1959މ ފެބްރުވަރީ 21(1378ހ ޝައުބާން 13)ގާ، ދިވެހިރާއްޖޭގެ ރަދުންނަށް، ރޮބާރޓް ޖޯން ކިޔާ މީހަކު، އިނގިރޭސި ވިލާތުގެ 'ހައުސް އޮފް ކޮމަންޒް'ގާ ޖަނަވަރީ 20ގާ ޖާމަނީއާ ބެހޭ ބަހުސެއްގާ 'މރ. މެކްމިލަން' ހުށައެޅި ވާހަކަޔަށް ތާއީދުކުރާ ވާހަކަޔާ، އެކަމަކު ރާއްޖެޔާ އަދި މޯލްޓާޔާ ޖެހުނީމާ އެމީހުން އެ މިންގަނޑު ނުބާއްވާ ކަމާ، ކުރީގާ އޭނާޔަކީ، 'ކޮންޒަވޭޓިވް ޕާޓީ" އިންތިހާބުވެފާވާ ދާއިރީ 'ޗެއާމަން'އެއް ކަމާ، 1957ގާ އިނގިރޭސިވިލާތާ އަދި އެ ޕާޓީ ދޫކޮށްފާ ދިޔައީ 'ސައިޕްރަސް އަދި ސުވޭޒްކެނެލް' އާއި ބެހޭ ސިޔާސަތާ ހެދިކަމާ، އޭގެ ކުރީ އޭނާ އުޅުނީ 'ލޭބާ ޕާޓީ'ގާ ކަމާ، އެ ޕާޓީން ވަކިވީ، 'ޕޮޓްސްޑޭމް-ޔޯލްޓާ' މުއާހަދާޔަށް އެ ޕާޓީ ތާއީދުކުރާތީއާ، އޭނާޔަކީ މިހާރު އެއްވެސް ޕާޓީއެއްގާ ނޫޅެ، މިނިވަންކަން ހޯދުމުގެ އެކްޓިވިސްޓެއްކަމާ، އަންނަ މަހު، އޭނާ ރަހުމަތްތެރި، އިނގިރޭސި ޕާލިމެންޓްގެ މެންބަރެއް ނިއުޔޯކަށް އަންނާތީ، ދިވެހި ރައްޔިތުންގެ ހައްގުތަކާ، މިނިވަންކަމާ ބެހޭ އެއްވެސްކަމެއް އޮތިއްޔާ އޭނާޔަށް އަންގާދެއްވުމުން، އޭނާޔަށް ކޮށްދެވެން އޮތް ކަމެއް ކޮށްދޭނެ ކަމުގަޔާ، އޭނާ އެއީ ހިލޭސާބަސްތެރިއެއްކަމުގާ ދެކިވަޑައިތުމަށް އެދި، ފޮނުވާފާވާ ސިޓީއެއް. Letter sent by Robert Johns on February 21, 1959, regarding political decisions and opinions (Size: 11" X 8.5")
America - letter (Foriegn)

1957މ ނޮވެންބަރު 7(1377ހ ރަބީލްއާހިރު 13)ގާ، އައްސުލްތާނު މުހައްމަދު ފަރީދު ދީދި އަށް، ޕޯލް އެލް.ނެލަންސް ކިޔާ މީހަކު، ބައިނިލްއަގްވާމީ ސުލްހައާ އަދި ރައްކާތެރިކަމާ، އިގްތިސާދީ އަދި އިޖްތިމާއި ކަންކަމުގާ، އ.ދ ގެންގުޅޭ ސިޔާސަތުތަކާ މެދު ރާއްޖޭގެ ނަޒަރަކީ ކޮބައިތޯ އަހާ، އަދި ރާއްޖޭގެ މައްސަލަތަކާ، ސިއްހަތާ ބެހޭ ކަންކަމާ، ރާއްޖެ ހޯދާފާވާ ކާމިޔާބީ ގެ މައުލޫމާތަށް އެދި، އަދި ރާއްޖޭގާ އުފައްދާ އެއްޗެތި، ބޭރުގައުމުތަކަށް ދޭ ދައުވަތު އަދި ހަދިޔާ ކަހަލަ އެއްޗެހީގެ ސާންޕަލް ލިބޭތޯ އަހާ، އަދިވެސް އެހެނިން މައުލޫމާތަށް އެދި ފޮނުވާފާވާ ސިޓީއެއް. Letter sent by Paul L Nellons on November 7, 1957, inquiring about the sultan's opinion on the United Nations, and the secret of rapid ecnomic growth of Maldivian economy; he also requests samples of products from the Maldives (Size: 11.95" X 8.45")
America - letter (Foriegn)

1955މ ޑިސެންބަރު 7(1375ހ ރަބީލްއާހިރު 22)ގާ، ފޮނުވާފާވާ 3ޕެންސްގެ "ކޮމަންވެލްތް ރިޕްލައި ކޫޕަން"(މިއީ ސްޓޭންޕްގެ ބަދަލުގާ ބޭނުންކުރެވޭ ކޫޕަންއެއް)އެއް. Common Wealth Reply Coupon that can be used instead of stamps (Size; 3" X 4.2")
United Kingdom - Coupon (foriegn)

1373ހ ސަފަރު 15(1953 އޮކްޓޯބަރު 23)ގާ، ވުޒާރަތުލް ދާހިލިއްޔާ އިން؛ 1370ހ ޒުލްގައިދު 28(1951މ އޯގަސްޓް 31)ގާ ކަނޑައެޅުއްވި، ސަރުކާރުގެ ވަގުފްގޯތީގެ އާ ގަވައިދުގެދަށުން، ރިނބޫދޫ މޫސާ ހަތީބް ކަލޭގެ ދަރި ދޮންއަލީ ކަލޭގެ ވަގުފްކުރި މައްޗަންގޯޅި ކުންނާރު ގޯތީގެ ވަގުފް، ތ.އެލާއިން ނަގާ، ލާޖައްސާފާ، އެގޯތީގެ ހަވާލުވެރިކަން، 1218ހ ޒުލްގައިދު 12(1804މ ފެބްރުވަރީ 24)ގާ އަލްގާޒި މޫސާ މުހިޔިއްދީނު އުއްތަމަ ފަނޑިޔާރު މަނިކުފާނު ލިޔެދެއްވާފައިވާ ފަތުގާ އޮތްގޮތަށް، ރިނބުދޫ ދޮން އަލީ އަށާއި، އޭނާގެ އަނބިންނަށާއި، ހުރިހާދަރިންނާއި، ދަރިކޮޅަށް ލަށްވާ؛ ލިޔެދެއްވާފާވާ ފަތުގެ ނަކަލެއް. Size: 8.8" X 6.7"
K.Male' - Ma.Kunnaaru Goathi (Housing Plot) - Deed for housing plot

1373ހ ސަފަރު 15(1953މ އޮކްޓޯބަރު 23)ގާ، ވުޒާރަތުލް ދާހިލިއްޔާއިން؛ 1370ހ ޒުލްގައިދު 28(1951މ އޯގަސްޓް 31)ގާ، ކަނޑައެޅުއްވި، ސަރުކާރުގެ ވަގުފްގޯތީގެ އާ ގަވައިދުގެ ދަށުން، ބޮޑުގަލުގޭ އިބްރާހީމް މަނިކު ވަގުފްކުރި މައްޗަންގޯޅި ރޯށަނީގޯތީގެ ވަގުފް، ތ.އެލާއިން ނަގާ ލާޖައްސާފާ، އެގޯތީގެ ހަވާލުވެރިކަން، 1215ހ ޝައްވާލް(1801މ މާޗް)ގާ، އަލްގާޒި މޫސާ މުހިޔިއްދީނު އުއްތަމަ ފަނޑިޔާރު މަނިކުފާނު ލިޔެދެއްވާފާވާ ފަތުގާވާ ގޮތަށް، އެގޯތީގެ ހަވާލުވެރިކަން، ބޮޑުގަލުގެ އިބްރާހީމް މަނިކުފާނުގެ ދަރި މޫސާ މަނިކު އާއި އާމިނާ މަނިކެ އާއި މިދެބޭންނާއި އެއްބަނޑު ހަސަން ތަކުރު އާއި މި 3 ބެއިންނަށާއި އެމީހުންގެ ދަރިކޮޅަށް ލަށްވާ؛ ލިޔެދެއްވާފާވާ ފަތުގެ ނަކަލެއް. Size: 8.8" X 6.7"
K.Male' - Ma.(4th Housing Plot) Roashanee Goalhi (street) - Deed for housing plot

1371ހ ޒުލްގައިދު 3(1952މ ޖުލައި 25)ގާ، ވުޒާރަތުލް ދާހިލިއްޔާ އިން؛ 1370ހ ޒުލްގައިދު 28(1951މ އޯގަސްޓް 31)ގާ ކަނޑައެޅުނު، ސަރުކާރުގެ އާ ގަވައިދުގެ ދަށުން، ގަލޮޅު ޖަހާހަގުބިމުގައި އޮތް އާއިޝަތު އަޅާގެ ގަތްގޯތި ކިޔާ ގޯތި("ޑޭޒީފެހި" ގޯތި)، 1208ހ(1794މ)ގާ އައްސުލްތާނު ހަސަން ނޫރައްދީނު ވަގުފް ފަތް(F0-42) ލިޔެދެއްވާފާވާ ގޯތީގެ ބޮޑުމިނަށް، ތ.އެލާއިން ނަގާ، ލާޖައްސާ، އެތާގެ ވަރުވާއިން، އެ އިހުފަތުގާވާ ގޮތަށް ވަގުފް ފުއްދުމަށް މަހްކަމަތުލް އައުގާފާ ހަވާލުކުރިކަމަށް، ވުޒާރަތުލް ދާހިލިއްޔާ އިން ލިޔެފާވާ ފަތުގެ ނަކަލެއް. Size: 8.8" X 6.7"
K.Male' - G.Daisyfehige (Housing Plot) - Deed for housing plot

1375ހ ޝައުބާން 1(1956މ މާޗް 14)ގާ، 1370ހ ޒުލްގައިދު 28(1951މ އޯގަސްޓް 31)ގާ ކަނޑައެޅުއްވި، ސަރުކާރުގެ ވަގުފްގޯތީގެ އާ ގަވައިދުގެދަށުން، 1297ހ(1880މ)ގާ، ދަހަރާ އަލިމަނިކުފާނު ވަގުފްކޮށް، އަލްގާޒީ އިސްމާއީލް ބަހާއުއްދީނު ފަތް ލިޔެދެއްވާފާވާ، އަދި 1339ހ ޒުލްގައިދު 29(1921މ އޯގަސްޓް 4)ގާ، އެގޯތީގެ 2/1ގެ މިލްކުވެރިކަން، މި އަލިމަނިކުފާނުގެ އަހުމަދުދީދީގެ މުހައްމަދު ސައްލިދީދީއަށް ހަވާލުވެ، އަދި 1369ހ ޒުލްހައްޖު 1(1950މ ސެޕްޓެންބަރު 14)ގާ އަނެއް ބައި، އެ އަލިމަނިކުގެ މުހައްމަދު ދީދީ ގެދަރި ހުސެއިން ބަނޑުދީދީއަށް، ހަވާލުވެ، އަދި އެތަނުގެ ހަވާލުވެރިކަން އެ ދެމީހުންގެ ދަރިކޮޅަށް ލަށްވާ، ފަތްލިޔެފާވާ ގޯތި، މއ.އަލަނާސިގެ، ތ.އެލާއިން ނަގާ ލާޖައްސާ، އެތަނުން ލިބޭ ވަރުވާއިން، އެވަގުފް ފުއްދުމަށް ސަރުކާރުން ހަވާލުވީކަމުގާ ލިޔެފާވާ ފަތުގެ ނަކަލެއް. Size: 10" X 7.4"
K.Male' - Ma.Alanaasige (Housing Plot) - Deed for housing plot

1369ހ ޝައްވާލް 6(1950މ ޖުލައި 22)ގާ، މަހްކަމަތުލް ޝަރިއްޔާގެ، އަލްގާޒީ އަބްދުލް ޖަލާލުއްދީނު އުއްތަމަ ފަނޑިޔާރުގެ ޝަރީއަތު މަޖިލީހުން، ހެންވޭރު ކަޅުހުރާގޭ އިރުން އޮތް މަގާ އިންވެ އިރުން އޮތް މެދުރީމުސްކުޅިގޭ އުތުރުން އޮތް ވަގުފް ގޯއްޗާއި އެތާގާވާ ގެ، ގަލޮޅު ހުސްނުހީނާމަގާ އިންވެގެން އިރުން، އަންނާރުގެއާއި އިންވެގެން، އުތުރުން އޮތް، ހެންވޭރުގާ ވާގޯތީގެ ވަގުފްވެރީން ކުރެ ކެރަފާ މުހައްމަދު ކަލޭފާނު މިލްކުގާވާ، ގ.ހިކިފިނިފެންމާގެ(މިހާރުގެ އެންޓާރިސް) ގޯއްޗާއި، ލާޖައްސައި ދިނުމަށް، އެދުމުން؛ މިދެގޯތި އަގުކޮށް ދެގޯތީގެ އަގުން އިތުރުވީބައި، މިވަގްފު ގޯތީގެ މައްޗަށް މުހައްމަދު ކަލޭފާނުން ދޫކޮށްލުމުން، މި ހިކިފިނިފެންމާގެ ކިޔާ ގޯއްޗާ އެތާގާވާގެ، މީނާގެ މިލްކެއް ކަމަށް ނިޔާކުރަށްވާ، އެގޯތި ވަގުފްފަތުގެ (F3-17) އަސްލުފަތުގެ އަނެއްފުށުގާ، އެ ޝަރީއަތު މަޖިލީހުން، ޖަލާލުއްދީނު ސޮއިކުރައްވާ، ލިޔެފާވާ ލިޔުމުގެ ނަކަލެއް. F3-17B)) (Size: 8.8" X 6.7") Chief Justices - Al Ghaazee Abdul Jalaluddin
K.Male' -G.Hikifinifenmaage/G.Antaaris (Housing Plot) - Deed for housing plot

1369ހ ޝައްވާލް 6(1950މ ޖުލައި 22)ގާ، މަހްކަމަތުލް ޝަރިއްޔާއިން، ހެންވޭރު އަބަދަށްހިނގާ މަގުގެ އިރުން، މެދުރީމުސްކުޅިގެޔާ އިންވެގެން އުތުރުން އޮންނަ ތުލުސްދޫ މުހައްމަދު ގެދަރި ޔޫސުފްފުޅު ވަގުފްކޮށްފާވާ މަސްއޮޑިގެޔޭ ކިޔާ ގޯތި(މިހާރުގެ ހިކިފިނިފެންމާގެ)، އެތާގެ ވަގުފްވެރީން ކުރެ ކެރަފާ މުހައްމަދު ކަލޭފާނު މިލްކުގާ އޮތް ގ.ހިކިފިނިފެންމާގެ(މިހާރުގެ އެންޓާރިސް)އާއި ލާޖައްސައި ދިނުމަށް އެދުމުން، މިދެގޯތި އަގުކޮށް ދެގޯތީގެ އަގުން އިތުރުވީ ބައި، މަސްއޮޑިގޭގެ ވަގުފްމައްޗަށް ދޫކޮށްލާ، މިމަސްއޮޑިގެ ކިޔާ ގޯއްޗާ(މިހާރުގެ ހިކިފިނިފެންމާގެ) އެތާގާވާ ގެ، މީނާގެ މިލްކެއް ކަމަށް ނިޔާކުރަށްވާ، އެގޯތި ވަގުފްފަތުގެ (F3-17)ގެ އަސްލުފަތުގެ އަނެއްފުށުގާ، އެ ޝަރީއަތު މަޖިލީހުން، ލިޔެދެއްވާފާވާ ލިގެ ނަކަލެއް. Size: 8.8" X 6.7"
K.Male' -G.Hikifinifenmaage/G.Antaaris (Housing Plot) - Deed for housing plot