Showing 867 results

1294ހ މުހައްރަމް(1877މ ޖަނަވަރީ)ގާ، އަލްގާޒީ އިބްރާހީމް މަޖުދުއްދީނު ގެދަރި އިސްމާއީލް ބަންޑާރަނައިބު ތަކުރުފާނުގެ ޝަރީއްއަތު މަޖިލީސްއަށް، ހުތް އައިމިނާ ދީދީ، އޭނާ އިނދެވަރިކުރި ބާބާގޭ ދޮންމަނިކުގެ ގޯތި، ހެކިންގެ ހާޒިރުގާ، އޭނާއަށް ހިބައިންދީ، އެކަމުގެ މައްޗށް ލިޔުން ދީފާ، އެ ހިބަޔަށް ދޮންމަނިކު އިންކާރުކޮށް، އެގޯއްޗަށް އައިމިނައިދި ވަނިޔަކަނުދިނޭ ކިޔާ ދައުވާ ހުށައެޅުމުން، ދޮންމަނިކު ހާޒިރުކުރުމުން، އެލިޔުން އެގޮތަށް ދިންކަމަށް އެއްބަސްވެ، އެކަމަކު ގޯތި ނުދެވެޔޭ ހިތަށްއަރާ އެގޮތަށް އުޅެވުނީކަމުގާ ބުނުމުން، އެ މަޖިލީހުން އެއީ ސައްހަ ހިބައެއް ކަމުގާ ނިޔާކޮށް، ސިންގަޅަގެގެ ހުޅަނގުން، ބައިކަނޑިގެގެ އިރުން އޮތް ބާބާގެ ކިޔާ ގޯތި، އެއީ، ހުތް އައިމިނާ ދީދީގެ މިލްކެއް ކަމުގާ ބަޔާންކޮށް، އެގޯތީގެ ބޮޑުމިން ހިމަނާ އެމަޖިލީހުން ލިޔެފާވާ ފަތެއް.
އަދދި ފަތުގެ ނުފުށުގާ:
1302ހ ޒުލްގައިދު؟؟ 18(1885މ އޯގަސްޓް 29)ގާ، އަލްގާޒީ އިބްރާހީމް މަޖުދުއްދީނު ގެދަރި އިސްމާއީލް ބަންޑާރަނައިބު ތަކުރުފާނުގެ ޝަރީއްއަތު މަޖިލީހުން؛ އެގޯތި ފުއްކޭގޭ އާބަކުރު ކަލޭގެފާނަށް މިލްކުވެއްޖެކަން ސާބިތުވެ، އެކަން ބަޔާންކޮށްފާވާ ލިޔުމެއް.
(Size:13.3" × 8.5")Ismail Bandaara Naaibu Thakurufaanu
K.Male' - Baabaa Dhon Maniku Goathi (Housing Plot) - Private Property

(ލިޔެފާވާ ތާރީހެއް، ފަރާތެއް ނެތް)، 'އަހުރެމެންގެ ސާހިބު – މާތް- ރަދުންގެ ފުތް ރަދުން – އެއީ އިބްރާހީމް އިސްކަންދަރު ރަދުންނެވެ ކިޔޭ ރަދުނެވެ-' މިހެން ފަށްޓާ، އަދި މިސްކިތާ ބެހޭ ކުޑަ ހަދީސް އެއް ލިޔެ، 'ލިޔުންތެރިޔާ' އެރަދުންނަށް ދެންނެވި ހަދީސެއް އައްސަވާ، އެކަމާ ވިސްނަވާ، އެރަދުންނާއި އެރަދުންގެ ބައްޕަގެ ކުއްފާފަތަކުން މިންޖުކުރެއްވުމަށް އެދި، އެ ބަރަކާތްތެރި ބޮޑު ހުކުރު މިސްކިތް ބިނާކުރަށްވަން ފެއްޓެވި ކަމާއި، އެ، ބިނާކުރަން ފެއްޓެވީ، ކުރީގާ އެތާގާހުރި، އައްސުލްތާނު ދަރްސަން؟؟(ދަރުމަވަންތަ)ރަދުން، އަޅުއްވާފާ ހުރި ހުކުރު މިސްކިތް ބާވެގެން ކަމުގަޔާ، އެ މިސްކިތް ބިނާކުރައްވަން ފެއްޓެވީ، 1066ހ ޝައުބާން 22(1656މ ޖޫނު 15)ވަނަ ހުކުރުދުވަހު ކަމާއި، ދިގުމިނުގާ 120މުށް(180ފޫޓު) ހުރި ކަމާ، ބޭނުންކޮށްފާވާ ލަކުޑިއާއި، މިސްކިތުގެ އެކި އެކި ތަންތަނާއި ލިޔުންތަކުގެ ވާހަކަޔާ އަދި އެ އެންމެހާ ކަންތައް އެކުލަވާ ހެއްދެވީ އެރަދުންގެ ބެއްލެވުމުގެ ދަށުން ކަމުގާ ލިޔެފާވާ ލިޔުމެއް.
ފަތުގެ ނިމުން ނެއްކަމުގާ ބެލެވޭ... އަދި މިއީ ދިވެސްއަކުރުގެ ތަރުޖަމާއެއް ކަމުގާ ހީވޭ.
Update on construction work for a new mosque(Size:13.35" × 8.4")
K.Male' - Hukuru Miskiiy (Mosque) -Writing(Report)

(ތާރީހެއް ނެތް.. ކޮލިނަން އަދި ރަސަކަމުގެ އަހަރަށް ބަލާފާ)1032ހ(1623މ)ގާ، އައްސުލްތާނު މުހައްމަދު އިމާދުއްދީނު 1، ސުވާސްތިސިރީ މަތަމަހާސިރީ ކުލަސުންދުރަ ސިއާކަސާސްތުރަ އައުދަކީރިތި ކައްތިރި ބޮވަނަ މަހާރަދުންގެ ރަސްކަމުގެ 3ވަނަ އަހަރު؛ މިލަދުންމަޑުލު(ބ. & ރ.)އަތޮޅު އަށް، ސަރުކާރުން ދާ މީހުންނަށާއި، އަދި އެކިއެކި ކަންކަމު ދާ އެހެނިހެން މީހުންނަށާއި، އަދި ބ.ގޮއިދޫ ރައްޔިތުންނަށާއި، އެންމެހާ ދިވެހެންނަށް، ގޮއިދޫ ފަޑިއަތް އަޅާ ގެދަރި ތުއްބިބީ ގެދަރި ހަސަންގެ އަދި އޭނާގެ ދަރިންގެ އެއްވެސް މިލްކަކަށް އަރާ އެމީހުންނަށް އެއްވެސް ކަހަލަ ގޯނާއެއް އަނިޔާއެއް ނުކުރުމަށާއި، އަދި އެފަދަ ކަމެއް ކޮށްފިއްޔާ އެކަމަށް އުގޫބާތް އޮންނާނެ ކަމުގާ، ބަސްއިއްވަވާ އަމުރުކުރެއްވުމުން؛ އެރަދުންގެ ސިއްކަ ޖަހާ، ހަސަން ހަތީބު
ލިޔެފާވާ ފަތެއް
Royal decree declaring that all assets of Ḥasan's family are inviolate(Size: 8.2" × 8.3") --
B.Goidhoo - Order

1347ހ ސަފަރު 27(1928މ އޯގަސްޓް 14)ގާ، އައްސުލްތާނު މުހައްމަދު ޝަމްސުއްދީނުގެ ރަސްކަމުގެ 26ވަނަ އަހަރު، އެރަދުންގެ ދަރުބާރުގާ، ހދ. ނައިވާދޫ ރައްޔިތުން، އެރަށުގެ މާމިސްކިތް ބަލަހެއްޓޭނެ ގޮތެއް ހަށްދަވާދެއްވުމަށް އެދުމުން؛ އެރަށުގެ ފާލަށްބައިން ސަރުކާރަށް އޮންނަ އެއްޗެއްގެ 2/1، އެ މިސްކިތުގެ ބޯގަޔަށް ލަށްވާ، އެ އެއްޗެތިން އެމިސްކިތުގެ އެންމެހާ ކަންކަން ކުރުމަށާ، އަދި އެބޯގައިގެ ތައުލީއްޔަމޫލަ ވެރިކަމުގެ ނާޒިރުކަން(ހަވާލުވެރިކަން) އެ ރަށުގެ އެންމެހާ ރައްޔިތުންނަށް ލަށްވާ، އަދި އެއިރަކު ދިވެހި ރަސްކަމުގެ ތަހުތުގާ އިންނެވި ކޮންމެ ރަދުނަކުވެސް އެކަމަށް އިހުތިރާމް ކުރައްވަންވާނެ ކަމުގާ އަމުރުނެރުއްވުމުން، އެރަދުންގެ ސިއްކަ ޖަހާ، ފުރަ(ބޮޑު، މައި)މާލޭ ޔޫސުފް ގެދަރި އަލީ ލިޔެފާވާ ފަތެއް
(Size: 15" × 9.95")
H.Dh.Naivaadhoo - Maa Miskiiy (Mosque)Endowment for Shrine (ziyaaraiy)

(ތާރީހެއް އިނގޭކަށް ނެތް) ނުފުށުގާ، 'މުޒްހިރުއްދީނު މިސްކިތް' މިހެން ތާނައިން ޖަހާފާވާ، އަރަބިން ލިޔެފާވާ ފަތެއް. (މިފަތުގެ ތަރުޖަމާއަކީ F0-100ކަމުގާ ބެލެވޭ)(Size: 17" × 12.2")
K.Male' - Muzhiruddeen Mosque

1332ހ ސަފަރު 24(1914މ ޖަނަވަރީ 21)ގާ، އައްސުލްތާނު އިބްރާހީމް ނޫރައްދީނު ގެދަރި އައްސުލްތާނު މުހައްމަދު ޝަމްސުއްދީނުގެ ރަސްކަމުގެ 12ވަނަ އަހަރުގާ، އެރަދުންގެ ދަރުބާރުގާ، އދ.ފެންފުށި ރައްޔިތުން، ބ.ހިބަޅިދޫ އެއީ، އެމީހުންގެ ރަށުގެ 2 މިސްކިތުގެ ބޯގައެއް ކަމާ، އެކަމަކު، ބ.މާޅޮހު މީހުން އެރަށް ގެންގުޅޭތާ އެތައް އަހަރެއް ވެއްޖެކަމުގާ ބުނެ، އެކަން ބައްލަވާދެއްވުމަށް އެދުމުން؛ ފެންފުށި 2 މިސްކިތުގެ އަދި މާޅޮހު މިސްކިތުގެ ބޯގަ ފަތް ގެންނަވާ ބެއްލެވިއިރު، އެ ދެ ބޯގައިގާވެސް އެރަށް ހިމެނޭކަމާއި، މާތުރަ(ނަމަވެސް) ފެންފުށި ދެ މިސްކިތަށް ބޯގަ ލެއްވީ، އައްސުލްތާނު އަލްގާޒީ މުހައްމަދުލް އުތީމީ ބޮޑުތަކުރުފާނު ކަމާ، މާޅޮހު މިސްކިތަށް އެރަށް ބޯގަޔަށް ލަށްވާފާވާ ކަމުގާ އޮތީ، އިސްކަންދަރު ޝާހު މަހާރަދުން އެމިސްކިތަށް ދެއްވި ފަތް، އެތާ ފަރަންޖީން އުޅުނުއިރު، އެމީހުން ގެންގޮސްގެން، އެރަށު ރައްޔިތުން އައިސް އައްސުލްތާނު އަލްގާޒީ މުހައްމަދު އިމާދުއްދީނު(ދިޔަމިގިލީ ރަދުން)އާކޮށްފާވާ ފަތެއްގާ ކަމާއި، އެހެންވެ، އެދަރުބާރުގެ ބޮޑުންނާއި، ޝަރީއަތު މަޖިލީހުގެ ބޭފުޅުންނާއި މަޝްވަރާކުރައްވާ، ފެންފުށީ ބޯގަޔަށް އިސްކަން ދެއްވާ، ހިބަޅިދޫ، މާޅޮސް މިސްކިތު ބޯގައިން ކަނޑުއްވާ، މާޅޮސް މިސްކިތު ބޯގަ ފަތުގާވާ، ހިބަޅިދޫ ނޫން، އެންމެހާ ތަކެއްޗެއް އެއީ މާޅޮހު ގޮއިފާލައްބަ އާއި ....(ވީދިގޮސްފާ)..މެކުރެއްޖާއި ލަށްވާ، އެބޯގައިގެ ހަވާލުވެރިކަން އެރަށުގެ ރައްޔިތުންނަށް ލެއްވި ކަމާ، މިއެންމެހާ ކަންކަމަށް އަމުރުނެރުއްވުމުން؛ އެރަދުންގެ ސިއްކަ ޖަހާ، މާލެ މާކޮށާރު ބަނޑޭރި ބޮޑުގަލު މޫސާ ގެދަރި އައްނައިބު ހުސެއިން ސަލާހުއްދީނު ލިޔެފާވާ ފަތެއް.(Size: 18.05" × 12")
A.Dh.Fenfushi - A.Dh.Fenfushi 2 Miskiiy (Mosque) - Endowment for Shrine (ziyaaraiy)

1331ހ ރަޖަބް(1913މ ޖޫނު(ގާ، އައްނައިބު ހުސެއިން ސަލާހުއްދީނު ބަންޑާރަ ނައިބު މަނިކުފާނުންގެ، ޝަރީޔަތު މަޖިލީހަށް، ތުޅާދޫގޭ (...ވީދިފަ) ގެދަރި އިސްމާއީލް މަނިކުގެ އިބްރާހީމް މަނިކު ހާޒިރުވެ ހުރެ، އެމީހުންގެ ކާފަގެ ގޯތިތައް ބަހައިގެން، އޭނާގެ ބޮޑުބޭބެ މޫސާ މަނިކު އަށް ވީ ދެގޯތިން، ކުޑަކޮށީގާ އޮތް ވަގުފް ގޯތީގެ ވަގުފް، އެ މޫސާ މަނިކުގެ ދެ ފިރިހެން ދަރިން، އޭނާޔާ ހަވާލުކުރި ކަމުގާ ބުނެ، އެކަމުގެ މައްޗަށް ފަތެއް ދެއްވުމަށްއެދުމުން؛ އެގޯތީގެ އިހު ފަތް ބެއްލެވިއިރު، އެގޯއްޗަކީ، ތުޅާދޫގޭ މުހައްމަދު މަނިކުގެ މަންމަ އާއި، މަންމަގެ އެއްބަނޑު އެއްބަފާ ފާތުމާފުޅު އާއި އަދި ދޭވާނިގޭ ދޮން...(ވީދިފަ)ފުޅާއި، މި ތިން ބެއިންގެ ވަގުފް ގޯއްޗެއް ކަމާއި، އަދި އެގޯތި ތުޅާދޫގެ މުހައްމަދު މަނިކުގެ ހަވާލުން، އޭނާގެ ދަރި މޫސާ މަނިކުއަށް، އަދި އޭގެ ފަހުން އެ މޫސާ މަނިކުގެ ދެދަރިންނަށް ހަވާލުވެފާވާ ކަމުގާ ސާބިތުވެ، އަދި، އެ ދެމީހުން، އެ އިބަރާހީމް މަނިކު އާއި ގޯތި ހަވާލުކުރިކަމުގެ ހެކިބަސް ގަބޫލުކުރަށްވާ؛ އެގޯތީގެ ވަގުފް އެއީ އެ އިބްރާހީމް މަނިކުގެ ހަވާލެއް ކަމުގާ އެ މަޖިލީހުން ނިޔާ ކުރުމުން، މޫސަލް މަހައްލީގެ ދަރި އަބްދުއްލޯ ލިޔެފާވާ ފަތެއް.
އަދި ނުފުށުގާ:
1346ހ ޖުމާދިލްއައްވަލް 24(1927މ ނޮވެންބަރު 19)ގާ، މި ގޯތީގެ ހުރިހާ ބެހެނިވެރިންގެ ގަބޫލުގާ، ތުޅާދޫގެ ހުސެއިން މަނިކުގެ ދަރި އިބްރާހީމް މަނިކާއި ހަވާލުކުރިކަމުގެ މައްޗަށް ލިޔެފާވާ ލިޔުމަކާ،
އަދި، މި ގޯތީގެ ބޮޑުމިން، ފަނޑިޔާރުގޭގެ ފަތްލިޔާ 4 ނަންބަރު ފަތްލިޔާ ދަފްތަރުގެ 14ވަނަ ސަފްހާގާ ވާނެކަމަށް، އެހެން އިރެއްގާ، ކޮށްލާފާވާ ނޯޓެއް.
(Size: 9.65" × 8.1")Al Naaibu Hussain Salahuddin
K.Male' - M.Meybiskadhuruge (Housing Plot in Male) - Deed for housing plot

(ތާރީހެއް އިނގޭކަށް ނެތް) 10ވަނަ ފޮޅުވަތުގާ، 'އައްސުލްތާނު މުހައްމަދު އިމާދުއްދީނު' އަދި، 11ވަނަ ފޮޅުވަތުގާ 'ރަމްލޯނު މަހު' އަދި އެކިތަންތަންކޮޅުގާ 'ވަގުފް'، އަރަބިން ލިޔެފާވާ ދިވެސްއަކުރު ފަތެއް.(Size: 15.65" × 12.4")

މިކަރުދާހުގާ 4 ލިޔުމެއް ވެއެ.
1ވަން ލިޔުމަކީ: 1120ހ ރަޖަބް 15(1708މ ސެޕްޓެންބަރު 30)ގާ؛ އަލްގާޒީ ހަސަން ތާޖުއްދީނުގެ ޝަރީއަތު މަޖިލީހުގާ، ތ.ވިލުފުށީ ތުއްބޭބެ އާއި އޭނާގެ އަނބި އައިސަދައިތަ އާއި ދެމީހުން، ވިލުފުށީގާ ހުރި އެމީހުންގެ މިލްކުގާވާ، ފޯދުނު 60 ރުކާއި، ނުފޯދޭ 60 ރުކާއި އަދި 3 ދަނޑު، ވަގުފްކޮށް، އެ ވަގުފްގެ ހަވާލުވެރިކަން، އެމީހުންގެ ދަރި ސަންފާ، މަރިޔަމް، އަދި ޒުލޭހާ މަންޖެއަށް، އަދި އެމީހުން ނެތިއްޖެ ނަމަ އެމީހުންގެ ދަރިކޮޅަށް ލަށްވާ، އެ، ތިން ބެއިން އެކަން ގަބޫލުކޮށްފި ކަމުގާ ބުނެ އެކަމުގެ މައްޗަށް ފަތެއް ދެއްވުމަށްއެދުމުން، އެމަގަށް؛ އެ މަޖިލީހުން ލިޔެދެއްވި ފަތުގެ، ތާނަ ތަރުޖަމާއެއް.
2ވަނަ ލިޔުމަކީ: 1240ހ ޖުމާދިލްއައްވަލް(1825މ ޖަނަވަރީ)ގާ، އައްސުލްތާނު މުހައްމަދު މުއީނުއްދީނު 1ގެ ރަސްކަމުގެ 27ވަނަ އަހަރުގާ، އެރަދުންގެ ދަރުބާރުގާ، ތ.ވިލުފުށި ރައްޔިތުން، އެރަށު ފަޅުތެރޭގާ އޮންނަ ރަކިފުށި ކިޔާ ރަށް، ވިލުފުށީ ރައްޔިތުންގެ މިލްކެއް ކަމުގާ ހައްދަވާ، އެކަމުގެ މައްޗަށް ފަތެއް ދެއްވުމަށް އެދުމުން، އެ ރަކިފުށިއަކީ، ވިލުފުށި މީހުންގެ މިލްކެއްކަމުގާ ނިޔާކުރައްވާ، ފަތް ލިޔުމުގެ ހުއްދަ ދެއްވުމުން، އެ ރަދުންގެ ސިއްކަ ޖަހާ، އަލްހާޒިން އަލްކަބީރު ހާޖީ މުހައްމަދު ރަންހަނދޭގިރި ކިޔުމުން، ފަތްލިޔާ އިބްރާހީމް ލިޔުނު ފަތުގެ ތާނަ ތަރުޖަމާއެއް.
3ވަނަ ލިޔުމަކީ: އަހަރެއް ނެތް) ރަދުންނަށް ބަލާފާ...)1078ހ ސަފަރު(1667މ އޯގަސްޓް)ގާ، ސުވަސްތިސިރީ މަތަމަހާސިރި ރަންނަވަލޯކަ އަބާރުނަ ސިއާކަ ސާސްތުރަ އައުދަ ކީރިތި ބޮވަނަ މަހާރަދުން އައްސުލްތާނު އިބރާހީމް އިސްކަންދަރު 1 ގެ ރަސްކަމުގެ 20ވަނަ އަހަރުގާ، އެރަދުންގެ ދަރުބާރުގާ، ތ. ވިލުފުށި މީހުން، އެރަށު މީހުން ބޮލިހިލާ، މަސްހިފާ ކަންތައްތައް ކުރަމަށް، އައްސުލްތާނު މުހައްމަދު އިމާދުއްދީނު ދެއްވި ފަތް ބާވެގެން، އެފަތް އާކޮށްދެއްވުމަށް އެދުމުން، އެކަމާ މުހާތިބުވާ ރައްރަށުގެ މީހުންނާއި ވިލުފުށީ މީހުން ޝަރީޔަތަށް ފޮނުއްވާ، އެރަދުންގެ ބައްޕަ ވިލުފުށީ މީހުންނަށް ފަޅެއްދެއްވި ކަމުގާ ސާބިތުވުމުން، އެރަށުގެ ފަޅުން، ރަކިފުށި ބޮޑު ކޯރުން ފަށައިގެން ޅޮހި ފަޅުގެ ކޮޅާ ހަމަޔަށް އޮތް ތަނާއި، އެތާގާ ވާހާ ރަށަކާ އެމީހުންނަށް ލަށްވާ، އެވިލުފުށީ މީހުންގެ ރުހުމަކާ ނުލާ، އެތަނަށް އެއްވެސް އެހެން ރަށެއްގެ މީހަކު ވަދެ އެއްވެސް ކަމެއް ނުކުރެވޭނެ ކަމުގާ ނިޔާކުރަށްވުމުން އެރަދުން ފަތް ލިޔުމަށް އަމުރުނެރުއްވުމުން، އެރަދުންގެ ސިއްކަ ޖަހާ، މަތީގަމު މޫސާ މޭނާ ގެދަރި އަލްވަޒިރު ދޮންއަލީ ދަހަރާދަ ގެދަރި އުމަރު ގަދަހަމާންދި ލިޔުނު ފަތުގެ ތާނަ ތަރުޖަމާއެއް.
4ވަނަ ލިޔުމަކީ: 1119ހ(1707މ)ގާ، ސުވާސްތިރީ މަތަމަހާސިރީ ކުލަ ސުންދުރަ ސިއާކަ ސާސްތުރަ އައުދަ ކީރިތި ކައްތިރި ބޮވަނަ މަހާރަދުން، އައްސުލްތާނު މުޒައްފަރު މުހައްމަދު އިމާދުއްދީނު(ރަދުންގެ ނަމެއް ނެތް...ތާރީހަށް ބަލާފަ)ގެ ރަސްކަމުގެ 4ވަނަ އަހަރު، ވިލުފުށި ހަސަން ކަލޯ ގެދަރި މުހައްމަދު ކަލޯ، އޭނާގެ މިލްކުގާވާ އެންމެހާ ރުއްގަސް، ދަނޑުފަގު، އަދި ވިލުފުށި މެދުރަށުވާ ކިޔާ ތަނާއި، ކަށުވަޅުބިން ކިޔާތާގާ ހުރި ހުރިހާ ރުކަކާއި، އެ އެންމެހާ ތަކެތިން ލިބޭ އެއްޗަކުން އޭނާޔަށާއި، އައްސުލްތާނު މުހައްމަދު އިމާދުއްދީނު ރަދުންނަށް، ފާތިހާ ކިޔެވުމުގެ މައްޗަށް ވަގުފްކޮށް، އެ ވަގުފް ފުއްދުމުގެ ހަވާލުވެރިކަން، އޭނާގެ ދަރިކޮޅަށް ލައްވާ، އެމީހުން އެކަން ގަބޫލުކޮށް، މިކަމުގެ މައްޗަށް ފަތެއް ލިޔެދެއްވުމަށް އެދުމުން، އެކަން ގަބޫލުކޮށް، ފަތް ލިޔުމުގެ އަމުރުނެރުއްވުމުން، އެރަދުންގެ ސިއްކަ ޖަހާ، ބަނޑޭރި އުމަރު ފަޑިއަތް ތަކުރު ކިއުމުން، ހަސަން ހަތީބު ލިޔެފާވާ ފަތުގެ ތާނަ ތަރުޖަމާއެއް.
(Size: 10.8" × 8.7")Al Ghaazee Hassan Thajuddin
Th.Vilufushi - Thubbeybe's Coconut Grove and Farmland - Deed for housing plot

1356ހ ރަބީލްއާހިރު 24(1937މ ޖުލައި 3)ގާ، އަލްގާޒީ ހުސެއިން ސަލާހުއްދީނު ފަނޑިޔާރު މަނިކުފާނުގެ ޝަރީޔަތު މަޖިލީހުގާ، ފަހާގެ އަލީ ކަލޭފާނުގެ ދަރި (ނަން އޮތްތަން ވީދިފަ)، އޭނަގެ ބައްޕަގެ މައްޗަށް ހަވާލުވެ އޮތް ވަގުފް ގޯތި ހެންވޭރު(ނަން އޮތްތަން އޮތީ ވީދިފަ)، ސަރުކާރުން، މަގުތައް ސީދާ ކުރި އިރު ވަނީ...(ވީދިފާވާ).. ކަމާއި، އެހެންވެ އެގޯތީގެ އިމާއި، މިން ބަޔާންކޮށް، ފަތެއް ދެއްވުމަށްއެދުމުން، އެގޯތީގެ ފަތް ގެންނަވާ ބެއްލެވިއިރު، އެފަތަކީ، އެގޯތި، ފައިނު އަހުމަދު ފަށަވާޅު ކަލޭފާނުގެ ދަރިކޮޅަށް ވަގުފް ހަވާލުވެފާވާ ގޯއްޗެއް ކަމާ، އަދި އެތާގެ އިމާއި، މިން ބަޔާންކޮށް، 1234ހ(1819މ)ގާ، އަލްގާޒީ އިބްރާހީމް ސިރާޖުއްދީނު އުއްތަމަ ފަނޑިޔާރުމަނިކުފާނު ލިޔެދެއްވާފާވާ ފަތެއް ކަމާ، އަދި، އެދަރިކޮޅުގެ އަލީ ކަލޭފާނު ނޫން އެހެން އެންމެން، -/333 ރުފިޔާއަށް، އެ އަލީ ކަލޭފާނުންނަށް އެގޯތި ހަވާލުކޮށްފާވާކަން، ޝަރީއަތު މަޖިލީހަށް ސާބިތުވާތީ، މަހްކަމަތުލް ދާހިލިއްޔާއިން ބެއިކަލުންނާއި ނައިބު ބޭކަލުން އަދި ދޭވާނީން(އިހުގައި ސަރިއަތް ކުރާތަންތާނގައި ޕިޔޯނެއްގެ ވަޒީފާ އަދާކުރާ މީހުން)ފޮނުއްވާ، ފަތުގާވާ މިން ހަމަކުރުމަށް ފަހު، އެގޯތި އެއީ ފަހާގެ އަލީ ކަލޭފާނުގެ ހަވާލު ގޯއްޗެއްކަމާ، އެތާގެ ވަގުފްވެރިން ތެރެއިން މީހަކު ވިޔަސް، އެގޯތި ނެގޭނީ އޭނާޔަށް، -/333 ރުފިޔާ އާއި، އެތާގާ ކޮށްފާހުރި އިމާރާތަކަށް އަގު ދީފަ ކަމުގާ، އެ ޝަރީޔަތު މަޖިލީހުން ނިޔާކުރެއްވުމުން، އެގޯތީގެ އިމާއި، މިން ހިމަނާ، އައްސައްޔިދު އިސްމާއީލް މަހައްލީ ގެދަރި .....(ނަން އޮތްތަން ވީދިފާ) ލިޔެ، ކުޑަ ނައިބު، ފަތްލިޔާ ނައިބު، ބޮޑު ނައިބު އަދި (ވީދިފާ ކިޔަންނޭނގެ) ސޮއިކޮށްފާވާ ފަތެއް.
(Size: 14.6" × 8.7")
K.Male' - H.Feevaku Goathi (Dhoalhan'buge) (Housing Plot) - Deed for housing plot