Mostrando 171 resultados

(ތާރީހެއް ނެތް)، އުމުރުން 9 އަހަރުގެ ޕްރިސިލާ އޭން ޒޮލާލް، ދިވެހިރާއްޖޭގެ ރަދުނަށް، އޭނާއަށް ދިވެހިރާއްޖެއިން ޕެންޕޭލެއް(ސިޓީ-ރައްޓެއްސެއް) ހޯދާދިނުމަށް އެދި، ފޮނުވާފާވާ ސިޓީއެއް. Letter sent by 9-year girl, Pricilla Anne Zolal, to Sultan of the Maldives, asking him to find her a Maldivian pen pal (Size: 8" X 6")
America - letter (Foriegn)

(ތާރީހެއް ނެތް)، އައްސުލްތާނު މުހައްމަދު ފަރީދު ދީދީ އަށް، އުމުރުން 14 އަހަރުގެ ކިޔަވާކުއްޖެއް ކަމުގާވާ، ޖޭކަބު ސޮމޭ، އޭނާގެ ސްޓޭންޕް ކަލެކްޝަނަށް ލުމަށްޓަކައި، ދިވެހިރާއްޖޭގެ ސްޓޭންޕްކޮޅެއް ފޮނުއްވާދެއްވުމަށް އެދި، ފޮނުވާފާވާ ސިޓީއެއް. Letter sent by Jacob Sømme, 14-year-old boy from Stavanger, Norway, to Sultan Mohamed Fareed Didi, requesting Maldivian stamps (Size: 11.6" X 8.1")
Norway - letter (Foriegn)

5.....(އަހަރު ލިޔެފާވަނީ މިހެން) ޑިސެންބަރު 17ގާ، ސްރީލަންކާގާ ހުންނަ ދިވެހި ސަފީރު(ނަމެއް ނެތް)، ކޮޅުނބުގާ ހުންނަ ކޮލޯނިއަލް ސެކެޓްރީއަށް(ނަމެއް ނެތް)؛ ޝްރީލަންކާގެ ކަސްޓަމުން، ރާއްޖޭގެ އޮޑިފަހަރު، 'ބޮއިކުލި'(ބަނދަރުގާ އޮންނައިރު ދައްކާ) ނުދައްކަނީސް، ފުރަން ހުއްދަދޭން އިންކާރުކުރާ ކަން، ރާއްޖޭގެ ސިލޯނު އެޖެންޓު، އަންގާފާވާ ކަމާ، އޭގެ ތޭރަވަރަކަށް އަހަރު ކުރިން، ޝްރީލަންކާގެ ސަރުކާރާ ވާހަކަދައްކައިގެން، އޮޑިފަހުރުތަކަކީ، ފަހި ވަޔެއް ނުޖެހެނީސް ނުފުރޭނެ އުޅަނދަށްވާތީވެ، އެކުލި ނުދައްކާގޮތަށް ހަމަޖަށްސާފާވާ ކަމާ، ކަސްޓަމާ ވާހަކަދައްކައިގެން، އޮޑިފަހަރަށް، އެކުލި ނުދައްކާ ފުރޭނޭގޮތް ހަމަޖަށްސާދިނުމަށް އެދި؛ ލިޔެފާވާ ސިޓީއެއްގެ ކޮޕީއެއް.
މިސިޓީގެ ވައަތު ތިރީ ކަނުގާ:
މި ސިޓީގެ މަހުފޫމުގެ ސުރުހީއަކާ، އަދި ވާހަކަދައްކައިގެން އެ ކުލި ނުދަށްކާގޮތަށް ހަމަޖެހުނުކަން، ތާނައިން ލިޔެފާވެއެ.
(Size: 9.8" x 7.9")
Sri Lanka - Maldivian Embassy - letter(Official)

(ތާރީހެއް ނެތް) 'ރަސްކަމަށް ކޮލިލާދުވަހަށް ދިދަނަގާނޭ ތަންތަނާއި ދިދަ ނަގާނޭ ބާވަތާއި ކުލަކުލ' މިހެން، ސުރުހީއަކަށް ޖަހާ، އެ ކުލަތަކާ ތަންތަން ބަޔާންކޮށް، ހިސާބުއަކުރުން ސިލްސިލާ ނަންބަރު ދީ، 5 ނުކުތާއަކަށް އެކުލަވާލާފާވާ ލިސްޓެއް.(Size: 10.1" x 8.5")
K - Male' - Royal Palace - Coronation Day(list)

(ތާރީހެއް ނެތް) 1905މ މޭ 1އިން 1905މ ޑިސެންބަރު 31އަށް(1323ހ ސަފަރު 26އިން 1323ހ ޒުލްގައިދު 4) ކޮންމެސް އޭޖެންޓެއްގެ(ވަކި ފަރާތެއް އިނގޭކަށް ނެތް) ޖުމްލަ އަދަދަކަށް، އެމީހުންގެ އެކައުންޓަށް 3849.08 ރުޕީޒް އަރާފާވާ، ހިސާބުކިތާބުގެ ހުލާސާ ކަރުދާހެއް.
(Size: 10.25" x 7.95")
Sri Lanka - Account

(ތާރީހެއް ނެތް) 'ދިވަހިރާއްޖޭ ރައްތަކުގެ ވެރި އައްސުލްތާނު މުހައްމަދު ޝަމްސުއްދީނު އިސްކަންދަރު މާތްރަދުންނަށް އެރަދުންގެ ދަރިކަލުން ކޮޅުބަށް ބޭސްކޮޅުކުރެއްވުމަށް ފޮނުއްވާން އުޅުއްވާ ދަތުރުފުޅާ ދޭތެރޭ އިބްރާހީމްދީދީގެ ދަރި އަބްދުލް މަޖީދު ފޮނުވި ސިޓީގެ ނަކަލު' މިހެން ލިޔެފާވާ، ސްޓޭންޕް ނުޖަހާ އޮތް، (N-49ގާ އެވާ ސިޓީ ލާފާވާ) އޮތް ސިޓީއުރައެއް.
(Size: 3.55" x 6")
Envelope

(ތާރީހެއް ނެތް) 'ދިވެހިރާއްޖޭ ރައްތަކުގެ ވެރި އައްސުލްތާނު މުހައްމަދު ޝަމްސުއްދީނު އިސްކަންދަރު މާތް ރަދުންނަށް އެރަދުންގެ ދަރިކަލުން ކޮޅުބަށް ބޭސްކޮޅުކުރެއްވުމަށް ފޮނުއްވަވާން އުޅުއްވާ ދަތުރުފުޅާ ދޭތެރޭ އިބްރާހީމް ދީދީގެ ދަރި އަބްދުލް މަޖީދު ފޮނުވިސިޓީގެ އިނގިރޭސި ނަކަލް' މިހެން ލިޔެފާވާ، ސްޓޭންޕް ނުޖަހާ އޮތް، ސިޓީއުރައެއް.
(Size: 9" x 3.95")
Envelope

(ތާރީހެއް ނެތް)މުހައްމަދު އަމީނު ދީދީ، ފުރަތަމ ރައީސް، ދިވެހިރާއްޖެ، ޖުމްހޫރިއްޔާއަކަށް ބަދަލުވުމުން، 'މެސާޒް އެސޫފަލީ ގުލާމު ހުސެއިން އެންޑް ސަންޒް މޯލްޑިވްޒް އެންޑް ކޮލޮންބޯ' އިން، އަށް ފޮނުވާފާވާ ތަހުނިޔާގެ ލިޔުމެއް. Congratulatory card written in English sent to President Muhammed Amin Didi (Size: 22" X 15")
K.Male' - Letter of felicitation

(ތާރީހެއް އިނގޭކަށް ނެތް)، 'އައްއްސުލްތާނު މުހައްމަދު އިމާދުއްދީނު'، މިނަން 11ވަނަ ފޮޅުވަތުގާ، އަދި 'އައްސުލްތާނު މުހައްމަދު'، މިނަން، ފަހަތުން 5ވަނަ ފޮޅުވަތުގާ، އަރިބިން،ލިޔެފާވާ، ދިވެސްއަކުރު ފަތެއް.
Dh.Hulhudheli - Endowment for Shrine (ziyaaraiy)(Size: 21.8" x 16.55")

(ތާރީހެއްނެތް) އައްސުލްތާނު ހަސަން ނޫރައްދީނު، ކައްތިރި ބަވަނަ މަހާރަދުންގެ ދަރުބާރުގާ، އަރިއަތޮޅު ދަނގެތި ރައްޔިތުން، އެރަށުގާ ބޮޑުކަނބާފާނު ބިނާކުރެއްވި ދަނާރު(މިސްކިތް)އަށް، އައްސުލްތާނު އިބްރާހީމް އިސްކަންދަރު ނަވަލޯކަ މަހާ ރަދުން ދެއްވި ފަތްކޮޅު ވަނީ އުވިފާކަމުގާ ބުނެ، އެ މިސްކިތް ބެލޭނޭ ފަދަ ގޮތެއް ހައްދަވާދެއްވުމަށް އެދުމުން، އެމިސްކިތަށް ބޮޑުކަނބާފާނުންވެސް ލެއްވި ވަގުފްކަމުގާވާ، ރަށު ގޮއިރުކާ...(މިފޮޅުވަތުގާ މެދުބައި އޮތީ ހުހަށް... ލިޔެފާވާ އެއްޗެއް ތަރުޖަމާނަށް ނޭގިފަކަމުގާ ދެކެން).. އަދި ރުއްއަރައިފި ދުވަހަކުވެއްޖެއްޔާ، ރާ އަޑުބައެއް، ބީރަށްޓެއްސަކު ރުއް އެރިއްޔާ ރާ ކުޅަ(ކުޅައި..ރުނބާއެއް)ލެއް، އެރަށު މީހަކު އެހެން ރަށެއްގެ ރުއްއަރައިފިއްޔާ ބޮލި ކޮއްޓޭއެއް ދޭންޖެހޭނެ ކަމާ، އެރަށާ ޖެހިގެން އޮތް ކުޑަފުށި ކިޔާ ރަށް ލަށްވާ، އެރަށުގެ ކަތީބު އަލީ އާއި އޭނާގެ ދަރިކޮޅު މަތިކޮށް، އަދި ކަނބާފާނުގެ ދަރިކަލަކު ނުވަތ ދަރިކަނބަލަކު ވިޔަސް، އެ ވަގުފްއާ ދެކޮޅުހަދައިގެން ނުވާނެ ކަމުގެ އަމުރުނެރުއްވުމުން، އަހުމަދު ހަނދޭގިރި ކިޔުމުން، ފަތްލިޔާ ހަސަން ދިވެސްއަކުރުން ލިޔެ، އެރަދުންގެ ސިއްކަ ޖަހާފާވާ، ދިވެސްއަކުރު ފަތުގެ، 1340ހ ޝައުބާން 25(1922މ އޭޕްރިލް 23)ގާ ކޮށްފާވާ ތާނަ ތަރުޖަމާއެއް.
A.Dh.Dhan'gethi - Mosque - Endowment for Shrine (ziyaaraiy)
(Size: 12.2" x 16.2")