް މުދަލާ މަތީ ހުރި ކެބުސަލާމަތިތަކާ އުކާލާފާ ކަމާ، އަދި އަމާނަތުލް ރަހުމާނު ނާކޮޅު ކޯރަކަށް ފެތިއްޖެޔޭ ކިޔާ މާލެޔަށް ލިބިފާވަނީ ދޮގު ހަބަރެއް ކަމާ، ހަނޑުލުގެ އެކި ބާވަތުގެ އަގާއި، އަލި-ހަނޑޫ ކިޔާ ބާވަތެއްގެ ހަނޑުލުގެ ނަމޫނާ، އެއޮޑިން ފޮނުވާނެ ކަމާ، މިސިޓީގެ މިހިސާބުން މުހައްމަދު ކަލޭފާނުގެ ތެލިގިރާފެއް ލިބި، އަމާނަތުއް ރަހުމާނު ނާކޮޅު ސެޓިގަމަށް ވަދެ، އެތަނުން ދެން ދާނީ ބަންގާޅުއަށް ކަމުގާ އޭގާ އޮތް ކަމާ، އަދި އެދުވަހު، ގާލީގެ ގަންދަރަ ކިޔާ ހިސާބަކުން، ރާއްޖޭގެ ބޮއްކުރައެއް ފާޑު އެއްޗެއް ފެނިގެން އުޅޭކަމުގެ ވާހަކަ މުހައްމަދު އިސްމާއީލް ލިޔެފާވާތީ، އެއްވެސް ނާކޮޅަކުން ދޯންޏެއް ގެއްލުނުތޯ އަހާ، ބަންގާޅަށް، އެސަފީރު ސިޓީއެއް ލިޔުނު ކަމާ، މި ހުރިހާ ކަމެއް ތަފްސީލުކޮށް ބަޔާންކޮށް؛ ފޮނުވާފާވާ ސިޓީއެއް.
(Size: 10.15" x 7.35")
Sri Lanka - Maldivian Embassy - letter(Official)

1908މ ޑިސެންބަރު 1(1326ހ ޒުލްގައިދު 7)ގާ، ރާއްޖޭގެ އެންބަސީގެ 'ލެޓާހެޑް'ގާ، ދިވެހި ސަފީރު، އަބްދުލް ހަމީދު ދީދީއަށް، ކޮޅުނބުގާ ހުންނަ ކޮލޯނިޔަލް ސެކެޓްރީގެ އޮފީހުގެ ނަމުގާ، އޭ.އާރް ސްލޭޓާ ކިޔާ މީހަކު ފޮނުވާފާވާ، 18985 ނަންބަރު ސިޓީ(އިނގިރޭސި) ނަކަލުކޮށް ލިޔެ، އޭގެ ތިރީގާ، 1908މ ޑިސެންބަރު 3(1326ހ ޒުލްގައިދު 9)ގާ، އެސަފީރު ސޮއިކޮށް މާލެ ބޮޑުބަނޑޭރިގެޔަށް؟؟؛ މަތީގާ އެވަނީ، އޭނާ އެތާގެ ސަރުކާރަށް، މުހައްމަދު ދީދީމެން ކޮޅުނަބަށް ގޮސް އުޅޭ ވާހަކ ލިޔުމުން އޭގެ ޖަވާބުގާ ފޮނުވި ސިޓީގެ ނަކެލެއް ކަމާ، އަދި އެބައިމީހުން ރާއްޖެ ދާން އުޅޭ ހަބަރު އިވޭ ކަމާ، އޮޑިފަހަރުން މިކަހަލަ ހަބަރު ނުފޮނުވެނީ، އެ އޮޑިފަހަރުތަކަށް އޮންނަ އިތުބާރުކުޑަކަމުންކަމާ، ނައިފަރު އަދި ހިންނަވަރު އޮޑިފަހުރގެ މީހުން އަލީ ދީދީ މެން ތިއްބަވާ ގެޔަށްދިޔަ ވާހަކަ މަރަށްކާރު ބުނި ކަމާ، އަދި އެހެންވެ އެއޮޑިފަހަރު މާލެ ދާނެ ގޮތް ހެއްދެވުން ރަނގަޅުވާނެ ކަމާ، އެއިން އެބޭފުޅުންގެ ސިޓީ ގެންގޮސްފާނެ ކަމުގާ ހީވާކަމުގާ ލިޔެ؛ އޭނާ ސޮއިކޮށް، ފޮނުވާފާވާ ސިޓީއެއް.
(Size: 10.15" x 7.85")
Sri Lanka - Maldivian Embassy - letter(Official)