1142ހ(1730މ)ގާ، އައްސުލްތާނު އިބްރާހީމް އިސްކަންދަރު، އޭނާގެ ރަސްކަމުގެ 10ވަނަ އަހަރު، ހުވަދޫއަތޮޅު(ގދ.)ވާދޫ ގެ ހުކުރުމިސްކިތުގެ ތައުލީއަމޫލަ ވެރިކަން(ހަވާލުވެރިކަން) ލަށްވާފާވާ ދެކަނަބަލުންގެ ދަރިކޮޅު ތެރެއިން، ތުއްކަލާގެ ދަރިކޮޅު ނެތުމުން، ދޮންދަލިއާ ކަނބުލޯގެ ދަރިކޮޅުން ހުރި މުހައްމަދު، އެރަދުންގެ ދަރުބާރުގާ، އިހުގާ އެ މިސްކިތަށް ދެއްވާފާވާ ބޯގަފަތް ބާވެގެން، އެފަތް އާކޮށްދެއްވުމަށް އެދުމުން؛ އެ މިސްކިތަށް، އެ އަތޮޅުގެ ކަނޑަހަލަގައްލާ އާއި، އޮއެނިގައްލާ؟؟ އާއި، ހަޑަދޫ؟؟(ހަނޑައިދޫ؟؟)އާއި، ވަޑަވައްރެހާ އާއި، ކުބުރާއި؟؟، އަދި، ވާދޫގެ ރުކުބޮލިން(ރުއްރުކުން ނަގާ ޓެކްސް؟؟) 2/1އާއި، 4ބަދި ރަލާއި، ވާދޫ ތުއްކަލާ އާއި ދޮންދަލި އާއި ދެބޭކަނބަލުންގެ މިލްކުގާވާހާ ދަނޑު، ރުއްގަސް، ކެއޮ، ފަލަމަޑި އާއި، ގޮއިއުރަ؟؟؟، އަޅުފެމުސްވެރިން(އަޅުން/ނޯކަރުން)ނަށް އޮންނަ ރަހުރާ(ރާވެރިން ރަލުން ދައްކާ ޓެކްސް)އާއި، އެ މިސްކިތު ހަރިމުން 10 ބަމައިގެ ބިމާއި، އަދިވެސް އެހެނިހެން ތަކެތި ވާދޫ ހުކުރު މިސްކިތު ބޯގައަށް ލަށްވާ، އެ ދެބެން؟؟؟(ތުއްކަލާ އާއި ދޮންދަލީ؟؟)ނަށް އޮންނަ، މަސްބަޔާ، ދަނޑިމަސް ވެސް އެ މިސްކިތަށް ލަށްވާ، އަދި އެ މިސްކިތުގެ ތައުލީއަމޫލަ ވެރިކަން، އެ ދޮންދަލިއާ ކަނބުލޯގެ ދަރިކޮޅަށް ލަށްވާ، މި އެންމެހާ އަމުރުނެރުއްވުމުން، އެރަދުންގެ ސިއްކަޖަހާ، ފެންފުށި އަހުމަދު ލިޔުނު ދިވެސްއަކުރު ފަތުގެ، 8 ޒުލްހައްޖު؟؟ 1325ހ(1908މ ޖަނަވަރީ 12)ގާ ކޮށްފާވާ ތާނަ ތަރުޖަމާ.
G.DH.Vaadhoo -Endowment for Shrine (ziyaaraiy
(Size:14.15" x 13.1")

1213ހ ރަބީލްއައްވަލް(1798މ އޯގަސްޓް)ގާ، އައްސުލްތާނު ހަސަން ނޫރައްދީނު އިސްކަންދަރުގެ ނައިބުބޭކަލުންގެ ޝަރީއަތު މަޖިލީހަށް، ދާނާ އިބްރާހީމް ކަލޭފާނުން؛ ދެބޭރަނީ ޒިޔާރަތުގެ ދެކުނުންއޮތް، ދިގުމިނުގާ 42، ފުޅާ މިނުގާ 41 ރިޔަން ހުރި، މާވަންކަޑަގެއޭ ކިޔާ ގޯތި، ދިޔަދޫ ދޮންމަނިކުގެ އަތުން 60ކޮއްޓޭ އަށް ގަނެ، އެޝަރީއްޔަތު މަޖިލީހުގާ، 2 ހެކިންގެ ހާޒިރުގާ، އެ އަގުދީ ހަލާސްކޮށްފި ކަމާ، އަދި ގޯތި ގަނެފާވަނީ، ގޯތީގެ ވެރި އެހެން މީހުންގެ ވެސް އިޒްނަޔާ ލައިގެން ކަމުގާ ބުނެ، އެތަނަށް ފަތެއް ދެއްވުމަށް އެދުމުން؛ އެކަން ބަށްލަވާ، ސާބިތުވުމުން، އެ މަޖިލީހުން ލިޔެފާވާ ފަތެއް. ފަތެއް.
K.Male' - Maavankadage (Housing Plot) - letter(Housing Plot)
(Size: 7.85" x 6.3")

(ތާރީހެތް ނެތް..ރަދުންގެ ކޮލިނަން އަދި ވެރިކަމުގެ އަހަރަށް ބަލާފާ)1140ހ ޒުލްގައިދު(1728މ ޖޫނު 23)ގާ، އައްސުލްތާނު އިބްރާހީމް އިސްކަންދަރު(ސުވަސްތިސިރީ، މަތަމަހާސިރީ ރަންނަވަލޯކަ އަބާރަނަ ސިޔާކަ ސާސްތުރަ އައުދަކީރިތި ކައްތިރި ބަވަނަ މަހާރަދުން)ގެ ރަސްކަމުގެ 7ވަނަ އަހަރު، އެރަދުންގެ ދަރުބާރުގާ، މުލަކުއަތޮޅު ވާރިޔާފުށި(ކޮޅުވާރިޔާފުށީ/ކޮޅުފުށި)ރައްޔިތުން، އެމީހުން ފަރުހިލާ ފަޅުގެ މައްޗަށް ފަތްކޮޅަކަށް އެދުމުން؛ އެ ވާރިޔަފުށީގެ ގޮނިނެރުން(މޫދުން ރަށުގެ ތެރެއަށް ވަދެފައިވާތަން) ރަށުދެކުނުގާ އޮތް ހާފުށީ ދެކުނުކޮޅު މާބަދީ(އުސް ފަސްގަނޑެއް)އިމުގެ ފަޅުން ފަށައިގެން، އެރަށުގެ އުތުރުގާ އޮތް ދޫނިފުށި އާ ހަމަޔަށް އޮތް ފަޅާއި، އެ ދެ ރަށާއި، އަދި އެދިމާލުން ތޮވަރުފަޅު އުތުރުކޮޅުން ފަށައިގެން އެފަޅުގެ ދެކުނުކޮޅަށް ދާންދެން އޮތް ފަޅާ، އެފަޅުގާވާހާ ރަށްތަކާއި، އެ އެންމެހާ ތަންތަން، ވާރިޔާފުށި ރައްޔިތުންނަށް ދެއްވިކަމާ، އަދި ތޮވަރު ފަޅު ދެކުނުން އޮތް ކުރެލި އާއި، އެދެމެދު އޮތް ކުޑަހިނި ފަޅު، މާހިނި ފަޅު، ފުށިގާފަޅު، އަދި ބޯމާ ފަޅު އާއި މި ފަޅުތަކަށް، ވާރިޔާފުއްޓާ، މިދެ؟؟ރަށުގެ އަޅުތަކުންގެ އަމުރުނެތި، އެއްވެސް އެހެން މީހަކަށް ނުވަދެވޭނޭ ކަމާ، މިހުރިހާ ކަމެއްގެ އަމުރަށް، އެރަދުންގެ ސިއްކަ ޖަހާ، ފެންފުށީ އަހުމަދު ލިޔުނު ދިވެސްއަކުރު ފަތުގެ، 1979މ މާޗް 6(1399ހ ރަބީލްއާހިރު 7)ގާ، ހުސެއިން ފަހުމީ ކުރެއްވި ތާނަ ތަރުޖަމާ.
(Size: 8.9" x 7.3")
M - Vaareyaafushi - gift