1175ހ ރަބީލްއައްވަލް(1761 އޮކްޓޯބަރު)ގާ، އައްސުލްތާނު އަލްގާޒީ ހަސަން އިއްޒުއްދީނު(ދޮންބަންޑާރައިން)ގެ ދަރުބާރުގާ، އައްޑުއަތޮޅު ހުޅުދޫ، ފުރަބަންޑާރަ ރާވެރިން، އެރަށުގެ މިސްކިތަށް ބޯގައެއް ލަށްވާދެއްވުމަށް އެދުމުން، ހުވަދޫއަތޮޅު 'ބުރެހިގިއްޓެ'؟ ކިޔާ ރަށް އެ މިސްކިތު ބޯގައަށް ލަށްވާ، އަދި އެމިސްކިތުގެ މުދިމަކަށް، ކޮންމެ ކެއުޅުކަމަކުން މަސްބައެއް އޮންނަންވާނެ ކަމާއި، އެމުދިމަކަށް ވާރު އިސްތިސްނާ ވާނެކަމާ، އެ ބޯގައިގެ ހަވާލުވެރިންނަކީ، އެރަށު ފުރަބަންޑާރަވެރިން ކަމުގާ، އަމުރުނެރުއްވުމުން، އެރަދުންގެ ސިއްކަ ޖަހާ، އުމަރު ހަނދޭގިރި ކިއުމުން، ހުސެއިން ފަޑިއަތް ލިއެފާވާ، ދިވެސްއަކުރު ފަތުގެ 1381ހ ޒުލްގައިދު 6(1962މ މާޗް 11)ގާ، ފޮރި ހަސަން ދީދީ ކޮށްފާވާ ތާނަ ތަރުޖަމާ. Size: 10" X 8"
S.Hulhudhoo - Hulhudhoo Miskiiy (Mosque) - Endowment for Shrine (ziyaaraiy)

1208ހ ޖުމާދިލްއާހިރު 17(1760މ ޖުލައި 7)ގާ، އައްސުލްތާނު ހަސަން އިއްޒުއްދީނު ގެދަރި އައްސުލްތާނު ހަސަން ނޫރައްދީނު ދަރުބާރަށް؛ މާންދޫ ބޮޑު ބަނޑޭރިތަކުރުފާނު ގެދަރި ކުޑަބަނޑޭރި ތަކުރުފާނުގެ ދަރި މަރިޔަމް މަނިކެގެ ދަރި އަލިމަނިކު ހާޒިރުވެ ހުރެ؛ އޭނާޔަށް ވާރުތަވެ މިލްކުވެފާވާ، ރައްދެބައިމަގުގެ ފަކުސަމަ(ހުޅަނގު) ފަރާތުގާ އޮތް މާންދޫ ގޯއްޗާއި އެ ގޯއްޗާ އިންވެ 'ނޮރިންމަކަނު'(ދެކުނުހުޅަނގު)ކަނުގާ އޮތް، ފަށަވާޅު ކޮށްޓާ، މިދެގޯތި ވަށާ އޮންނަ 119ބަމަ ހިންނަ ބިމާއި ތަކެއްޗާ، އެގޯތީގެ އުތުރުން އިންވެގެން، ބިހުރޯޒު މިސްކިތުގެ ދެކުނުން އޮތް 54ބަމަ ހިންނަ ބިމާއި، މިބިމުގެ މައްޗަށް އޮތްހާ ތަކެއްޗާއި، މާންދޫގޯތި (ދަކުސަނަ)ދެކުނުން އޮތް ކޮލިހިނގާ މަގާ އިންވެގެން، ވަށާ 48ބަމަ އޮތް ހިންނަބިމާއި، މިތަނަށް އޮތްހާ ތަކެއްޗާއި، އެ ގޯއްޗާ އިންވެ ހުޅަނގު އޮތް ކަދުކޮށްޓާއި ޖެހިގެން އިންވެ ފޫރުއްބަ(އިރުމަތިން)އިގާ އޮތް ބަންޑާރަ ބިމާއި އިންވެގެން އިރުމަތިން އޮތް، ބަންޑާރަ ބިމާއި، ދޮށުންގެ ބިމާއި މިދެބިމާއި އިންވެ، އުތުރަށް އޮތް ކަލާފާނު މިސްކިތު ބިމާއި، ފާމުލަދޭރި ކިލެގެފާނު މިސްކިތު ބިމާއި، މިދެބިމާއި އިންވެ ދެމެދުގާ އޮތް، ފަށަވާޅުކޮށިން ބޮޑު ބަންޑާރައިންގެ ބިމަށް 61ބަމަ ލައި، ވަށަމިނުގާ 193ބަމަ ހުރި މާންދޫގޭ ބިމާއި، އެބިމުގާވާހާ ތަކެއްޗާއި، އަލީމަނުކުގެ މިލްކުން ކަނޑާ، އައްސުލްތާނު ހަސަން ނޫރައްދީނަށާއި، އެރަދުންގެ މައިކަމަނާ އައިމިނާ މަނިކުފާނަށާއި، ބައްޕަ އައްސުލްތާނު އަލްގާޒީ ހަސަން އިއްޒުއްދީނަށާއި މިތިން ބަފައިންނަށް، ވަގުފްކޮށް، ހަވާލުވެރިކަން އެ ރަދުންގެ ދަރިފަސްކޮޅަށް ލަށްވާ، ފަތެއްލިޔުމަށް އަމުރުކުރެއްވުމުން، ވިދާޅުވެ އަމުރުކުރެއްވުމުން، އެރަދުންގެ ސިއްކަ ޖަހާ، އަލްހާޒިން އަލްކަބީރު މުހައްމަދު ހަނދޭގިރި ކިޔުމުން، ފުރަމާލޭ ހުސެއިން ލިޔެފާވާ ފަތެއް. (މިއީ F0-85 ފަތުގެ ފުރަތަމަ 4/3ގާވާ ލިޔުން އޮތް، ވަކިފަތެއް.) Size; 25.4" x 11.3"
K.Male' - Maandhoo Goathi (Housing Plot) -Deed for housing plot

1179ހ ރަބީލްއާހިރު(1765މ އޮކްޓޯބަރު)ގާ؛ އައްސުލްތާނު އަލްގާޒީ ހަސަން އިއްޒުއްދީނު(ފަތުގާ ރަސްގެފާނުގެ ނަން ކިޔަން ނޭނގޭ ވަރަށް ވީދިފާ.. ތާރީހަށް ބަލާފާ)ގެ ދަރުބާރުގާ، މިލަދުންމަޑުލު(ނ.) މިލަދޫ މީހުން، އެރަށުގާ ހުރި ދެ މިސްކިތުގެ ހަވާލުވެރިންގެ ކަންތަކުގާ އަރާރުންވެ، މިސްކިތް ނުބެލެހެއްޓި، އެކަމަށް ހައްލެއް ހޯދާދެއްވުމަށް އެދުމުން، އެރަދުންގެ ފަހޮޅިން{އަސްކަރުންގެ ފަސްއޮޅި - ދޮށިމޭނާގެ، ހަކުރާގެ، މާފަތްގެ، ވެލާނާގެ، ދަހަރާގެ) އަށް ކަމުގާވާ، އަލްވަޒީރު އަލީ ދޮށިމޭނާ މަނިކުފާނު، އަލްވަޒީރު އުމަރު މާފަތްކަލޭފާނު، އަލްވަޒީރު އަލީ ހަކުރާ ތަކުރުފާނު، ވެލަވަޅުނާ(ވެލާނާ) އަލްވަޒީރު އިބްރާހީމް ދަހަރާ ތަކުރުފާނާއި، ޝަރީޔަތް ކުރާ މީހުންނާއި، މިކަމާ ބެހޭ އެހެން މީސްމީހުންނައި، އެދައުވާއާ ބެހޭ މީހުން، ދަރުބާރަށް ހާޒިރުކޮށް، އެމީސްމީހުންގެ އަތުގާ ހުރި ފަތްތައް ބަށްލަވާ، އެފަތްތަކުގާ އޮތް، އެމިސްކިތުގެ ބެހެނިވެރިން، ހޯދާނެތުމުން، އެ ދެ މިސްކިތް ބަންޑާރައަށް ނެންގެވުމުން، އެތާތިބި މުސްކުޅި ކަލުން، އެމީހުން އަތުގާ ފަތެއް އޮތްކަމަށް ބުނެ، އެފަތް ގެނެސް ކިއާ، އެރަށަކީ ފަހޮޅި ރަށެއް ކަމަށް ސާބިތުވުމުން، ކުރީގާ އޮތް އާދައިގެ މަތިން، އެރަށް ފަހޮޅިންނަށް ދެއްވައިފި ކަމާއި، އެރަށުގެ ދެ މިސްކިތް ބެލެހެއްޓުމަށް، އިނގުރައިދޫ ވަރުވާއަށް ލަށްވާ، ވަރުވާއަކީ 20 ކޮއްޓޭ ކަމާ، އެތަނުން 5 ކޮށްޓޭ ބޮލި އެދެމިސްކިތް ބެލެހެއްޓުމަށްޓަކާ މިލަދޫ މީހުންނަށް ދޭންވާނެ ކަމާ، ދެން އޮތް 15 ކޮއްޓޭ އެއީ، ފަހޮޅިންނަށް، ކޮންމެ އޮޅިއަކަށް 3 ކޮއްޓޭ ކަމާ، ކޮންމެ އަހަރައްގެ، ކެއިން މިލަދޫ މީހުންނާއި ހަވާލުކުރަން ވާނެ ކަމާ، އިނގުރައިދޫ ގޮއިފާލަށްބަވެސް އެ ދެ މިސްކިތަށް ލަށްވާ، އަދި މިލަދޫ މީހުން މިކަމާ އަރާރުންވެ އެއްޗެއް ހިފާ ފޭރިއްޖެނަމަ، ފަސްހޮޅިންގެ ސިޔާސަތުގެ ދަށުން އެކަން ނިންމާނެކަމާއި، އެ ދެ މިސްކިތް، ބެލެހެއްޓުމަށް، ހަތީބު ތަކުރު(ކަތީބު) އިސްކޮށް، މިކަންކަމުގެ އަމުރުނެރުއްވުމުން؛ ފަހޮޅިން ލިޔެފާވާ ފަތެއް. Royal decree stating the distribution of assets to Miladhoo Miskiyy to settle a dispute between the people of the two islands (Size: 16.3" X 10.5")
N.Miladhoo - 2 Mosques of Miladhoo - Order

މި ކރުދާހުގާ 4 ފަތް ވެއެ، އެއީ.

1. 1174ހ(1761މ)ގައި، އައްސުލްތާނު ހަސަން އިއްޒުއްދީނު(ދޮންބަނޑާރައިން)، ރާއްޖެ ކާފަރުންއަތުން(މަލަބާރީން) ސަލާމަތްވެއްޖެއްޔާ، ކޮންމެ އަހަރަކު މަދީނާ ޒިޔާރަތަށް 300ރިޔާލަ ދެއްވާށާއި، ހުރާގާ މިސްކިތެއް އަޅުއްވާ އަދި ކޮންމެ އަހަރަކު ހުރާގާ ވަގުފް މާލޫދެއް ކިޔުއްވަން، މާލޭ މެދުމިސްކިތުގާ ހުންނަވާ ނަދުރެއް ވިދާޅުވިކަމާއި، އެރޭ ކާފަރުން އަތުން ރާއްޖަ ސަލާމަތް ވީކަމަށް ބުނެ ލިޔެފާވާ ލޯފަތުގެ ނަކަލެއް.
2. 1174ހ ރަޖަބް 11(1761މ ފެބްރުވަރީ 17)ގައި، އައްސުލްތާނު ހަސަން އިއްޒުއްދީނު އިސްކަންދަރު(ދޮންބަނޑާރައިން) ވިދާޅުވި ނަދުރު ފުއްދެވުމަށް، ހުރާގާ މިސްކިތެއް އަޅުއްވާ، މިސްކިތަށް ބޯގައެއްލަށްވާ، އެމިސްކިތް އެރަށު ރައްޔިތުންނަށް ހަވާލުކުރެއްވިކަމުގާ ބަޔާންކޮށްފާވާ ލޯފަތުގެ ނަކަލެއް.
3. 1174ހ ރަޖަބް 11(1761މ ފެބްރުވަރީ 17)ގާ، އައްސުލްތާނު ހަސަން އިއްޒުއްދީނު އިސްކަންދަރު(ދޮންބަނޑާރައިން)، އެރަދުން ހުރާގާ އެޅުއްވި މިސްކިތުގ ބޯގަޔަށް، ހުރާގެ އެއްކޮޅުގާ އޮތް ފިނޮޅާއި(ކުޑަހުރާ)، ވަށްބޯހުރާ، ކަނުއޮތްހުރާ އަދި ހުރާގެ ފާލަށްބަ، އެ މިސްކިތަށް ލަށްވާ، އެ ބޯގަ ވަގުފްކުރަށްވާ، އެކަމުގެ ހަވާލުވެރިކަން ހުރާގެ ރައްޔިތުންނަށް ލަށްވާފިކަމުގާ ލިޔެފާވާ ލޯފަތުގެ ނަކަލެއް. (އަނެއްސަފްހާގާވެސް)
   މަތީގާވާ 3ފަތަކީ، ހުރާ މިސްކިތުން، 1335ހ ޒުލްހައްޖު 9(1915މ އޮކްޓޯބަރު 18)ގާ ފެނުނު ލޯ ތިން ފަތުގެ ނަކަލު ކަމުގާ، ޝުރުހީކުރެވިފާވެއެ.
   އަދި މިކަރުދާހުގެ ތިރީގާ، ހުރާމިސްކިތް ރޫޅިއިރު ބެރިއެއްގެ ދަށުން ފެނުނު ލޯ ފަތެއް ކަމުގާ ޝުރުހީކޮށް:
4. 1174ހ ރަޖަބް(1761މ ފެބްރުވަރީ)ގާ، އައްސުލްތާނު ހަސަން އިއްޒުއްދީނު އިސްކަންދަރު(ދޮންބަނޑާރައިން)، ހުރާގާ މިސްކިތެއް އެޅުއްވި ކަމާއި، އޭނާގެ ރަށު(ހުރާ)ގާ، 'ވާރުކޮޑި'(ވާރު ނުދެއްކުން ކަމުގާ ބެލެވޭ) ހުންނަންޖެހޭނެ ކަމާއި، އަދި ސަރުކާރުން މީހަކު އެރަށަށް އަރައިގެން ނުވާނެ ކަމާއި، އެމިސްކިތް ބެލެހެއްޓުމަށް، ކޮންމެ މަހަކު، އެރަށުން ދެމީހުން ތިބެންޖެހޭނެ ކަމުގާ އަންގަވާފާވާ ލޯފަތުގެ ނަކެލެއް
   Size: 11.6" X 8.2"
   K.Huraa - Loamaafaanu)

1173ހ ޒުލްހައްޖު(1760މ ޖުލައި)ގާ، އައްސުލްތާނު އަލްގާޒީ ހަސަން އިއްޒުއްދީނު ރަސްކަމުގެ 2ވަނަ އަހަރު، އެރަދުންގެ ދަރުބާރުގާ ނިލަންދެ އަތޮޅު ހުޅުދެލީ މީހުން، އެމީހުން އަންޒަމާނުއްސުރެ ކުޑަހުވަދޫ ފަރުހިލަމުން އަންނަނިކޮށް، އެކަން މަނާކޮށްފި ކަމުގާ ދައުވާކުރުމުން، އެކަން ބަށްލަވާ، ޝަރީޔަތް ކުރަށްވާ، އިހު ފަތުގާ ހުރި މަގަށް؛ ހުޅުދެލީ މިސްކިތުގެ ބޯގަޔަށް، ހުޅުދެލި ލަށްވާ، އެބޯގަޔަށް ވީއެއްޗެހި ނޫން، އެރަށުގެ ހުރިހާ ތަކެއްޗަކީ އެރަށުމީހުންނަށްވާ ތަކެއްޗެއް ކަމާއި، އެއަތޮޅު މާދެލީ ފަޅަކީވެސް އެމިސްކިތަށް އޮތް އެއްޗެއްކަމާއި، އެއަތޮޅު ދެރަންގަލި(ރަންގަލި ފިނޮޅު)އާއި، އަދި އެފިނޮޅުގެ، ހުޅުދެއްޔާ ވީކޮޅަށް އޮތް ފަޅު، ހުޅުދެއްޔާ ހަމަޔަށް، ހުޅުދެލި މިސްކިތަށާއި، ހުޅުދެލި މީހުންނަށް އޮތްކަމަށާއި، އަދި އެފަޅުން ކުޑަހުވަދޫ މީހުންނަށް އެއްވެސްކަމެއް ނުކެރެވޭނެ ކަމާއި، އަދި ރަހުރާ(ބަންޑާރަޔަށް އޮންނަ ރުކުރާ)ވެސް އެމިސްކިތައް ހުންނަންވާނެ ކަމާއި، އަދި އެރަށުގާ މިލްކެއް ނެތް މީހަކަށް އެރަށުގާ ރުކެއް ނުއިންދޭނެކަމާއި، އެރަށުމީހުން ދިރުއުޅެން އެހެން ރަށަކަށް ނުދިއުމަށާއި، އަދި އެރަށު މީހުން ކުރާ ކެއުޅުކަމާއި، އަތްކަމެއް މަނާ ނުކުރެވޭނެ ކަމާއި، އެރަށުން ރުކެއް ކެނޑޭނީ، ރުކަށްވާވަރަށް ރިހި ދީފާކަމަށާއި، އަދި ދެއްވަދޫ ރަސްގެފާނު ދެއްވާފާވާ ފަތުގާ ވާގޮތުގެ މަތިން، އެރަށުން ރުއް ނުކަނޑާ، މާދެލިން މިފަދަ.... ފަތުގެ އަނެއްބައެއް ނެތް Size: 12.1" x 7.2"
Dh.Hulhudheli - Hulhudheli Miskiiy (Mosque) - Endowment (Island), Endowment for Shrine (ziyaaraiy)