1373ހ ސަފަރު 15(1953މ އޮކްޓޯބަރު 23)ގާ، ވުޒާރަތުލް ދާހިލިއްޔާއިން، 1370ހ ޒުލްގައިދު 28(1951މ އޯގަސްޓް 31)ގާ ކަނޑައެޅުއްވި، ސަރުކާރުގެ ވަގުފްގޯތީގެ އާ ގަވައިދުގެދަށުން، 1340ހ ރަބީލްއާހިރު 20(1921މ ޑިސެންބަރު 20)ގާ، އައްނައިބު ހުސެއިން ސަލާހުއްދީނު ބަންޑާރަނައިބު މަނިކުފާނުންގެ ޝަރީޔަތު މަޖިލީހުން، މުޑާ އިބްރާހީމް(ގެ) އޮޅުތެރެ އަހުމަދު ކަލޭފާނު ވަގުފްކޮށް، އޭނާގެ ދަރިކޮޅަށް ހަވާލުވެރިކަން ލަށްވާފާވާ ކަމުގާ ފަތްލިޔެފާވާ، މ.ކުރިކިހަށްފިލާގޯތި، އެގޮތީގެ ބޮޑުމިނަށް ކޮޅުމަޑުލު އެލައިން ދެއްވާ، ލާޖައްސާ ހަމަކޮށް ވުޒާރަތުލް ދާހިލިއްޔާއިން ލިޔެދެއްވާފާވާ ފަތުގެ ނަކަލެއް.(Size: 8.85" X 6.7") K.Male' - M.Kurikihahfilaa Goathi (Housing Plot) - Private Property

1374ހ ޝައްވާލް 5(1955މ މޭ 27)ގާ، ވުޒާރަތުލް ދާހިލިއްޔާއިން، 1373ހ ރަބީލްއާހިރު 1(1953މ ޑިސެންބަރު 8)ގާ އެ ވުޒާރާއިން ލިޔެފާވާ 83ނަންބަރު ފަތުން، ހެންވޭރު ދީފްރަމްގޯޅިއާ އިންވެ އިރުން ކުދިރަތްމާގޯޅިއާ އިންވެ އުތުރުން އޮތް، ހ.މުރައިދޫ ގޯތި އެއީ، ހާޖީ ކޮއި އިސްމާއީލް ފުޅުގެ ދޮންތުއްތުއަށް މިލްކުވެފާވަ ގޯއްޗެއްކަން ސާބިތުވެ، އަދި އޭގެ ފަހުން، އެތަނުގެ އަގަކަށް -/2700ރުފިޔާ ކިޔާ، ކަނޑިގޭ ދޮންމަނިކުއަށް ވިއްކުމަށް އެއްބަސްވެ، ދޮންމަނިކުގެ އަތުގާ ގޯތީގެ ފަތް ބާއްވާފާ، 1663ރުފިޔާ 15ލާރި ނަގާފާވަނިކޮށް ދޮންތުއްތު މަރުވުމުން، ގޯތީގެ އަގުން ދޮންތުއްތުއަށް ލިބެންއޮތް ބައި، އޭނާގެ ވާރުތަވެރިންނަށް، ޝަރީއަތުން ލިބިދެއްވައިފި ކަމުގާ، 1374ހ ޝައުބާން 12(1955މ އޭޕްރިލް 6)ގާ، މަހްކަމަތުލް ޝަރީޔާއިން ފޮނުއްވި 2/52ނަންބަރު ސިޓީން އިނގި ސާބިތުވުމުން، އެގޯއްޗަކީ ކަނޑި ދޮންމަނިކުގެ މިލްކެއް ކަމުގާ ބަޔާންކޮށް ލިޔެފާވާ ފަތުގެ ނަކަލެއް.
(Size: 8.85" X 6.7")

1371ހ ރަބީލްއައްވަލް 21(1951މ ޑިސެންބަރު 20)ގާ، ވުޒާރަތުލް ދާހިލިއްޔާއިން؛ މަންދުއެދުރުގެ ހުސެއިން މަނިކުއަށް މިލްކުވެފާވާ ކަމުގާ، 1355ހ ސަފަރު 10(1936މ މޭ 2)ގާ، އަލްގާޒީ އަފީފުއްދީނު އުއްތަމަ ފަނޑިޔާރު މަނިކުފާނު، ފަތްލިޔެދެއްވާފާވާ، ނަސީމީ ގޯޅިޔާ އިންވެގެން، ވައްބެރު ކޮށީގާ އޮތް ގޯތި، ދައުލަތަށް ބޭނުންވެ، ހ.ނޫމާގެޔާ އެގޯތި ބަދަލުކޮށް ލާޖެއްސުމަށް ދައުލަތުން އެދި، ހުސެއިން މަނިކުގެ ބެހެނިވެރިން އެކަން ގަބޫލު ކޮށް، އެދެގޯތި ބަދަލުކޮށް، ލާޖައްސާ، އެދެތަނުގެގެ އަކަމިނުން، އަމިއްލަ ގޯތީން އިތުރުވީ ބައިގެ ބަދަލަށް، މަހްކަމަތުލް ޝަރީޔާއިން އެތާގެ ބެހެނިވެރިންނަށް ބަށްސަވާ އެ މުއާމަލާތް ނިމިފާވާ ކަމާއި، އަދި، އެބެހެނިވެރިން، އެގޯތި، ހުސެއިން މަނިކުގެ ދަރި ތުއްތުމަނިކެއަށް ހިބައިން ދީ، އޭނާޔަށް އެގޯތި މިލްކުވެއްޖެ ކަމުގާ، އަލްގާޒި އަބްދުއްލާ ޖަލާލުއްދީނު އުއްތަމަ ފަނޑިޔާރު ނިޔާކުރެއްވާފާވާ ކަމުގާ، އެމަހްކަމާއިން 1371ހ ރަބީލްއައްވަލް 23(1951މ ޑިސެންބަރު 22)ގާ ދާހިލިއްޔާއަށް ފޮނުވާފާވާ ސިޓީއަކުން ސާބިތުވެ؛ ހ.ނޫމާގެ އަކީ، މަންދުއެދުރުގޭ ހުސެއިން މަނިކުގެ ދަރި ތުއްތުމަނިކެގެ މިލްކު ގޯއްޗެއް ކަމުގާ، އެތާގެ އިމާއި މިން ހިމަނާ، ލިޔެފާވާ ފަތުގެ ނަކަލެއް.A copy of the report originally written on 20 December 1951 regarding Henveiru Noomaage (Size: 8.85" X 6.7")
K.Male' - H.Noomaage (Housing Plot) - Private Property, Housing plot (government)

1371ހ ރަބީލްއައްވަލް 27(1951މ ޑިސެންބަރު 26)ގާ، މަހްކަމަތުލް ޝަރީޔާއިން؛ ސަރުދާރު(މަންދުއެދުރުގޭ) ހުސެއިން މަނިކުގެ ގޯތީގެ މިލްކުވެރިންނަކީ ކާކުތޯ ބެލުމުން، އެއީ، ހުސެއިން މަނިކުގެ، ދަރި ތުއްތުމަނިކެ އާއި، އަނބި ފިހާރަގޭ ޒުލޭހާ ފުޅާއި، އެއްބަނޑުއެއްބަފާ މުހައްމަދު މަނިކު ކަމުގާ ސާބިތުވެފާވާ ކަމާއި، އަދި، މުހައްމަދު މަނިކާއި، ޒުލޭހާ ފުޅަށް އެގޯތިންނާ، އަދި އެހެނިހެން ތަކެތިން ވީ ހިއްސާ، އެމަހްކަމާގާ، ތުއްތުމަނިކެއަށް ހިބައިން ދީފިކަމުގާ ބުނެ، އޭނާ އެކަން ގަބޫލުކުރުމުން، ހުސެއިން މަނިކުގެ ތަރިކަގެ ހުރިހާ ތަކެއްޗާއި އަދި އެގޯތި ތުއްތުމަނިކެއަށް މިލްކުވެފާވާ ކަމުގާ، ލިޔެފާވާ ފަތުގެ ނަކަލެއް.A Copy of property and real eastate document stating the ownership of the land Henveiru Noomaage and all the belongings of Hussain Manik (Size: 8.85" X 6.7")
K.Male' - H.Noomaage (Housing Plot) - Private Property

1379ހ ޖުމާދިލްއައްވަލް 24(1959މ ނޮވެންބަރު 26)ގާ، ވުޒާރަތުލް ދާހިލިއްޔާއިން؛ 1262ހ(1846މ)ގާ، އަލްގާޒި މުހައްމަދު މުހިއްބުއްދީނު އުއްތަމަ ފަނޑިޔާރު މަނިކުފާނުން ލިޔެދެއްވާފާވާ ފަތަކުން، ހ.ކާނޭޝަންމާގެ ކިޔޭ ގޯއްޗަކީ، ފެންނުވަރާ އަލީ ތައްހާނުގެ މިލްކެއް ކަމާއި، އޭނާ ނިޔާވުމުން، އޭނާގެ ބެހެނިވެރިން އަތުން، ދޮންހުރާގޭ އަލްވަޒީރު އިބްރާހީމް ދަހަރާ ތަކުރުފާނު އެގޯތި ގަނެ މިލްކުކޮށް، އޭނާ ނިޔާވުމުން، އޭނަގެ ދަރިކޮޅުގެ، ދަނޑިކޮށީގޭ މީހުންނަށް ވީތަން، ގުރައިދޫ ކުޑަމޫސާ ކަލޭފާނު ގަނެ، ދެން އޮތް ބައިން، މާކަނާ ކުޑަތުއްތު ދީދީ އަށް ވީ ތަނާއި، އެގޯތީގެ އެހެނިހެން ބެހެނިވެރިންގެ އަތުން ކުޑަތުއްތު ދީދީ ގަނެފާވާ، ތަންތަންވެސް ގުރައިދޫ ކުޑަމޫސާ ކަލޭފާނުން ގަނެ، މުޅި އެގޯތި އޭނާޔަށް މިލްކުވެފާވާ ކަމާއި، އަދި އޭނާ ނިޔާވުމުން، އޭނާގެ ދަރިން، ކަމަނަ، އިބްރާހީމް ހަލީމް، މުހައްމަދު ހަލީމް އަދި އަހުމަދު ހަލީމް އަށް ވީ ބައިބައި، ކުޑަމޫސާ ކަލޭފާނުންގެ ދެންހުރި ދަރި، ތުއްތު ގަނެ، މުޅި އެގޯތި އޭނާއަށް މިލްކުވެ، ތުއްތު ނިޔާވުމުން އޭނާގެ ދަރި ދޮންތުއްތުއަށް އެ ގޯތީގެ 8/7ވެ، ތުއްތު އިނދެގެން އުޅުނު އައިޝާފުޅުއަށް ވީ 7/1، އޭނާ އެ ދޮންތުއްތު އަށް ދިން ކަމާއި، މިއެންމެ ކަންކަން، 1377ހ ޝައްވާލް 20(1958މ މޭ 10)ގާ، މަހްކަމަތުލް ޝަރީއްޔާއިން، ދާހިލިއްޔާއަށް ފޮނުވާފާވާ 2/131ނަންބަރު ސިޓީއިން ސާބިތުވެ؛ މުޅި އެގޯތި އެއީ ގުރައިދޫ ކުޑަމޫސާ ކަލޭފާނުގެ ތުއްތުގެ ދޮންތުއްތުގެ މިލްކެއްކަމުގާ ބަޔާންކޮށް، ލިޔެފާވާ ފަތުގެ ނަކަލެއް. A copy of the report originally written on 26 November 1959 regarding the ownership of the land Henveiru Kaanashionmaage (Size: 10" X 7.35)
K.Male' - H.Carnationmaage (Housing Plot) - Private Property

1375ހ ޝައުބާން 1(1956މ މާޗް 14)ގާ، ވުޒާރަތުލް ދާހިލިއްޔާއިން؛ މައްޗަންގޯޅި، ގައުމީ ގޯޅިއާއި އިންވެ އުތުރުން ޕިޔާނާގެއާ އިންވެ އިރުން އޮތް، ރިބުދޫ ކޮށްޓޭ ކިޔާ ބިމުގެ މެދުތެރެއިން، އުތުރު ބިތުން 14ރިޔަން 18އަނގޫ، ދެކުނު ބިތުން 12ރިޔަން 14އަނގޫ ބޮޑުމިން(މއ.ތަބައްގެ)، ރިނބިދޫ މުހައްމަދު ތަކުރުގެ ޒުލޭހާފުޅުގެ އާދަމްފުޅުގެ ތަބައްގޭ ދޮންކޮއްކޮ އަށް މިލްކުވެފާވާކަން، 1329ހ ޖުމާދިލްއާހިރު 11(1911މ ޖޫނު 9)ގާ، އައްސުލްތާނު މުހައްމަދު ޝަމްސުއްދީނުގެ ރަސްކަމުގާ، އަލްގާޒީ މުހައްމަދު މުހިއްބުއްދީނު އާއި ހުސެއިން ސަލާހުއްދީނާއި ދެ ބޭފުޅުންގެ ޝަރީޔަތު މަޖިލީހުން ލިޔެދެއްވާފާވާ ފަތަކުން ސާބިތުވެ، އަދި ދޮންކޮއްކޮ ނިޔާވުމުން، އޭނާގެ ތަރިކަވެރިން ކަމުގާވާ އޭނާގެ އަނބި، ކަތްދާފުޅު، ދަރިން، އަލިފުޅުއާއި ދޮންކަމަނައަށް ލިބިފާވަނިކޮށް، ކަތްދާފުޅާއި ދޮންކަމަނަ ނިޔާވެ، ތަބައްގޭ ދޮންކޮށްކޮގެ ހުރި، ހަމައެކަނި ތަރިކަވެރިޔާ އަކީ އަލިފުޅު ކަމާއި، އެގޯތި އެއީ އޭނާގެ މިލްކެއް ކަމުގާ ބަޔާންކޮށް 1374 ޒުލްހައްޖު 22(1955މ އޯގަސްޓް 11)ގާ، މަހްކަމަތުލް ޝަރީޔާއިން، ވުޒާރަތުލް ދާހިލިއްޔާ އަށް ފޮނުވާފާވާ ހ-2/119ނަންބަރު ސިޓީއިން ސާބިތުވެ، އެގޯތީގެ މިލްކުވެރިޔާއަކީ، ރިބުދޫގޭ މުހައްމަދު ތަކުރުގެ ޒުލޭހާފުޅުގެ އާދަމްފުޅުގެ ތަބައްގޭ ދޮންކޮއްކޮގެ އަލިފުޅު ކަމުގާ ބަޔާކޮށް، އެތަނުގެ އިމާއި މިން ހިމަނާ، ލިޔެފާވާ ފަތުގެ ނަކަލެއް.A copy of the report originally written on 14 March 1956 regarding the ownership of the land Machchangoalhi Thabagge (Size: 10" X 7.36)K.Male' - MA.Thabahge (Housing Plot) - Private Property

1371ހ ރަމްލޯނު 27(1952މ ޖޫނު 20)ގާ، ވުޒާރަތުލް ދާހިލިއްޔާއިން؛ 1339ހ ޖުމާދިލްއައްވަލް 21(1921މ ޖަނަވަރީ 31)ގާ، އާދަމް އަލް މަހްލީ ގެދަރި އައްނައިބު މޫސާ ތަކުރުފާނުގެ މިލްކެއްކަމުގާ، ހުސެއިން ސަލާހުއްދީނު އުއްތަމަ ފަނޑިޔާރު ލިޔެދެއްވާފާވާ ފަތަކުން ސާބިތުވެ، އޭގެފަހުން 1370ހ ޖުމާދިލްއައްވަލް 1(1951މ ފެބްރުވަރީ 8)ގާ، އަލްގާޒީ އަބްދުއްލާ ޖަލާލުއްދީނުގެ ޝަރީޔަތު މަޖިލީހުން ލިޔެފާވާ ލިޔުމަކުން، އެތަކުރުފާނުގެ ދަރި އަބްދުލް ހަކީމްއަށް އެގޯތި މިލްކުވެ، އޭނާ ނިޔާވުމުން، އޭނާގެ ވާރިސުން، އެގޯތި، ހަސަން ރަނަހަމާންތި ކަލޭފާނަށް -/800ރުފިޔާ އަށް ވިއްކާ، އޭނާޔަށް މިލްކުވެފާވާ ކަމުގާ ސާބިތުވާ، މާފަންނު މިރިޔާސްމަގު ދެކުނުން އިންވެގެން އޮތް ދިރިމާގޯތި('ގިއުޅުގޯތި')؛ އަދި 1329ހ ޖުމާދިލްއާހިރު 11(1911މ ޖޫނު 9)ގާ، ރިނބުދޫ ދޮންއަލީ ކަލޭފާނުގެ ހުސެއިންފުޅުގެ ދަރި ރިނބުދޫ ދޮންމޫސާ ކަލޭފާނުގެ މިލްކެއްކަމުގާ، އައްސުލްތާނު މުހައްމަދު ޝަމްސުއްދީނުގެ ރަސްކަމުގާ ފަތްލިޔެދެއްވާފާވާ، އޭގެފަހުން، އެފަތުގެ ނުފުށުގާ، 1369ހ ޝައްވާލް 29(1950މ އޯގަސްޓް 15)ގާ، ދޮންމޫސާ ކަލޭފާނުގެ ދަރި ދޮންތުއްތުއަށްވީ ބައި، ހަސަން ރަނަހަމާންތި ކަލޭފާނަށް، -/250ރުފިޔާ އަށް ވިއްކާ، އޭނާއަށް މިލްކުވެފާވާ ކަމުގާ، އަލްގާޒީ އަބްދުއްލާ ޖަލާލުއްދީނު އުއްތަމަ ފަނޑިޔާރު ފަތްލިޔެދެއްވާފާވާ، މައްޗަންގޯޅި ރަށްދެބައިމަގާ އިންވެ ހުޅަނގުން އޮތް ރިނބުދޫގެ ކިޔާ ގޯއްޗާއި އިންވެ ހުޅަނގުން އޮތް މަލިކުރުވާގޯތި؛ އަދި، 1329ހ ޖުމާދިލްއާހިރު 12(1911މ ޖޫނު 10)ގާ، ރިނބުދޫ ދޮންއަލީ ކަލޭގެ ދަރި ހައްވާފުޅުގެ ދަރި މާއްޑޫ މުދިންކަލޭފާނުގެ ދަރި ދޮންމަނިކުއަށް މިލްކުވެފާވާކަމުގާ، އަލްހަތީބު ހުސެއިން އާއި އައްނައިބު ހުސެއިން ބަންޑާރަނައިބު މަނިކުފާނުގެ ޝަރީއަތު މަޖިލީހުން ފަތްލިޔެދެއްވާފާވާ، އަދި ދޮންމަނިކު ނިޔާވެ، އެގޯތި، އޭނާގެ ދަރި ފާތުމަތު މަނިކެގެ ދަރިންނަށް މިލްކުވެ، އެމީހުން، އެގޯތި، -/350ރުފިޔާއަށް، ހަސަން ރަނަހަމާންތި ކަލޭފާނަށް ވިއްކާ، އޭނާޔަށް މިލްކުވެފާވާ ކަމުގާ، އެފަތުގެ ނުފުށުގާ، 1369ހ ރަމްލޯނު 5(1950މ ޖޫނު 21)ގާ، އަލްގާޒީ އަބްދުއްލާ ޖަލާލުއްދީނު އުއްތަމަ ފަނޑިޔާރުގެ ޝަރީޔަތު މަޖިލީހުން ލިޔެދެއްވާފާވާ ލިޔުމަކުން ސާބިތުވާ، އެ މަލިކުރުވާގޯއްޗާ އިންވެ އުތުރުން އޮތް ފަރުދާބަގީޗާ ގޯތި އާއި؛ މި 3 ގޯތީގެ ބޮޑުމިނަށް، ހެންވޭރު ކަރަންކާމަގާ އިންވެ ހުޅަނގުން ކަޅުހުރާމަގާ އިންވެ އުތުރުން އޮތް، ހެންވޭރު ކަރަންކާގޯތީގާވާ ބަންޑާރަ ބަޔާއި، ބަދަލުކޮށް ލާޖައްސާ، އެ 3 ގޯތީގެ ބޮޑުމިނުން އިތުރުވީ ތަނަށް، ދައުލަތުން އަގުދެއްވާފާވާ ކަމުގާ، މަހްކަމަތުލް ޝަރީޔާއިން ފޮނުވާފާވާ، ހ.2/84ނަންބަރު ސިޓީއިން ސާބިތުވެ، އަދި އެކަރަންކާގޯތީގެ އިރުދެކުނު ކަނުގާވާ، ގަޖަޑާ ހަސަންފުޅުގެ ދަރި އަލިމަނިކުއަށް މިލްކުވެފާވާ، އަދި އޭނާ ނިޔާވުމުން، އޭނާގެ ތަރިކަވެރިން، އަލްއަމީރު އަބްދުލް މަޖީދު ދީދީއަށް ވިއްކާ، އޭނާ، ހަސަން ރަނަހަމާންތި ކަލޭފާނަށް ހިބައިން ދެއްވާ، އެ ކަލޭފާނަށް އެތަން މިލްކުވެފާވާ ކަމުގާ 1351ހ ޖުމާދިލްއައްވަލް 13(1932މ ސެޕްޓެންބަރު 14)ގާ، އަލްގާޒި ހުސެއިން ސަލާހުއްދީނު ލިޔެދެއްވާފާވާ ފަތަކުން ސާބިތުވާ ބަޔާއި އެކު، މުޅި ހެންވޭރު ކަރަންކާގޯތި(ހ.ކަރަންކާގެ) އެއީ، މާއެބޫދޫގޭ ދަހަރާގޭ ކުޑަކޮއްކޮ ގެދަރި ހަސަން ރަނަހަމާންތި ކެލޭފާނުގެ މިލްކެއް ކަމުގަޔާ، މ.ދިރިމާގޯތި، މއ.މަލިކުރުވާގޯތި އަދި މއ.ފަރުދާބަގީޗާގޯތި، އެއީ ދައުލަތުގެ މިލްކެއް ކަމުގާ ބަޔާންކޮށް، އެތަންތަނުގެ އިމާއި މިން ހިމަނާ، ލިޔެދީފާވާ ފަތުގެ ނަކަލެއް.A copy of the report originally written on 20 June 1952 regarding the ownership of the land Henveiru Karankaage (Size: 10" X 7.37)
K.Male' - H.Karankaage (Housing Plot) - Private Property, Housing plot (government)

1374ހ ރަބީލްއައްވަލް 20(1954މ ނޮވެންބަރު 16)ގާ، ވުޒާރަތުލް ދާހިލިއްޔާއިން؛ އައްޔަފުޅު ކޮއިގެ މިލްކެއްކަމުގާ، އައްނައިބު ސަލާހުއްދީނު ފަތްލިޔެދެއްވާ، 1373ހ ސަފަރު 4(1953މ އޮކްޓޯބަރު 12)ގާ، އެފަތުގެ ނުފުށުގާވާ މަހްކަމަތުލް ޝަރީޔާގެ ލިއުމަކުން، އައްނަބީލް އިބްރާހީމް ހަސަން ދިދީއަށް މިލްކުވެފާވާ، ހެންވޭރު ހިތަށްފިނިވާމަގާއި އިންވެ އޮތް ކަރަންފޫ ގޯތި؛ އަދި 1208ހ(1794މ)ގާ، ބުރަކި ހާޖީގެ މިލްކެއްކަމުގާ، އައްސުލްތާނު ހަސަން ނޫރައްދީނު ފަތްލިޔެދެއްވާ، 1368ހ ޖުމާދިލްއާހިރު 5(1949މ އޭޕްރިލް 4)ގާ، އިބްރާހީމް ހަސަން ދީދީއަށް ވިއްކާ އޭނާގެ މިލްކެއްކަމުގާ، މަހްކަމަތުލް ޝަރީޔާގެ ލިއުމަކުން ސާބިތުވާ، ހެންވޭރު މުޅަދޫގެއާ ގުރާތުންގެއާ އިންވެ އިރުންއޮތް، ބުރަކިގޯތި؛ އަދި، އަލްއަމީރު ހަސަން ފާށަނާކިލެގެފާނުގެ ދަރި ނޫމަރާގަނޑުވަރު ތުއްތުމަނިއްޕުޅުގެ މިލްކެއް ކަމުގާ، އައްނައިބު ސަލާހުއްދީނުގެ ޝަރީޔަތު މަޖިލީހުން ފަތްލިޔެދެއްވާ، އެ ތުއްތުމަނިއްޕުޅު، ފިހާރަކޮއިގޭ އާދަމްފުޅުއަށް ވިއްކާ، އިބްރާހީމް ހަސަން ދިދީ އޭނާ އަތުން ގަނެ، މިލްކުރެއްވިކަމުގާ، 1370ހ ރަބީލްއާހިރު 23(1951މ ޖަނަވަރީ 31)ގާ، އެގޯތީގެ ފަތުގެ ނުފުށުގާ، މަހްކަމަތުލް ޝަރީޔާއިން ލިޔެފާވާ ލިއުމުން ސާބިތުވާ، ހިރުނދުގޯޅިއާ އިންވެގެން އޮތް ފިހާރަގޯތި؛ 1208ހ(1794މ)ގާ، ބަންޑާރަ އެދުރުގޭ ދޮންމަނިކުގެ ދަރީންގެ މިލްކެއްކަމުގާ، އައްސުލްތާނު ހަސަން ނޫރައްދީނު ފަތްލިޔެދެއްވާ، 1317ހ ޖުމާދިލްއައްވަލް 15(1899މ ސެޕްޓެންބަރު 21)ގާ، އޭރުގެ އެގޯތީގެ މިލްކުވެރިޔާ، އަސޭގޭ ދޮށީމަނިކު، އަލްއަމީރު ހަސަން ފާމުލަދޭރިކިލެގެފާނުއަށް ވިއްކާ، އޭނާއަށް މިލްކުވެފާކަމުގާ، ނައިބު ތުއްތުގެ ފަނޑިޔާރު ގެއިން، އެގޯތީގެ ފަތުގެ ނުފުށުގާވާ ލިއުމަކުން ސާބިތުވެ، އެކިލެގެފާނު ނިޔާވުމުން، އޭނާގެ ބެހެނިވެރިން ކަމުގާވާ، އޭނަގެ ދަރިން، އިބްރާހީމް ހަސަން ދީދީ، މުހައްމަދު ހަސަން ދީދީ އަދި އަލްމަރްހޫމް އައިމިނަތު ދީދީގެ ފާތުމަތު ދީދީގެ މިލްކުވިކަމުގާ، 1374ހ ސަފަރު 11(1954މ އޮކްޓޯބަރު 8)ގާ މަހްކަމަތުލް ޝަރީޔާއިން ފޮނުއްވި، ހ-2/10ނަންބަރު ސިޓީން ސާބިތުވެ، ފާތުމަތު ދިދީއަށްވީ ބައި، އޭނާ، އިބްރާހީމް ދީދީ އާއި މުހައްމަދު ދީދީ އަށް ހިބައިން ދެއްވާ، މުހައްމަދު ދީދީއަށްވީ ބައި، އިބްރާހީމް ދީދީ އަށް ވިއްކަވާ، މުޅިގޯތި އިބްރާހީމް ހަސަން ދީދީ އަށް މިލްކުވެއްޖެކަމުގާ، 1374ހ ރަބީލްއައްވަލް 14(1954މ ނޮވެންބަރު 10)ގާ، މަހްކަމުތުލް ޝަރީޔާއިން ފޮނުވި، ހ-2/18ނަންބަރު ސިޓީން ސާބިތުވާ، މެދުޒިޔާރަތް މަގާ އިންވެގެން އޮތް، މަދްރަސާފެހި ކިޔާތަނުގާ އޮތް ގޯތި؛ އަދި އަބާ އީސާ ހާޖީގެ ދަރި އާދަމް ފުޅުގެ މިލްކެއްކަމުގާ، އައްނައިބު ހުސެއިން ސަލާހުއްދީނު ބަންޑާރަ ނައިބު މަނިކުފާނުގެ ޝަރީޔަތު މަޖިލީހުން ފަތްލިޔެ، އާދަމްފުޅު ނިޔާވުމުން އޭނާގެ ދަރި އިބްރާހީމް ރަޝީދުއަށް މިލްކުވީ ކަން، އެ ފަތުގެ ނުފުށުގާ، 1365ހ ރަޖަބް 5(1946މ ޖޫނު 5)ގާ، މަހްކަމަތުލް ޝަރީޔާއިން ލިޔެފާވާ ލިއުމުން ސާބިތުވެ، ރަޝީދު ނިޔާވުމުން އޭނާގެ އެއްބަނޑު، އަބާ މޫސާފުޅުއަށް މިލްކުވެ، އޭނާ، އިބްރާހީމް ހަސަން ދީދީ އަށް ވިއްކާ، އިބްރާހީމް ހަސަން ދީދީއަށް އެގޯތި މިލްކުވީ ކަމުގާ، 1373ހ ޒުލްގައިދު 24(1954މ ޖުލައި 25)ގާ، މަހްކަމަތުލް ޝަރީޔާއިން ލިޔެފާވާ ލިޔުމަކުން ސާބިތުވާ، މައްޗަންގޯޅި އަޅިވިލާގޯޅި އާއި އިންވެ އުތުރުން އޮތް، އަބާ މޫސާފުޅު ހުރި ގޯތި ކިޔާ ގޯތިއާއި، މި 5 ގޯތި؛ ހިތަށްފިނިވާމަގާ އިންވެ ދެކުނުން ހަދީބީމަގާ އިންވެ އިރުން އޮތް، ބަންޑާރަގޯއްޗާއި ބަދަލުކޮށް، ލާޖައްސާ، އެ 5ގޯތި ދައުލަތުއަށް މިލްކުވެ، އެހުރިހާ ގޯތިތަކުގެ ބޮޑުމިނުން އިތުރުވީ ބައި، ބުރުނީގޭ ދެކުނުގެއާ ލާޖައްސާ؛ އެ މުޅިގޯތި(ހ.ބުރުނީގެ އާއި އެގޭ ދެކުނުގެ) އައްނަބީލު އިބްރާހީމް ހަސަންދީދީ އަށް މިލްކުވެއްޖެ ކަމުގާ ބަޔާންކޮށް، އެތާގެ އިމާއި މިން ހިމަނާ، ލިޔެދީފާވާ ފަތުގެ ނަކަލެއް.A copy of the report originally written on 16 November 1954 about the transfer of ownership of the land Henveiru Buruneege till the latest Owner. (Size: 10" X 7.35)K.Male' - H.Buruneege (with Dhekunuge) Housing Plot) - Private Property, Housing plot (government)

1375ހ ޝައުބާން 1(1956މ މާޗް 14)ގާ، ވުޒާރަތުލް ދާހިލިއްޔާއިން؛ ޒަމާނީ ހިނގުމާ އިންވެގެން އުތުރުން، ބުލްބުލް ގޯޅިޔާ އިންވެގެން އިރުން އޮތް ގޯއްޗަކީ، 1329ހ ސަފަރު 11(1911މ ފެބްރުވަރި 11)ގާ، އައްސުލްތާނު މުހައްމަދު ޝަމްސުއްދީނުގެ ރަސްކަމުގާ، އަލްހަތީބު ހުސެއިން އާއި ހުސެއިން ބަންޑާރަނައިބާއި ދެ ބޭފުޅުނުންގެ ޝަރީއަތު މަޖިލީހުން، ބޯހުދު ދޮންފުތުގެ މިލްކެއް ކަން ސާބީތުވެ، 1375ހ މުހައްރަމް 23(1955މ ސެޕްޓެންބަރު 10)ގާ، މަހްކަމަތުލް ޝަރީޔާ އިން ފޮނުވާފާވާ، ހ-2/11ނަންބަރު ސިޓީއިން، އެ ގޯތި ބޯހުދު ދޮންފުތު އަތުން، އިންނަތުއްތުގެ އަނބި، އިންނަ ތުއްތު އައިޝަތު ފުޅު(ލަންގަރު އައިޝަތު ފުޅު) ގަތް ކަމުގާ ސާބިތުވެ، އޭނާ ބަލިވެގެން ތަރިކަ ބެހުމުގާ، އޭނާގެ ބެހެނިވެރިން ކުރެ، އޭނާގެ ދަރި ކުޑަ ހާޖީގެ ތުއްތު، -/250ރުފިޔާ އަށް އެގޯތި ގަނެ މިލްކުކުރިކަން، 1366ހ ޖުމާދިލްއައްވަލް 17(1947މ އޭޕްރިލް 9)ގާ، މަހްކަމަތުލް ޝަރީޔާއިން ތުއްތުއަށް ދީފާވާ ލިޔުމަކުން ސާބިތުވެ؛ އެގޯއްޗަކީ އިންނަ ތުއްތުގެ ކުޑަ ހާޖީގެ ތުއްތު އަށް މިލްކުވެފާވާ ގޯއްޗެއް ކަމުގާ ބަޔާންކޮށް، އެތަނުގެ އިމާއި މިން ހިމަނާ، ލިޔެފާވާ ފަތެއްގެ ނަކަލެއް..
A copy of the report originally written 14 March 1956 regarding the ownership of the land Machchangoalhi Iraakuge (Size: 10" X 7.35)
K.Male' - Ma.Iraakuge (Housing Plot) - Private Property

1371ހ ރަބީލްއާހިރު 24(1952މ ޖަނަވަރީ 22)ގާ، ވުޒާރަތުލް ދާހިލިއްޔާއިން؛ 1349ހ(1930މ)ގާ، އަލްގާޒީ ހުސެއިން ސަލާހުއްދީނު އުއްތަމަ ފަނޑިޔާރު މަނިކުފާނު ލިޔެދެއްވާފާވާ ފަތަކުން، އަލްގާޒީ މުހައްމަދު މުހިއްބުއްދީނުގެ ދަރި އަލްހަތީބު ހުސެއިންގެ ދަރި ވެލިދޫގޭ މޫސާ ދީދީގެ މިލްކެއް ކަމުގާ ސާބިތުވާ، މާފަންނު ކުޑަކޮށީގާ އޮތް ކާނޭޝަންމާގެ(ކުރީގެ ކުޑަކޮށީފަނޑިޔާރުގެ)، ދައުލަތަށް ބޭނުންވުމުން، އެތަނުގެ ބަދަލު، މާފަންނު ކަނޑޫދުގެ ކިޔާ ބަންޑާރަ ގޯތި އާއި، މުލީގޭ އައިޝަތު ފުޅުއަށް މިލްކުވެފާ ވަނިކޮށް، 1371ހ(1952މ)ގާ، މ.ސައްކެޔޮގަސްދޮށުގެއޭ ކިޔާ ގޯއްޗާއި ލާޖައްސާ ދައުލަތަށް ނެގިފާވާ، މާފަންނު ބޮނޑިބަތްގެއާ، މިދެގޯތިން ދެއްވުމަށް، މޫސާ ދީދީ ވިދާޅުވެ، ކުޑަކޮށީފަނޑިޔާރުގެ ދައުލަތަށް ނަންގަވާ، ކަނޑޫދޫގެ އާއި ބޮނޑިބަތްގެ މިދެގެއިން، އެގޯތީގެ ބޮޑުމިނަށް ތަންނަންގަވާ، ލާޖައްސާ؛ އޯކިޑްމަގާ އިންވެގެން އުތުރުން އަސުރުމާގެއާ އިންވެގެން ހުޅަނގުން އޮތް ގޯތީ، މ.ކާނޭޝަންމާގެ އެއީ، ވެލިދޫގޭ މޫސާ ދީދީގެ މިލްކެއްކަމުގާ ބަޔާންކޮށް، އެތަނުގެ އިމާއި މިން ހިމަނާ، ލިޔެފާވާ ފަތުގެ ނަކަލެއް.A copy of the report originally writen on 22 January 1952 regarding the ownership of the land Maafannu Kaanashionmaage (Size: 10" X 7.35)
K.Male' - Ma.Carnationmaage (Housing Plot) - Private Property, Housing plot (government)