1326ހ މުހައްރަމް 24(1908މ ފެބްރުވަރީ 27)ގާ، މަތީގާ، 'ޔޫސުފް ބަހީގެ ކުޑަ ބޯޓުން' މިހެން ޖަހާ، ދިވެހި އެންބަސީގެ 'ލެޓާހެޑް'ގާ، ރާއްޖޭގެ ސަފީރު، އަބްދުލް ހަމީދު ދީދީގ، ބޮޑުބަނޑޭރިގެޔަށް؛ ޒުލގައިދު 25 އަދި 29ގާ ފޮނުއްވި ސިޓީ އާއި -/1000 ރުފިޔަ ލިބުނުކަން އަދި ފޮނުވަން އެންގި އެއްޗެތި ވީއެންމެ އަވަހަކަށް ފޮނުވޭތޯ ބަލާނެކަމާ، ސްޓޭންޕް ހެއްދުމަށް /-2500ރުފިޔާގެ އެޑްވާންސެއް ބޭނުންވާތީ، އީ.ޖީ އާދަމް އަލީ ކުންފުނިން އެކަމަށް އެދި، އެކަމަކު ލިބޭނެހެން ހީނުވާކަމާ، ކަންތައް ލަސްވަނީ ފައިސާގެ ދަތިކަމުން ކަމުގާ ބުނެ އެކަން ރަންގަޅުކުރަން އެދި، އަދި ރާއްޖެޔަށް ހަނޑުލުގެ ދަތިކަން ލިބިދާނެކަމުގާ ފެންނަކަމާ، އީ.ޖީގެ ސަވައިދީނުވެސް އެހެން ރަށަކަށް ދިޔުމުން، އެމީހުންގެވެސް މިހާރުއޮތީ އެއްބޯޓު ކަމާ، އަބްދުލް ހައިނީ ޝެއިހު ޖީވަންޖީގެވެސް، މިހާރު އޮންނަނީ، ދުވާ އެއް ބޯޓުކަމާ، އޭނާ އެކިއެކި ސޭޓުން ކައިރީ، ވަކިވަކިން ހަނޑޫ ފޮނުވޭނޭގޮތް ވޭތޯ ބަލާކަމުގާ ބުނެ، އެސަފީރު ސޮއިކޮށް، އަދި އަރިމަތީގާ ވަކިން އީ.ޖީ އާދަމް އަލީ އަތުން ރުފިޔާ ނުލިބުނުވާހަކަ ލިޔެ، އެތާވެސް ސޮއިކޮށް، ފޮނުވާފާވާ ސިޓީއެއް. (Size: 11.05" x 8.3")
Sri Lanka - Maldivian Embassy - letter(Official)

1326ހ ސަފަރު 25(1908މ މާޗް 28)ގާ،ރާއްޖޭގެ އެންބަސީގެ 'ލެޓާހެޑް'ގާ، ދިވެހި ސަފީރު، އަބްދުލް ހަމީދު ދީދީ، މާލެ ބޮޑުބަނޑޭރިގެއަށް؛ 'ދޭލާއިން – ކަރީމްޖީގެ –'، މަތީގާ ޖަހާ، މޫސާ ބަހީގެ 'ހައިދަރީ'އިން އަދި ތޮއްޔިބު އަލީމެންގެ 'ގަރުދަންކަޕާ' އިން ފޮނުވި 2 ސިޓީއާއި، ވެޔޮދޮށުގޭ އިބްރާހީމް މަނިކުގެ އަތުގާ ފޮނުވި -/3099 ރުފިޔާ ލިބުނު ކަމާ، ފަޅުކޮންނަ ބޯޓު ހަދާން މާލެ ދިޔަ ތިންމީހުން އައިކަމާ، ސަރުކާރުގެ 6 ބަކަރި ހައިދަރީން ފޮނުވާނެ ކަމާ އަދިވެސް އެހެނިހެން ކަންކަމުގެ ވާހަކަ ލިޔެ، އެ ސަފީރު ސޮއިކޮށް؛ ފޮނުވާފާވާ ސިޓީއެއް.(Size: 8.45" x 5.65")
Sri Lanka - Maldivian Embassy - letter(Official)

1900މ ޑިސެންބަރު 30(1318ހ ރަމްލޯނު 8)ގާ، ސިލޯނުގެ 12 ފަރާތެއް ސޮއިކޮށް، އެމީހުންގެ އަމިއްލަ ނަމުގަޔާ، ސިލޯނު(ޝްރީލަންކާ)ގެ ހުރިހާ މުސްލިމުންގެ ނަމުގާ، އައްސުލްތާނު މުހައްމަދު އިމާދުއްދީނުއަށް ސިލޯނަށް ވަޑައިގަތުމަށް މަރުހަބާ ކިޔާ، އަދި އެރަދުން އެއީ، ޝްރީލަންކާޔަށް ވަޑައިގެން އެންމެ ފުރަތަމަ ދިވެހި ވެރިޔާ ކަމުގާ ވުމުން އެކަމަށް ތަހުނިޔާ ދަންނަވާ، އެކިއެކި ތައުރީފްކޮށް، ފަށުވި އިބާރާތުން ލިޔެ، ފަހަތާއި ކާރި، އަޅާ، ތައްޔާރުކޮށްފާވާ ހަނދާނީ ފަތެއް.
Sri Lanka - Mosque - Writing(Commemoration)
(Size: 17.65" x 11.3")

1326ހ މުހައްރަމް 15(1908މ ފެބްރުވަރީ 18)ގާ، އައްސުލްތާނު އިބްރާހީމް ނޫރައްދީނު ގެދަރި އައްސުލްތާނު މުހައްމަދު ޝަމްސުއްދީނު،{1170ހ(1757މ)ގާ} މަލަބާރީން މާލެ އަރާ، އޭރު ހުންނެވި ރަސްގެފާނުގެންދިޔުމުން، އެރަދުން ސަލާމަތް ކުރުމަށްޓަކާ، ޝަމްސުއްދީނު ރަދުންގެ ކާބަފައިންގެ ތެރެއިން، މި ރާއްޖޭގާ އެންމެ ކުރީ ރަސްކަން ކުރެއްވި، އަލްވަޒީރު ދަހަރަދަލް ހުރަވީ ގެދަރި އަލްވަޒީރު މުހައްމަދު ފާމުލަދޭރި މަނިކުފާނު ގެދަރި އައްސުލްތާނު އަލްގާޒީ ހަސަން އިއްޒުއްދީނު ނުކުމެވަޑައިގަތް ރޭ، ރާއްޖޭގެ ސަލާމަތަށް އެދި ވިދާޅުވި ނަދުރު ފުއްދަވާ (ކ.)ހުރާގާ މިސްކިތެއް އެޅުއްވި ކަމާއި އެތަނަށް ލެއްވި ބޯގަޔާ، މިކަންކަން ބަޔާންކޮށް، އެރަދުން ލިޔުއްވި 3 ލޯމާފާނު(ލޯފަތް)، ގެއްލި، ޝަމްސުއްދީނު ރަދުންގެ ޒަމާނަށް އައިއިރު، އެ ނަދުރުގެ އަދި އެ ފަތްކޮޅުގެ ވާހަކައެއްވެސް އިނގޭ މީހަކު ނެތިއޮއްވާ، އެރަސްކަމުގެ 15ވަނަ އަހަރު އެރަސްކަން ނިމުމަކަށް އައި ހައްޖު މަހު، (ކ.)ހުރާ މިސްކިތުން އެ 3ފަތް ފެނިގެން، އެ ރަދުންނަށް ގެނެސްދިން ކަމާއި، އެ 3 ފަތުގެ ތަފްސީލް ބަޔާންކުރައްވާ، އަދި އެތިން ފަތް ނަކަލުކޮށް، ހުރާ މީހުންނަށް ދިނުމަށާ، އަދި ހުރާ މީހުންނަށް އެބޯގައިގެ އެއްވެސް މަންފާއެއް ނުލިބި އެތައް ޒަމާނެއްވެ، އެމިސްކިތް ބެލެހެއްޓޭނެ ފަދައެއް ނެތި، އެތަން ވީރާނާވެފާވާތީ، ބައިތުލްމާލުން އެމިސްކިތް ހެދުމަށް ކަނޑައަޅުއްވި ކަމާއި، މިއެންމެހާ ކަންކަމުގެ އަމުރުނެރުއްވުމުން، އެރަދުންގެ ސިއްކަ ޖަހާ، މާލެ މާކޮށާރު ބަނޑޭރި ބޮޑުގަލު މޫސާ ގެދަރި އައްނައިބު ހުސެއިން ސަލާހުއްދީނު ބަންޑާރަނައިބު ލިއެދެއްވި ފަތެއް.
މީގާ ބުނެފާވާ، އެ 3 ފަތުގެ ނަކަލް، F0-46ގާ އެވަނީއެ.
(Size:20.75" × 12.45")
K.Huraa - Hassan Izzuddin Mosque - Endowment for Shrine (ziyaaraiy)

1906މ ޖުލައި 11(1324ހ ޖުމާދިލްއައްވަލް 19)ގާ، ދަ އޭޝިއޭޓިކް ޕްޓްރޯލިއަމް ކޮންޕެނީ ލިމިޓެޑް ކިޔާ އެޖެންޓު ކުންފުންޏެއް މެދުވެރިކޮށް، ރާއްޖޭގާ ވިޔަފާރިކުރާ ޑެލްމޭޖް؟؟ ފޯސިތު އެންޑެ ކޮންޕެނީ ކިޔާ ކުންފުންޏަކުން، ކޮޅުނބު އިން، ރާއްޖޭގެ ރަދުންނަށް؛ އެރަދުންގެ މީސްތަކުންނާއި އެކުންފުނީ މީހުންނާއި ދެފަރާތުގެ ފައިދާއަށް، ދަށްއަގުގާ ތެޔޮ ވިއްކުމާ، އަދި އެޖެންޓަށް ބޭނުންވާވަރަކަށް ދަރަނީގެ ވަސީލަތް ދިނުމާ، މިހުރިހާ ކަމެއް ކުރުމުންވެސް، ފުދޭވަރަށް ވިޔަފާރި ނުހިނގާ ކަމުގާ ބުނެ، މި ސިޓީއާ އެކު ފޮނުވާ، އެ އެޖެންޓުގެ ހިސާބު-ކިތާބުން އެކަން ސާފުވާނެ ކަމުގާ ބުނެ، އަދި ރާއްޖެޔަށް ފޮނުވި -/3000 ރުޕީޒްގެ ތެލަށް، އެންމެ ލާރިޔެއްވެސް ލިބިފާނުވާ ކަމާ، އަދި އޭގެ ބަދަލުގާ، އެޖެންޓަށް ދައްކަން ޖެހޭ 849.08 ރުޕީޒް ދެއްކުމުން، ޖުމްލަ 3849.08 ރުޕީޒްގެ ގެއްލުން ވެފާވާ ކަމާ، ފައިދާވާނެ ގޮތުގާ އެ ވިޔަފާރި ހިންގަން ބޭނުންފުޅު ނަމަ، އެކަން ބަލަހަށްޓަން ރަނގަޅު މީހަކު ހަމަޖަށްސަވާދެއްވައިފިއްޔާ، އެ ވިޔަފާރި ފައިދާހުރިގޮތުގާ ކޮށް، ދަށް އަގުގާ ބޭނުންވަރަކަށް ތެޔޮ ފޯރުކޮށްދެވޭނެ ކަމާ، އެހެންވެ، ރަދުން ވިސްނާވަޑައިގަތުމަށް، ހުށަހެޅުންތަކެއްކަމުގާވާ: އެވިޔަފާރި، އެމީހުންގެ ސީދާ ބެލުމުގެދަށުން ކުރެވެން ނެތީތީވެ، ދިވެހި ސަރުކާރުގެ ބެލުމުގެ ދަށުން އެކަން ކޮށް އެންމެންނަށްވެސް ފައިދާހުރިގޮތުގާ އެކަން ކުރުމަށާ، ޝްރީލަންކާ ސަރުކާރުންވެސް، މެޑްރާހާ އެކު، އެންމެހާ ފަރާތަކަށް ފައިދާ ހުރިގޮތުގާ އެގޮތަށް ވިޔަފާރި ކުރަމުން ދާކަމުގާ ފާހަގަކޮށްފަޔާ، އެ ހުށެހެޅުމާ އެކީ ވަޑައިގަންނަވަން ގަސްތެއް އޮތްނަމަ، އެމީހުންގެ ފިހާރަ، ޕޯސްޓުއޮފީހެއް ހެދުމަށްޓަކާ، ބައްލަވައިގަންނަވަން އެދިވަޑައިގަންނަވާކަން އެމީހުންނަސް އިނގޭނޭގޮތް ހަށްދަވާދެއްވާފިއްޔާ އެމީހުން ހިތްހަމަޖެހޭނެ ކަމާ، އެކަން އެމީހުންނަށް އިނގުނީ، ދިވެހި ސަފީރު މރ. ޑީޑީޔާ އެންމެފަހުން ބައްދަލުވީ އިރު، އޭނާގެ ފަރާތުން ކަމާ، އަދި އެކަމާބެހޭ ގޮތުން، އެމީހުންނާ މުއާމަލާތު ކުރައްވާނެކަމުގާ، އޭނާ ވިދާޅުވި ނަމަވެސް، އަދިވެސް އެއްވެސް ކަހަލަ ހަބަރެއް ނުވާ ކަމާ، އަދި މި ސިޓީ އާއެކު، އެފިހާރާގެ އަގާ ބެހޭ ހިސާބު-ކިތާބު ފޮނުވާ، އަދި ބުނެވިދިޔަ ކަންކަމުގާ، ރަދުންގެ ހިޔާލު ފޮނުއްވުމަށް އެދި، އަދި، އެމީހުން ރާއްޖެޔަށް ތެޔޮ އެތެރެކުރުން ހުއްޓާލިކަމުގަޔާ އަދި ފިހާރަ ވިއްކާލުމުގެ މުއާމަލާތްކުރަމުން ގެންދާ ވާހަކަ، އެމީހުންގެ އެޖެންޓު މރ. އެމް.އެސް.އެޗް އަބްދުލް އަލީއަށް އެންގިކަމާ މި އެންމެހާ ކަންކަން ލިޔެ؛ ޑެލްމޭޖް ފޯސީތު ސޮއިކޮށް، ފޮނުވާފާވާ ސިޓީއެއް.
(Size: 10.75" x 7.95")
Sri Lanka - Delmege Forsyth & Company Agent - letter(Official)

1357ހ ރަބީލްއާހިރު 20(1938މ ޖޫނު 19)ގާ، މިސުރުގެ ގާހިރާ އިން، އިބްރާހީމް ދީދީގެ ދަރި އަބްދުލް މަޖީދު ދީދީ، ދިވެހިރާއްޖޭގެ ރައްޔިތުންގެ މަޖިލީހުގެ ރައީސް އަށް؛ އެފަރާތުން، 1357ހ ރަބީލްއާހިރު 3(1938މ ޖޫނު 2)ތާރީހުކޮށްފާވާ ސިޓީ(N-10) ލިބުނުކަމާ، އެސިޓީގާ އެދިވަޑައިގަތް ގޮތަށް، ރަސްކަމަށް ކޮލިލާދުވަހަށް މާލެވަޑައިގަންނަވާނެ ކަމާ، އަދި އޭނާ ހިޖާޒްކަރާ(ސައުދީ އެރޭބިއާ)ގެ މަދީނާގެ ޒިޔާރަތްޕުޅުގެ ފައިސާ ހިފައިގެން ދިއަ ދަތުރުގާ، އޭނާ އިންނެވި މޮޓަރު މަގުމަތީގާ އޮތް ވަޅުގަނޑަކަށް ޖެހިނު ބޫރައިގާ، ކަނދުރާޔާއާ ބޮލުގާ ފޮށްޓަކުން ޖެހި ބުރާންތިވެ، ރިހުން ނުކެނޑިހުރެ އޭރުވެސް ރަނގަޅުނުވެ ބޮލުގާ ރިއްސާތީވެ، ހިންދުސްތާނު(އިންޑިޔާ)ގާ ބޭސްފަރުވާ ކުރުމުގެ އިޒުނަޔަށް އެދިފަޔާ، ބޮލަށް ލިބޭ އަނިޔާއިން ބަޔެއް މީހުން މޮޔަވާ ކަމާއި އަދި އެހެންވެ އެކަމާ ބިރުވެރިވެ ހުންނެވި ކަމާ، މި ކަންކަން ބަޔާންކޮށް؛ ލިޔެ ފޮނުވާފާވާ ސިޓީއެއް. (Size: 9.8" x 7.75")
Egypt - Coronation day - Letter

1903މ ސެޕްޓެންބަރު 28(1321ހ ރަޖަބް 6)ގާ، އައްސުލްތާނު މުހައްމަދު އިމާދުއްދީނުއަށް، ޝްރީލަންކާ ސަރުކާރުގެ ގެރެންޓީއާއެކު، ނޫރުބާއީ ދީފާވާ -/5000 ރުޕީޒް، އިބްރާހީމް ދީދީ މެދުވެރިކޮށް، ޝްރީލަންކާ ސަރުކާރަށް ދެއްކިކަމުގެ، 1240ނަންބަރުގެ ރަސީދު(އިނގިރޭސިން)އެއް. އަދި ނުފުށުގާ، ކޮށްފާވާ، މީގެ ދިވެހި ތަރުޖަމާއެއް.
(Size: 4.25" x 3.95")
Sri Lanka - Maldivian Embassy - Account(Money)

1908މ ޖޫނު 13(1326ހ ޖުމާދިލްއައްވަލް 13)ގާ، ކޮޅުނބުން، ވޯކާ ސަންޒް އެންޑް ކޮންޕެނީ ލިމިޓަޑް އިން، އަބްދުލް ހަމީދު ދީދީގެ ނަމުގާ، ރާއްޖެޔަށް ފޮނުވި މުދަލެއްގެ، އެކްސްޕޯޓް ފޯމެއްގެ، އެޒަމާނުގެ ކޮޕީއެއް. އަދި ނުފުށުގާ، އެ ކުންފުނި ގެ އިޝްތިހާރެއް ވެއެ.(Size: 6.35" x 5.45")
Sri Lanka - Walker Sons & Co. Ltd - Form(Package)