1379ހ ޖުމާދިލްއައްވަލް 24(1959މ ނޮވެންބަރު 26)ގާ، ވުޒާރަތުލް ދާހިލިއްޔާއިން، ގޯޅާލި މުހައްމަދު ތަކުރުފާނުގެ ދަރި އާއިޝާފާނު، މޫސާ ހިރިހަމާދި ކަލޭފާނުއަށް ވަގުފްކޮށްދީފާވާ ގޯއްޗެއް ކަމުގާ، 1200ހ ޒުލްހައްޖު(1786މ އޮކްޓޯބަރު)ގާ، އަލްގާޒީ މޫސާ ނަޖްމުއްދީނު އުއްތަމަ ފަނޑިޔާރު ތަކުރުފާނުގެ ޝަރީއްޔަތު މަޖިލީހުގާ ލިޔެފާވާ ފަތުގެ ނަކަލަކުންނާއި، 1290ހ ޝައުބާން(1873މ އޮކްޓޯބަރު)ގާ، އަލްގާޒީ މުސާ ބަދުރުއްދީނު އުއްތަމަ ފަނޑިޔާރު، މޫސާ ހިރިހަމާދި ކަލޭފާނުގެ ދަރި އުބްރަހިން މަނިކުގެ ދަރި އައިމިނާ ދީދީ އާއި، އެ ކަލޭފާނުގެ ދަރި އައިމިނާ މަނިކުފާނުގެ ދަރި އިބްރާހީމް މަނިކުގެ ދަރި މުހައްމަދު ދީދީ އާއި މި ދެބެއިންގެ އެދުމަކަށް، ގޯތީގެ މިންއަޅާ ލިޔެދެއްވި ފަތަކުންނާއި، 1246ހ ޖުމާދިލްއައްވަލް 12(1830މ އޮކްޓޯބަރު 29)ގާ، ހުސެއިން ސަލާހުއްދީނު އުއްތަމަ ފަނޑިޔާރު މަނިކުފާނުން، ލިޔެދެއްވި ފަތަކުންނާއި ސާބިތުވެ، 1370ހ ޒުލްގައިދު 28(1951މ އޯގަސްޓް 31)ގާ، ސަރުކާރުގެ، ވަގުފްގޯތީގެ އާ ގަވާއިދުގެދަށުން، އެގޮތީގެ ބޮޑުމިނަށް ކޮޅުމަޑުލު(ތ.) އެލައިން ގޯއްޗެއް ދެއްވުމުން، އެގޯތީގެ 2/1ގެ މައްސަލަޖެހުމުން، 1378ހ ޖުމާދިލްއާހިރު 20(1958މ ޑިސެންބަރު 31)ގާ، ދާހިލިއްޔާއަށް ފޮނުވާފާވާ، މަހްކަމަތުލް ޝަރީޔާގެ، ށ-3-59/2 ނަންބަރުސިޓީއިން، ވުޒާރަތުލް އައުގާފުއިން، އެ ފާތުމަތު ދީދީއަށް، -/97ރުފިޔާ ދީ، އެ ވުޒާރާޔަށް ގޯތި ހަވާލުކުރުމަށް ނިޔާ ކަނޑައަޅާފި ކަމާއި، އަދި 1378ހ ޝައުބާން 27(1959މ މާޗް 7)ގާ، އައުގާފުން، ދާހިލިއްޔާއިން ފޮނުވި ހ-3-59/14ނަންބަރު ސިޓީއިން، އެކަން އެގޮތަށް ކޮށްފި ކަމުގަޔާ، އަދި އެ މުޅި ގޯތި ހިރިހަމާދި ކަލޭފާނުގެ ދަރިކޮޅަށް އޮތުމުން، އެގޯތީގެ ވަގުފް ފުއްދާ، އެކަންތައްތައް ކުރުމަށް، އެލާއިން ލިބޭ މަންފާއެއް، ވުޒާރަތުލް މާލިޔާއިން، އައުގާފް އާޢި ހަވާލު ކޮށްފާވާ ކަމަގާ ލިޔެ، އަދި 7ވަނަ ސަފްހާގާ، މަހްކަމަތުލް ޝަރީޔާގެ ތައްގަނޑުގެ ދަށުގާ، މިފަތުގާ ބުނެވިފާ އެވާ ގޯތީގެ ކަންކަން ޝަރީއަތުގެ ސައްހަ މަގުން ނިމިފާކަމުގާ ލިއެފާވާ ފަތެއް.Size: 10" X 7.5"
K - Male' - Goalhaali Goathi (30 number Housing Plot) - Deed for housing plot (Th.Elaa)

1378ހ ޖުމާދިލްއައްވަލް 29(1958މ ޑިސެންބަރު 11)ގާ، ވުޒާރަތުލް ދާހިލިއްޔާއިން؛ 1211ހ ޖުމާދިލްއައްވަލް(1796މ ސެޕްޓެންބަރު)ގާ، އައްސުލްތާނު ހަސަން ނޫރައްދީނުގެ ރަސްކަމުގެ، މުހައްމަދު ބަންޑާރަނައިބުގެ މަޖިލީހުން، ބޮޑުކާށި އުބުރަހިން ކަލޭފާނުއާ، މަލިން ތަކުރުފާނުގެ ދަރި މޫސާ ތަކުރުފާނުއާއި ދެބެން، ވަގުފްކޮށް، އެވަގުފްގެ ހަވާލުވެރިކަން އެމީހުންގެ ދަރިކޮޅަށް ލަށްވާފާވާ، އަދި އެޔަށްފަހު އެގޯތި ބަންޑާރަގޮތުގާ އެތައްދުވަހުކު އޮއްވާ، އެ އުބްރާހިން މަނިކު އެކަމާ ދައުވާކުރުމުން، 1284ހ ސަފަރު(1867މ ޖޫނު)ގާ، އަލްގާޒި މުހައްމަދު މުހިއްބުއްދީނު، އެތަނުގެ ބޮޑުމިން ހިމަނާ، ލިޔެފާވާ ފަތެއްގެ ނަކަލަކުން، އެތަނުގެ ވަގުފް އޮތީ ކުރީގާވެސް އޮތްގޮތަށް ކަމުގާ ސާބިތުކޮށް، އެބައިމީހުންނަށް ގޯތި ލިބިދީ، ފަތް ލިޔެފާވަނިކޮށް، އެގޯތި ބަންޑާރަ ކޮށް، ލާޖައްސާ، އޭގެ ބަދުލުގާ އެބައިމީހުންނަށް ދީފާވާ މިގޯތީ(ބޮޑުކާށި ގޯތި؟)ގެ ހަވާލުވެރިންނަކީ، މަނަދޫގާ ހުރި ބޮޑުކާށި ދޮންމަނިކުގެ ދަރިކޮޅުކަމުގާ، 1368ހ ރަބީލްއައްވަލް 29(1949މ ޖަނަވަރީ 29)ގާ، އަލްގާޒީ އަބްދުއްލޯ ޖަލާލުއްދީނު ލިޔެފާވާ ފަތަކުން ސާބިތުވެ؛ 1370ހ ޒުލްގައިދު 28(1951މ އޯގަސްޓް 31)ގާ، ސަރުކާރުގެ، ވަގުފްގޯތީގެ އާ ގަވާއިދުގެދަށުން، އެގޮތީގެ ބޮޑުމިނަށް ކޮޅުމަޑުލު(ތ.) އެލައިން ގޯއްޗެއް ދެއްވާ، ލާޖައްސާ ހަމަކޮށް، އެތަނުގެ އަކަމިން ބަޔާންކޮށް، އަދި 6ވަނަ ސަފްހާގާ، މަހްކަމަތުލް ޝަރީޔާގެ ތައްގަނޑުގެ ދަށުގާ، މިފަތުގާ ބުނެވިފާ އެވާ ގޯތީގެ ކަންކަން ޝަރީއަތުގެ ސައްހަ މަގުން ނިމިފާކަމުގާ ލިއެފާވާ ފަތެއް. Size: 10" X 7.5"
K - Male' - H.?Bodukaashi Goathi (24 number Housing Plot) - Deed for housing plot (Th.Elaa)

1375ހ ޝައުބާން 1(1956މ މާޗް 14)ގާ، ވުޒާރަތުލް ދާހިލިއްޔާއިން، ހެންވޭރު ވެލާނާގޭ ތެރޭގާ އޮތް، އަލިމަތާ އުރަންނާ ކަލޯގެ ދަރި ފަސްމަންދޫ ކޮލި މުހައްމަދު ކަލޯގެ ދަރި މަރިޔާބީ، ބަނޑޭރި މުހައްމަދު ކަލޭގެ ދަރި ހުސެއިން މަފުތުގެ މައްޗަށް ވަގުފްކޮށް، އެފުތާއި، އޭނާ ނެތުމުން އޭނަގެ ދަރިކޮޅަށް، ހަވާލުވެރިކަން ލަށްވާ، 1047ހ މުހައްރަމް 17(1637މ ޖޫނު 11)ގާ، މުހައްމަދު ޝަމްސުއްދީނު އުއްތަމަ ފަނޑިޔާރު، ފަތް ލިޔެދެއްވާފާވާ، އަދި އެޔަށްފަހު، ބަޑޮހު މުދިން ދޮންފާތުމާފާނުގެ ދަރިން އެދިގެން، އަލްގާޒީ މޫސާ ނަޖްމުއްދީނު، 1207ހ ޒުލްގައިދު(1793މ ޖޫނު)ގާ، އެފަތް އާކޮށްދެއްވާފާވާ ގޯތި، ބަޑޮހު މުދިންކަލޭފާނުގެ، ބަޑޮހު ގޯތި؛ 1370ހ ޒުލްގައިދު 28(1951މ އޯގަސްޓް 31)ގާ، ސަރުކާރުގެ، ވަގުފްގޯތީގެ އާ ގަވާއިދުގެދަށުން، އެގޮތީގެ ބޮޑުމިނަށް ކޮޅުމަޑުލު(ތ.) އެލައިން ގޯއްޗެއް ދެއްވާ، ލާޖައްސާ ހަމަކޮށް، އެތަނުގެ އަކަމިން ބަޔާންކޮށް، އަދި 6ވަނަ ސަފްހާގާ، މަހްކަމަތުލް ޝަރީޔާގެ ތައްގަނޑުގެ ދަށުގާ، މިފަތުގާ ބުނެވިފާ އެވާ ގޯތީގެ ކަންކަން ޝަރީއަތުގެ ސައްހަ މަގުން ނިމިފާކަމުގާ ލިއެފާވާ ފަތެއް.
K - Male' - H.badohu Goathi (19 number Housing Plot) - Deed for housing plot (Th.Elaa)
Size: 10" X 7.5"

29.9.88ހ(20.10.1968މ) މަތީގާ ޖަހާ، ހިސާބުތަކެއް ހަދާފާވާ ކަރުދާހެއް.
Note with mathematical calculations (Size: 6.35" X 2.8")

1370ހ ޒުލްހައްޖު 6(1951މ ސެޕްޓެންބަރު 8)ގާ، މަހްކަމަތުލް ދާހިލިއްޔާއިން؛ އައްޑޫ އަހުމަދު ދީދީ ގެ ތުއްތު ދީދީ، އެ މަހްކަމާއަށް ގެންދިޔަ ފަށަވާޅުގޯތީގެ އަދި 1248ހ(1832މ) އަދި (1275ހ(1859މ)ގެ ފަތާއި، ދާހިލިއްޔާގެ ނަންބަރު 51 ގެ ފަތާއި، އެޔާއެކު ގެންދިޔަ، 1350ހ ރަޖަބް 27(1931މ ޑިސެންބަރު 7)ގާ، ޝަރުއިއްޔާގެ ސިޓީއަކާ ބަލައިގެންފާ ދީފާވާ ރަސީދެއް.
Receipt issued by authorities when renewing the real estate document (Size: 5.4" X 4.6")

1372ހ(1953މ)ގެ އެކި މަސްމަހުގެ ތާރީހުޖަހާފާ، ގަނޑު ދިގަށް ދެބައިކޮށް، ކޮންމެބަޔެއް 4ފަތި(ކޮލަމް)އަށް ބަހާ، 'ލެޖާ'އެއް ގޮތަށް، ހިސާބު ބަލަހަށްޓާފާވާ ކަރުދާހެއް.Size: 12.7" X 7.56"
K - Male' - Writing(Account)

54/2/22މ(18.6.1373ހ) ތާރީހުކޮށް، 'ބާރަ މައުލޫދުއަށް އެތެރެ ބަނޑަހަލަށް' ސުރުހީކޮށް، އެކިއެކި ތަންތަނަށް އެކެއެކި ކެއިން ތައްޔާރުކުރުމަށް ބޭނުންވާ ތަކެއްޗާއި ނިސްބަތްވާ އަދަދު ޖަހާ ލިސްޓުކޮށްފާވާ ކަރުދާހެއް.List of ingredients (Size: 13.2" X 8.3")
K - Male' - Royal Palace - list

1372ހ ސަފަރު 7)1952މ އޮކްޓޯބަރު 26)ގާ، އެއްފުށުގާ، ކަނދިލިއާ ސިކަންތި ދަނޑި ހެދުމަށްޓަކާ ބޭނުންވާނެ ތަކެއްޗާއި، ނިސްބަތްވާ އަދަދު ޖަހާ ލިސްޓުކޮށް އަދި، 'ހަސަން ނޫރައްދީނުގެ ބޮޑުފޭލިގެ' އަދި 'ދޮންބަންޑާރައިންގެ ކަޑިކޮޅޫ' 'މުލަކު ހަރިއްތަ' ނޯޓުކޮށްލާފާ، ސަރަކައަކާ، ހަވައަކާ އެއްޗެހި ގަލަމުން ކުރަހާ އަދި ހިސާބުތަކެއް ޖަހާފާވާ ކަރުދާހެއް.Size: 7.6" X 8.9"
K - Male' - Royal Palace - list

1348ހ ސަފަރު 8(1959މ ޖުލައި 15)ގާ، 'ބޮއިދޮންތުއްތުއަށް ބަހެ' އަދި 'އަހަރު ދުވަހަށް މެދުރީމީހުން ހޮވާ ފުވަށްކިބައިގެ ހިސާބު' މަތީގާ ޖަހާ، އެއެއްޗެތި ދިން ތަންތަނާއި، ދިން އަދަދު(މސލ:38000)ޖަހާ، ހިސާބުހަދާފާވާ ކަރުދާހެއް.
.List of food rations and their prices (Size: 7.4" X 5.6")
K - Male' - Royal Palace - Account

1952މ ފެބްރުވަރީ 6(1371ހ ޖުމާދިލްއައްވަލް 10)ގާ، 'މަލިން މަނިއްޕުޅު މުހައްމަދު ދީދީ ފޮނުއްވަވާންވީ' މަތީގާ ލިޔެ، ފޮނުވާނެ ތަކެތި ބަޔާންކޮށް، އެއެއްޗެތި އެކެއްޖަހަންވާއިރަށް، އެތެރެ ބަނޑަހަލަގެޔަށް ފޮނުއްވާން އެދި، މަތިގެއިން ލިޔެފާވާ ކަރުދާހެއް.List of items for delivery to the palace (Size: 6.2" X 4.1")
K - Male' - Royal Palace (Mathige) - Writing(Note)