(Size: 13.3" × 8.3) -- 1355ހ ޒުލްހައްޖު 23(1937މ މާޗް 7)ގާ، 'މައިވާރާ ފުނަވާރާއި ފުނަވާރާއި ފަރާތްފަރާތަށް ދެވިފާހުރި ތަކެތީގެ އަގު'، މިހެން ސުރުހީކޮށް، ފުރަތަމަ ކޮލަމްގާ އަގުޖަހާ، އެޔާ ނިސްބަތްކޮށް އެކި ގުރާބު، ބާޑީ އަދި އޮޑި ފަދަ އެއްޗެހީގެ ނަން ޖަހާ، އެނަންތަކާ ނިސްބަތްވާގޮތަށް، 'ކަޅުބެކޮއްކޮ، މާދޫ ދަންޑެހެލު ތައްހާނު، ބުޗާ ދަންޑހެލު ތައްހާނު، ވައިކަރދޫގޭ ކުޑަތުއްތު، ފުއްލާ ދަންޑެހެލު ތައްހާނު، ގަރަހިތަ ދަންޑެހެލު ތައްހާނު، ސައިކުރާ ހަސަން ކަލޭފާނު، ފުރަހަނި ދަންޑެހެލު ތައްހާނު، އަލީ ހާޖީ ދަންޑެހެލު، ކުޑަނެވި ހަސަން މަނިކު، ރަނަހަމާދި ކަލޭގެފާނު އަދި ފާމުދޭރި ތަކުރުފާނު'، މިނަންތައް ލިޔެފާވާ ލިސްޓެއް.
K.Male' - list(Tax)

1352ހ ރަޖަބް 17(1933މ ނޮވެންބަރު 6)ގާ، އަލްގާޒީ އިސްމާއިލް ބަހާއުއްދީނު އުއްތަމަ ފަނޑިޔާރުގެ މަޖިލީހުގާ، ކެލާ ކަތީބު ދޮންމަނިކު، ބޮޑުގޯތި ދޮށީމަނިކު، އަދި ބޭބެ މޫސާ އައިސް، ކެލާ ކޯމަސްދަނޑުން މާކަނދުމެރިތަނޭ ކިޔާ ތަނުން ރަށްމެދުގޯތި އާދަމް މަނިކުގެ ދޮށީ ދަރިއަށް ވީތަން، ބަނޑޭރިތަކުރުގެ އަހުމަދުފުޅުއަށް ވިއްކި ކަމުގާ ހެކިބަސްދީ، އަދި އެ އަހުމަދުފުޅު އެތަން ވަގުފްކޮށް، އެވަގުފްގެ ހަވާލުވެރިކަން، އޭނާގެ ދަރިންނަށް ލަށްވައިފި ކަމުގާ ބުނެ، އެކަމުގެ މައްޗަށް ފަތަކަށް އެދުމުން؛ އެ މަޖިލީހުން ލިޔެދީފާވާ ފަތުގެ ނަކަލެއް.(Size: 6.1" X 7.9") Chief Justices - Al Ghaazee Ismail Bahaauddin
1.H.A.Kelaa - Kelaa Koamasdhan'du maakadhumeri thanuge baeh - Letter (Endowed housing plot), letter(Endowment for property)

1351ހ ޝައުބާން 5(1932މ ޑިސެންބަރު 3)ގާ، މަހްކަމަތުލް ޝަރީޔާގެ، އަލްގާޒީ ހުސެއިން ސަލާހއްދީނު އުއްތަމަ ފަނޑިޔާރުގެ ޝަރީއަތު މަޖިލީހުގާ، ބޮއިގަސްދޮށުގޭ މޫސާ ކަލޭފާނުގެ ދޮންތުއްތު، އޭނާގެ ބައްޕަގެ ތަރިކަމުދާ ބަހައިގެން އޭނާއަށް މިލްކުވެފާވާ، މައްޗަންގޯޅި ހޮޅުދޫ ހާޖީގެ ގޯއްޗާއިންވެ އިރުން އޮތް ގޯތި، އޭނާގެ ރުހުމުގާ ބައިތުލްމާލަށް ނަގާ، އޭގެ ބަދަލުގާ، ބައިތުލްމާލުން އޭނާއަށް ދިން ގޯތީގެ، މިން ހިމަނާ، ފަތެއް ލިޔެދެއްވުމަށް އެދުމުން؛ އެކަން ބަށްލަވާ، 1347ހ(1929މ)ގާ، ހަމަ އެ ޝަރީއަތުގެ މަޖިލީހުން ލިޔެފާވާފަތަކުން އެގޯތީ އެއީ އެ ދޮންތުއްތުގެ މިލްކެއްކަމުގާ ސާބިތުވެ، އަދި ބަދަލުގާ ބައިތުލްމާލުން ދިން ގޯތީގެ މިން ހަމަކޮށް؛ އެތަނުގެ ދެކުނުބިތް ހޮޅުދޫ ހާޖީގެ ގޯތީގެ ދެކުނުން އޮތް މަގާ އިންވެ، އިރުބިތް، އައްސައްޔިދު މުހައްމަދު ސައީދުއްލޯ ޒުހުރީ ހެންވޭރު ހަތީބު މަނިކުފާނުގެ ގޯއްޗާ އިންވެ އޮތް ގޯތި(މ؟.ހިރިކުއްޅަގެ ގޯތި)، އެއީ، ބޮއިގަސްދޮށުގޭ މޫސާ ކަލޭފާނުގެ ދޮންތުއްތުގެ މިލްކުވެއޮތް ގޯއްޗެއް ކަމުގާ ބަޔާންކޮށް، އެތަނުގެ އިމާއި މިން ހިމަނާ، އައްނައިބު އަބްދުލް ގައްޔޫމް ލިޔެފާވާ ފަތުގެ ނަކަލެއް.
Real estate document for Maafannu Hirirkulhlhage, written in Thaana, stating ownership of the land (Size: 8.8" X 6.65") Chief Justices - Al Naaibu Hussain Salahuddin

(Size: 13.3" × 8.3) -- 1355ހ ޒުލްހައްޖު 23(1937މ މާޗް 7)ގާ، 1ވަނަ ސަފްހާގާ، 'ވާރާއި ފުނަވާރުގެ ތެރެއިން ފަރާތްފަރާތައް ދެއްވިފައިހުރި ތަކެތި' މިހެން ސުރުހީކޮށް، އަރިމަތީ ސުރުހީޔަށް އަތޮޅުއަތޮޅުގެ ނަން ޖަހާ، އޭގެ ދަށުގާ، ރަށްރަށުގެ ނަން ލިޔެ، އެރަށްރަށުގެ ޒިޔާރަތް، މިސްކިތް ފަދަ ތަންތަނައް ދީފާވާ ތަކެއްތި ލިޔެ، ނިސްބަތްވާ ދިމާލުގާ އަގުޖަހާފާވާ 2 ސަފްހާގެ ލިސްޓެއް.
K.Male' - list(Tax)

1351ހ ޖުމާދިލްއާހިރު 7(1932މ އޮކްޓޯބަރު 8)ގާ، މަހްކަމަތުލް ޝަރީޔާއިން؛ އަލްގާޒީ ހުސެއިން ސަލާހުއްދީނު އުއްތަމަ ފަނޑިޔާރު މަނިކުފާނުންގެ ޝަރީޔަ މަޖިލީހުގާ، އަލްވަޒީރު މޫސާ ދަހަރަދަ ކަލޭފާނުގެ ދަރި މުހައްމަދު މަނިކުގެ ދަރި އިބްރާހީމް ދީދީ، މައްޗަންގޯޅި މައިޒާންދޮށަށް ހިނގާމަގާއި، އެމަގުން ހުޅަނގަށް ހިނގަން އޮތް މަގާއި، 2މަގު ދައުލަތުން ސީދާކުރިއިރު، އެދެމަގާ އިންވެގެން އޮތް، އޭނާ މާމަ، ބޮޑުފުޅަށްގޭ އައިޝަތު މަނިކަގެ ގޯތީގެ ބޮޑުމިން ތަފާތުވެފާވާތީ، އެތަނުގެ މިން ހަމަކޮށްދެއްވާ ފަތެއް ލިޔެދެއްވުމަށް އެދުމުން؛ އެކަން ބެއްލެވުމަށްޓަކާ، އެގޯތީގެ، 1318ހ(1900މ)ގާ، އައްސުލްތާނު މުހައްމަދު އިމާދުއްދީނުގެ ސިއްކަޖަހާ، އަލްފަގީހު އަލީ ދީދީ އާއި އަލްފަގީހު އައްޝެއިހު މުހައްމަދު އާއި ދެބޭފުޅުންގެ މަޖިލީހުން ލިޔެފާވާ ފަތަކުން، އެގޯއްޗަކީ ބޮޑުފުޅަށްގޭ އައިޝަތު މަނިކެގެ މިލްކެއް ކަމާއި އަދި އެގޯތީގެ އިމާއި މިން ސާބިތުވާން އޮތުމުން، އެފަތުގާވާ ބޮޑުމިން ހަމަކުރައްވާ، އެގޯއްޗަކީ، ބޮޑުފުޅަށް އައިޝަތު މަނިކެގެ ދަރި މުހައްމަދު މަނިކުގެ ދަރީންނަށް މިލްކުވެފާވާ ގޯއްޗެއް ކަމާއި، އެތާގެ އިމާއި މިން ހިމަނާ، އެމަހްކަމާއިން، އައްނައިބު އަބްދުލް ގައްޔޫމު ލިޔެދެއްވާފާވާ ފަތުގެ ނަކަލެއް.A copy of the report originally written on 8 October 1932 regarding the ownership of the land Machchangoalhi Kudadhaharaage (Size: 10" X 7.35) Chief Justices - Al Ghaazee Hussain Salahuddin
K.Male' - Ma.Kudadhaharaage (Housing Plot) - Private Property

1349ހ ސަފަރު 19(1930މ ޖުލައި 16)ގާ، 'ބޮއި ދޮންތުއްތުއަށް ބަހެ' އަދި 'އެތެރެ ބަޑަހަލަށް ދޭނޭ ކުކުޅުބިހުގެ ހިސާބު' މިހެން ޖަހާ، އެކިކަންކަމަށް ބިސް ދޭނެ އަދަދު ޖަހާފާވާ ކަރުދާހެއް.
List of expenses for purchasing eggs (Size: 5.4" X 5.7")

1348ހ ރަމްލޯނު 29(1930މ ފެބްރުވަރީ 28)ގާ، އެއްފުށުގާ 'ފިތުރު ދިން ކަރުދާސް' މަތީގާ ޖަހާ، ތަންތަނުގެ ނަން(މސލ:ކުޑަކިބާބަދިގެ..ބެލެވޭގޮތުގާ ފިތުރު ޒަކާތް ދިން ފަރާތް)ޖަހާ، ނިސްބަތްވާ އަދަދު ޖަހާ، އަދި އަނެއްފުށުގާ އެކި މީހުންގެ ނަމާއި(ލިބުނު ފަރާތް)ދިން އެއްޗެތި ޖަހާފާވާ، ލިޔުމެއް. List of Zakat Fitr recipients and tha amounts given to each (Size: 8.5" X 10.5")
K - Male' - Royal Palace - Writing(Zakat)

1349ހ ޝައުބާން 13(1931މ ޖަނަވަރީ 2) ތާރީހުކޮށް، 'ބޮއިދޮންތުއްތުއަށްބަހެ' ޝުރުހީކޮށް، 'އެތެރެބަޑަހަލަށް' އަރިމަތީ ޝުރުހީއަކަށް ޖަހާ، އެކިއެކި ކެއުމުގެ ބާވަތްތައް ތައްޔާރުކުރުމަށް ބޭނުންވާ ތަކެއްޗާއި، ނިސްބަތްވާ އަދަދު ޖަހާ ލިސްޓުކޮށްފާވާ ކަރުދާހެއް.List of ingredients (Size: 13.2" X 8.3")
K - Male' - Royal Palace - list

1349ހ ޝައުބާން 9(1930މ ޑިސެންބަރު 29)ގާ، ބޮޑުބަނޑޭރިގެއިން، އަރިއަތޮޅު(އދ.) ހިޔަފުށިއަށް އަރާ މީހުންނަށް؛ ޝަމްސުއްދީނު ރަދުން3 (ރަދުންގެ ނަމެއްނެތް.. ތާރީހަށް ބަލާފާ)ގެ ރަސްކަމުގެ 30ވަނަ އަހަރުގެ ރަޖަބް މަހުން ފަށައިގެން، އެރަށުގެ ވަރުވާ، ހަންޏާމީދޫގެ ރައްޔިތުންނަށް އަހަރުންއަހަރަށް ހަމަޔަށް ދެއްކުމަށް؛ އަންގާ ލިޔެފާވާ ފަތެއް.Size: 5.55" X 4.2"
Adh - Hiyafushi - Order

(Size: 7.45" × 11.8") -- 1353ހ ރަބީލްއަށްވަލް 13(1934މ ޖޫނު 25)ގާ، އައްސުލްތާނު މުހައްމަދު ޝަމްސުއްދީނުގެ ރަސްކަމުގާ ތިލަދުންމަތި ދިއްދޫ އަދި އުތީމުގެ މީހުންގެ މައްސަލައެއް ހުށައެޅުމުން، އެރަދުންގެ ދަރުބާރަށް 1339ހ(1921މ) ދިއްދޫ ރައްޔިތުން ހާޒިރުވެ އެރަށް އެނދިއިރު އެރަށުގެ ފަތްތައް އަނދައިގެން، އާކޮށްދެއްވާފާވާ ތިންފަތެއްގެ ވާހަކަޔާ (ފަތުގެ އެއް ފަޅީގެ ވަރަށް ބޮޑު ބައެއް އުނިވެފަ) .. ދިއްދޫގާ ހުރި ބޮޑުތަކުރުފާނު މިސްކިތު ބޯގައަށް ހއ. ދޮނަކުޅި އަދި އެރަށު ހުކުރު މިސްކިތުގެ ބޯގަޔަށް، ހއ. ނަރިދޫ ލެއްވި ކަމާއި، އަދި އުތީމު ގަނޑުވަރަށް އުތީމު މީހުން ބިންބައި ދެއްކުމުގެ ގޮތުން، މީހުންއުޅޭ ކޮންމެ ގެޔަކުން އަހަރަކު ބޮޑު ލާރިއެއް ދޭންވާނެކަމާ، މިފަދަ ކަންތައްތައް ބަޔާންކޮށް އެރަދުންގެ ސިއްކަ ޖަހާ، ހުރާ ހަސަންގެ ދަރި މާލޭ ފަތްލިޔާ މޫސަލް މަލިމް ލިޔެފާވާ ފަތެއް.(މިފަތް އޮތީ ކުދިކުދިވެފއެ...ކަރުދާސްކޮޅުތަށް އެއްކޮށްލައިގެން އިނގެން އޮތީވެސް މިވަރަށެ.)
H.A.Dhi'dhoo - Utheem - Hukuru Miskiiy (Mosque) - Endowment for Shrine (ziyaaraiy)